SkammâČuõvv -kulttuurleirâ

14.10.2020

SkammâČuõvv -kulttuurleirâ ij uárnejuu koronaviruspandemia tiet.

SkammâČuõvv lii 13 – 17-ihásâš säminuoráid uáivildum väldikodálâš já nuuvtá oholoppâleirâ, kost vuáijup sämikulttuurân pargopáájáporgâm vievâst. Leeirâ pargopááiján láá tááláš tanssâ, ráiđukove já sämityeji.

Leeirâst faallâp lieggâ purrâmušâid já koskâpittáid.

Sáátuh Oulun

Leeirân piäsá bussisáttoin Ucjuv já Kärigâsnjaargâ peht Oulun, já eres orostemsajeh láá Aanaar, Avveel, Vuáčču, Suáđigil, Ruávinjargâ já Kiemâ. Määđhi ääigi lii ohtâ 45 min purâdempuddâ. Sáttu lii nuuvtá. Oulu maadâpeln puáttee nuorah finnejeh mađhâšemtorjuu almos fiävrui várás. Siäilut tuu mätkiliipu. Toos lasseen Oulu kaavpug siste sáátuh tuáimih ijâstâllâmsoojijn kulttuurtáálu Valven já maassâd.

Almottâttâm

Čannee almottâtmijd leeirân majemustáá vu 12.10.2020 väldiv vuástá läänitaaiđâr Milja Guttorm, milja.guttorm(at)taike.fi  / 0295 330 865 tâi nuorâičällee Elli-Marja Hetta, elli-marja.hetta(at)samediggi.fi  / 050 382 5179. Almoot almottâttâm ohtâvuođâst tuu eromâšpurrâmušváálju, ohtsâšsáátun uásálistem já pargopáájá, moos tun ááiguh uásálistiđ.

Ijâstâllâm

Juáháš haahâ olssis ijâstâllâmsaje, mutâ jis jieh kaavnâ taggaar, te läänitaaiđâr Milja Guttorm já nuorâičällee Elli-Marja Hetta išedává ijâstâllâmsaje kavnâmist.

Korona-ravvuuh

Mij anneep leeirâst huolâ kietâhygieniast. Leeirâst láá kietâdesiputtâleh já muátusyejeh táárbu mield. Ele puáđi pyeccen leeirân. Ele meid puáđi leeirân, jis lah lamaš olgoenâmijn majemui kyevti oho siste. Kieđâid kalga desinfistiđ viäskárist puáđidijn já vyelgidijn já ain ovdil purâdem. Mij eellip čoođâ koronaravvuid leeirâ aalgâst.

Táhádâsah

Uásálistein lii táhádâs oles leeirâ ääigi uárnejeijee tooimâst.