Laapi Nuorâifoorum já nuorâi korona lexit vuávám

Sämitige nuorâirääđi pivdui vyesimáánu aalgâst fáárun Laapi kuávlu korona exit vuávám rähtimân já olášutmân. Laapi kuávlu exit vuávám rähtimist láá mieldi kuávlu kuohtuuh pyecceetipšopirrâduvah, Laapi litto, sehe virgeomâhái lasseen vijđáht sierâ tuáimeeh nuuvt eennâmkoddetääsist ko meid páihálávt ei. maađhâšmist, iäláttâstooimâst, mii kuávlu oppâlájádâsâin já seervijn.

Exit vuávám rähtimân halijdii meid nuorâi uáinu já jienâ.  Laapi pyecceetipšopirrâdâh ooinij nuorâi rooli tergâdin já tom, ete nuorah jiejah peesih suogârdâllâđ koronatorvolijd toimâvuovijd.

Maaŋgâid raijiittâsâid meddâlistii kesimáánu aalgâst já ton háárán lâi huolâ tast, ete maht aalmugjesâneh (ml. nuorah) mättih toimâđ kesiääigi koronatorvolávt väldimáin eres ulmuid huámmášumán. Laapi KVI (AVI) nuorâitoimâ kočoi uánihis váruttâsaigijn vala ovdil kesiluámuid kieldâi lahâaasâtlijd nuorâi vaikutteijeejuávhuid já áámmátoppâlájádâsâi uáppeekuudijd stivrejeijeidiskuin Laapi Nuorâifoorumân.

Sämitige nuorâirääđi lâi Laapi KVI ornim Laapi Nuorâifoorumist oovtâstpargoost kieldâi nuorâistivrâiguin já kieldâlii nuorâipargoin. Nuorâi aalgâ vuáđuld Laapi pyecceetipšopirrâduvah vuolgâttii puoh nuoráid čuosâttum koronatiäđáttâs.

Nuorâifoorumist vuáđudui ucceeb pargojuávkku (LEXIT nuorah tiimi) vuáváđ ohtsij savâstâlmij vuáđuld nuoráid čuosâttum viestâdem. Nuorâirääđi lii fáárust pargojuávhust já lii puáhtám tobbeen oovdân jieijâskielâlii (sämikielâlii) tieđettem já viestâdem tehálâšvuođâ.

Vyelni láá tehálumoseh oonah koronatorvolii keesi várás.

 

Lasetiäđuh

Laapi kuávluhaldâttâhvirgáduv nuorâitooimâst,
vuávájeijee Susanna Lammassaari puh. 0295 017 383, ovdânommâ.suhânommâ(at)avi.fi

Sämitigge, nuorâičällee Elli-Marja Hetta,

puh. +358 50 382 5179, elli-marja.hetta(at)samediggi.fi

 

 

Tehálumoseh oonah koronatorvolii keesi várás:

 

1.      Moonâ koronaiskosân, jis tust láá váhá-uv leencu tâi čuávjitaavdâ meerhah. Iskosân piäsá älkkeht – keejâ tärhibijd tiäđuid jieijâd kieldâ nettisiijđoin.

2.     Kuorsâ tâi kašne ohtii kevttimnáál njuneliijnán tâi jieijâd suáján.

3.      Huolât kieđâi posâmist tâi kieđâi desinfistmist maŋgii peeivist. Uccâ kietâdesiputtâl jotá pyereest fáárust lummoost!

4.      Máhđulâšvuođâi mield toolâ torvokooskâ ovdâmerkkân kaavpijn.

5.      Annoop huolâ nubijdân: ele pääsi ohtuu, ele kyeđe skippáár ohtuu!

6.      Čuávu koronavirustieđettem ns. ”koronašoŋŋâtiäđáttâs”. Koronatile ij lah vala lappâd, já tondiet kalga ain čuávvuđ tile ovdánem, nuávdittiđ ravvuid já toimâđ ovdâsvástádâslávt.

7.   Oro aldaulmuiguin já skipárijguin já illood keesist!

 

Annoop huolâ nubijdân!

#koronalexitnuorah #koronašoŋŋâtiäđáttâslaapist #kštlappi

 

** Paajaabeln orroo oonah láá nurrum Laapi pyecceetipšopirrâduvâi koronatiäđáttâsâst nuoráid.

 


Uáppáásm meid