Anni-Sofia Niittyvuopio nuorâirääđi saavâjođetteijen
Sämitige nuorâirääđi saavâjođetteijen väljejui Anni-Sofia Niittyvuopio Kärigâsnjaargâst já värisaavâjođetteijen Maria Mäkinen Jyväskyläst. - Mun lam kijttevâš luáttámušâst. Mij vyerdip moovtâ nuorâirääđi pargo juátkim säminuorâi sajattuv pyeredem oovdân. Sämitiggeest láá taan valjâpaajeest kieđâvuššâmnáál stuorrâ olesvuođah, tego tuotâvuotâ- já sovâdâttâmproosees, sämikulttuurlaavâ valmâštâllâm já sämmiliih pyereestvaijeempalvâlusah. Nuorâirääđi haalijd leđe aktiivlávt mieldi tai olášutmist, muštâl nuorâirääđi saavâjođetteijen väljejum Anni-Sofia Niittyvuopio.
– Nuorâirääđi haalijd pajediđ oovdân šoŋŋâdâhnubástus, mon vaikuttâsah ärbivuáváláid iäláttâssáid, kielân já kulttuurân láá jo uáinusist. Mij halijdep meid tiäduttiđ sämikielâlii viestâdem sehe jiegâlii já fyysisii pyereestvaijeem merhâšume. Säminuorah käibideh sämikielâlijd áámmáttáiđulijd ulmuid, kiäh pasteh ravviđ, ete kost puáhtá finniđ tiäđu já iše. Aalmugijkoskâsii oovtâstpargo mij porgâp eereeb iärrás OA algâaalmugij pissoo foorumáin já Säämi parlamentaarlii rađđijn (SPR). Mij nomâttijm čuákkimist pargojuávhu vuáváđ ohtsâštave-eennâmlii säminuorâi konferens, mii uárnejuvvoo maŋeláá taan ive, juátká Anni-Sofia.
Nuorâirääđi toimâpaje 2020-2021 vuossâmuš čuákkim lâi 26.3.2020 já äššilistoost lâi saavâjođetteijei valjim lasseen äššitobdeejesânij valjim nuorâirááđán. Sämitige pargo-oornig mield nuorâirääđi puáhtá valjiđ rááđán kyevti ihán häävild enâmustáá vittâ pissoo äššitobdee. Nuorâirääđi äššitobdeeh kalgeh leđe valjiidijn 15–17-ihásiih. Nuorâirääđi äššitobdeejesânin väljejui Hansa Pieski, Sunna Siilasjoki, Ánte Tenoranta já Helmi Ljetoff.
Toos lasseen nuorâirääđi savâstâlâi Sämitige valjâpaje toimâohjelmist 2020-2023. Nuorâirääđi uápásmui Sämitige čuákkim vuolgâttâssavâstâllâmmateriaalân já savâstâlâi nuorâirääđi toimâsyergi tehálijn hástusijn já uulmijn. Nuorâirääđi taha iävtuttâs toimâsyergistis Sämitige valjâpaje 2020-2023 ohjelmân.
– Taan valjâpaajeest mij halijdep väldiđ fáárun säminuorâid ohtsâškodálii vaaigutmân já porgâp eromâšávt sämikielâlii nuorâipargo syergist. Mij halijdep vuáháduttiđ digitaallii nuorâipargo, mii tuárju nuorâi identiteet, kielâ já kulttuur siäilum, nuorâirääđi saavâjođetteijee puáhtá oovdân nuorâirääđi uulmijn valjâpajan.
Lasetiäđuh:
nuorâirääđi saavâjođetteijee, Anni-Sofia Niittyvuopio, 040 7082 072, anni-sofia.niittyvuopio(at)samediggi.fi
vs. nuorâičällee, Elli-Marja Hetta, puh. 010 8393134, elli-marja.hetta(at)samediggi.fi
Uáppáásm meid
Nuorâirääđi saavâjođetteijeeh väljejum
Sämitige nuorâirääđi saavâjođetteijen väljejui Rosa-Máren Juuso Käresavonist já värisaavâjođetteijen Helmi Ljetoff Helsigist.
Nuorâirääđi toimâpajan 2024-2025 lii asâttum
Sämitige čuákkim asâttij nuorâirääđi toimâpajan 2024-2025 čuákkimistis 30.1.2024.
Säminuorâi teivâdmeh
Moonnâm čoovčâ uárnejum nuorâirääđi astoäigitooimâ teivâdemriggee finnee joođhâ rijjâhámásijn teivâdmijn. Mieldi láá amnâseh sämituojij várás já lyevispeelah. Ehideh láá skammâmáánu ääigi Oulust, Ruávinjaargâst já Käresavonist. Eehid lii uáivildum säminuoráid pajetääsiahasijn kida 30-ihásáid.
