Leevi Olli

Leevi Olli lii 22-ihásâš. Sun čalii pajeuáppen Avveel luvâttuvâst já lohá Oulu ollâopâttuvâst tavesämikielâ já sämikulttuur. Leevi läävee astoääigist miäcástiđ, kuálástiđ sehe spellâđ jyelgipáálu já frisbeegolf. Leevi tuáivu, ete puátteeääigist sun puávtáččij aassâđ tavveen.

Leevi mielâst lii pyeri, ete säminuorâin lii máhđulâšvuotâ vaiguttiđ jieijâs aššijd nuorâirääđi peht.  Sun maainâš šiev ovdâmerkkân tom, ete kuhháá vuáváájum Ofelaš-škovlâkollimtoimâ lii álgám Dihtosis-havváin. Leevi mielâst lii ahheev, ete sämmilij aašijn merideh liijkás távjá sämmilij uáivilijttáá. Jieŋâmeerâ ryevdirađe já savâstâllâm tast lii Leevi mielâst vaidâlittee šiev ovdâmerkkâ tast.

Leevi tiervuođah nuoráid, kiäh hundârušeh nuorâirááđán servâm: Eromâš tilálâšvuotâ peessâđ vaiguttiđ sämmilij aššijd. Nuorâirääđi mieldi piäsá meiddei jotteeđ vâik kuus.