Nuorâirääđi almostit nettiteestâid sämikielân

“Lii-uv seksuaallâšvuotâ uápis? Maid tun tiäđáh seksitaavdâin? Keččâl tuu tiäđuid uáivádittein!”

Nuorâirääđi almostit nuoráid uáivildum MLL nettiteestâid sämikielân. Teestâi fáádáh já siskáldâs lohtâseh seksuaallâšvuotân, mielân já roopân sehe uáiváditteid. Teestâid almostiteh orjâlâš-, anarâš- já nuorttâlâškielân já suomâkielân. Teestah láá jurgâlusah MLL nuortennetti teestâin.

Nuorâirääđi viggá pyehtiđ seksuaallâšvuotân lohtâseijee sánáduv uássin nuorâi argâkielâ. Väestöliitto almostittem seksuaallâšvuođâ sänikirje almostui čohčuv 2019 orjâlâš-, anarâš- já nuorttâlâškielân. Tääl almostittemnáál nettiteestâi peht seksuaallâšvuotân lohtâseijee sánádâh šadda ain eenâb uápisin. Teestah láá čuosâttum nuoráid astoááigán, mutâ toh heivejeh meid pyereest sämikielâlii máttááttâsân.

Teestah orjâlâškielân

Teestah anarâškielân

Teestah nuorttâlâškielân

Teestah suomâkielân

MLL nuortennetti

 

Teestah láá jurgâlum já almostittojeh uássin DigiÁrran -haavâ, mon tárguttâssân lii ovdediđ sämikielâlii, säminuoráid uáivildum tiätu- já ravvimpalvâlus já digitaallii nuorâipargo. Haavâ ruttâd Laapi kuávluhaldâttâhvirgádâh, nuorâirääđi já Sämitige oppâmateriaaltoimâttâh.

 

Lasetiäđuh

Nuorâirääđi saavâjođetteijee
Anni-Sofia Niittyvuopio,
puh 040 7082 072, anni-sofia.niittyvuopio(at)samediggi.fi

 

Nuorâičällee
Elli-Marja Hetta
puh. 010 8393134, elli-marja.hetta(at)samediggi.fi

 


Uáppáásm meid