Risten Mustonen

Risten Mustonen lii paajeest 2018-2019 nuorâirääđi saavâjođetteijen.

Risten madduuh láá Vuáčust já Suáđigilist, mutâ tääl sun áásá Helsigist. Sun lii mieldi nuorâirääđist, tast ko sun lii perustum nuorâi aašijn já sun haalijd jieijâs pargoin vaiguttiđ säminuorâi puátteevuotân. Kielâaašijd Risten maainâš olssis tehâlumosin äššin, já kielâaašij oovdân sun haalijd porgâđ.

Risten illood tast, mon maaŋgâpiäláliih tooimah nuorâirääđist láá: “Puáhtá uásálistiđ pooliitlij miärádâsâi tohâmân, puáhtá leđe mieldi orniimin tábáhtusâid já ton lasseen nuorâirääđist láá tääl joođoost kulmâ haavâ (De!, Dihtosis já DigiÁrran), moh adeleh pargo säminuoráid.”

Tiervuođah nuorâirääđi tooimâst perustum nuoráid:

“Nuorâirääđist muu mielâst pyeremus äšši lii tot, ete piäsá uápásmuđ eres sämmiláid pirrâ Sämieennâm já porgâđ ohtsâšpargo čepis ulmuiguin.”