Nuorâirääđi asâttuvvoo sämitige ornijdemčuákkimist

Nuorâirääđi toimâpajan 2020-2021 asâttuvvoo sämitige ornijdemčuákkimist 27.-28.2.2020 Sajosist Anarist.

Sämitige čuákkim väljee nuorâirááđán kyevti ihán häävild čiččâm jesânid já juáhážân persovnlii värijeessân. Rääđi jesâneh kalgeh leđe 18–28 -ihásiih ko šaddeh väljejuđ.

Nuorâirääđi väljee vuossâmuu čuákkimist juávhustis rääđi saavâjođetteijee já värisaavâjođetteijee já enâmustáá vittâ pissoo äššitobdee. Nuorâirääđi äššitobdeeh kalgeh leđe 15–17 -ihásiih ko šaddeh väljejuđ.

Nuorâirääđi sehe rääđi äššitobdeeh kalgeh ovdâstiđ Suomâ sämmilij kielâlijd já kuávlulijd juávhuid nuuvt pyereest ko máhđulâš.

Sämitige čuákkim čokkân 4-5 keerdi ivveest táválávt Sämikulttuurkuávdáš Sajosist Anarist. Čuákkimeh láá almoliih já taid puáhtá čuávvuđ pääihi alne parlamentsalist teikâ njuolgâ stream-vuolgâttâs peht čujottâsâst www.samediggi.fi/live. Parlamentsalist tulkkumpiergâseh láá almolávt kiävtust. Njuolgâ vuolgâttâs peht puáhtá kuldâliđ meid tulkkum. Čuákkimäššikirjeh láá dokumentijn tääbbin.

Tutustu myös