Uusâ fáárun tâi iävtut jeessân Sämitige nuorâirááđán toimâpajan 2024-2025
Mij uuccâp nuorâirááđán fáárun aktiivlijd, sämiaašijn perustum säminuorâid pirrâ Suomâ. Nuorârääđi valjiimist váldoo vuotân, et jesâneh ovdâsteh ubâ sämikuávlu sehe jieškote-uv kielâjuávhuid nuuvt pyereest ko máhđulâš. Valjiimist nuávdittep meid suhâpeelij koskâsii täsiáárvu. Nuorâirääđi jesâneh iä taarbâš leđe sämitige jesâneh.
Nuorâiturnee peivimereh almostittum
Nuorâirääđi uárnee čohčuv 2022 säminuoráid čuosâttum astoäigitooimâ turnee. Nuorâiturnee orniimijn västid nuorâirääđi proojeektpargee Miia Ruokojärvi. Turnee peivimereh láá tääl čielgâseh.
Nuorâirääđi uárnee nuorâiturnee
Nuorâirääđi uárnee čohčuv 2022 säminuoráid uáivildum astoäigitooimâ turnee. Nuorâirääđi proojeektpargen lii algâttâm Miia Ruokojärvi.
Nuorâirääđi uárnee seminaar sämitiggelaavâ uđâsmitmist 11.10.2022
Nuorâirääđi uárnee Helsigist seminaar sämitiggelaavâ uđâsmitmist. Seminaar teeman lii Säminuorâi puátteevuođâ huksiimin. Tilálâšvuotâ uárnejuvvoo Uccâparlamentist Aalmuglâšinfoost majebaargâ 11. roovvâdmáánu tijme 8.05–10.00.
Nuorâirääđi váátá tuotâvuotâ- já sovâdâttâmkomissio pargo juátkim
Sämitigge meridij paijeelmiärálii tievâsčuákkimist 9.8.2022 sirdeđ tuotâvuotâ- já sovâdâttâmkomissio komissaarij valjim ovdâskulij já toollâđ tuotâvuotâ- já sovâdâttâmproosees joođhâ uásild puudâ. Puudâ ääigi selvâtteh ráávhust, ete maht pyehtih juátkiđ proosees já juátkih meid tom selvâttem, ete maid sämisiärvádâh smiättá ääšist.
Sämitigge almoot uuccâmnáál meriáigásii proojeektpargee pargo
Proojeektpargee pargoid kuleh il. sämikielâlii já -kulttuur miäldásii rijjâääigi tooimâ ovdedem oovtâstpargoost nuorâiraađijn já säminuoráid uáivildum nuorâi rijjâäigitooimâ päikkikudij koskâsii jođo vuávám já olášuttem.
“System lii piättám meiddei válduaalmug”—Dihtosis-haahâ sämmilijd lohtâseijee tietimettumvuođâ raččon
Sämitige nuorâirääđi lii uásálistám kollaborativlii pro gradu -paargon, mii tuuđhâi Dihtosis-haavâ vaigutteijeevuođâ. Tutkâmuš čáittá, et tiätu sämmilijn lii liijkás uccáá já ton keežild sämmiliih já säminuorah ferttejeh ain-uv kierdâđ kivsedem, raasism já vajesaavâid.
Lah-uv tun 18–29-ihásâš säminuorâ já kiäsutteh-uv elleekoveh tuu?
Uásálist tave-eennâmlii Northern Script -kietâčaalâkiišton jieijâd eenikielân!
Nuorâirääđi uásálist OA algâaalmugij pisováá foorumân
Nuorâirääđi värisaavâjođetteijee Maria Mäkinen uásálist OA algâaalmugij pisováá foorumân (UNPFII) 25.4.-5.5.2022 New Yorkist. Foorum 21. čuákkim válduteeman lii “Indigenous peoples, business, autonomy and the human rights principles of due diligence including free, prior and informed consent”.
Anni-Sofia Niittyvuopio juátká nuorâirääđi saavâjođetteijen
Sämitige nuorâirääđi saavâjođetteijen väljejui Anni-Sofia Niittyvuopio Kärigâsnjaargâst já värisaavâjođetteijen Maria Mäkinen Jyväskyläst. Kuohtuuh tooimáin saavâtuálleejuávhust meiddei ovddii kyevti ive paajeest.
Oppâp sämmilijn já sämikulttuurist Dihtosis-haavâ video-oppâtiijmij peht
Sämitige nuorâirääđi já Nuorâi Akatemia Dihtosis-haahâ almostit video-oppâtiijmijd sämikulttuurist. Säminuorah tuáimih máttáátteijen video-oppâtiijmijn já jođetteh uáppeid sämikulttuurân sierâ uáinui peht.
Sämitige nuorâirääđi ocá äššitobdeejesânijd
Lah-uv 15-17 ihásâš säminuorâ? Halijdah-uv peessâđ vaiguttiđ säminuorâi aššijd já uápásmuđ já viärmádâttâđ eres säminuoráid? Mij uuccâp nuorâirääđi äššitobden aktiivlijd sämiaašijn perustum nuorâid pirrâ Suomâ.