Saavâjođetteijee sahâvuáru: Tuu siärvádâh – tuu jienâ

Bures! Mun lam Sofe Hánsa Sampo Ánne-Sofe, Kärigâsnjaargâst meddâl. Mun oopâm puásuituállen Säämi máttááttâskuávdáást. Mun lam algâttâm Sämitige nuorâirääđi saavâjođetteijen já mun lam lopedâm čäälliđ teehi merikoskâsávt. Taan vuossâmuu blogist mun ááigum muštâliđ mii nuor.fi siijđoin.

Anni-Sofia Niittyvuopio ©Essi Koski

 

Mun lam ilolâš, ete nuorâirääđi lii peessâm taan räi DigiÁrran haavâst, mon ulmen lii ruotâsmittiđ sämikielâlii digitaallii nuorâipargo. Sämikielâlâš nuorâipargo lii puáttee-uv áigáduvâst ohtâ tehálumosijn tiäddučuogâstuvâin. Eidu koronavirus tiet sämikielâlii juávkkuchat lekkâm lii eromâš tehálâš.

Siijđoid puáhtá jyehiđ táid teemaid:

  • Äigikyevdileh ääših
  • Tiätu nuorâirääđist
  • “Tunjin” , kost lii tiätu algâaalmugijn já sämmilij vuoigâdvuođâin tego meid seksuaaltiervâsvuođâst
  • Já “Tuu siärvádâh”, kost nuorâin lii máhđulâšvuotâ pyevtittiđ siskáldâs čallui, vlogij já juávkkuchat häämist

Maaŋgah sämikielâliih siskáldâsah láá uáli poolitliih. Säminuorâin lii vuoigâdvuotâ luuhâđ já kuullâđ jieijâs eenikielâ, uáiniđ já eelliđ jieijâs kulttuur aassâmsaajeest tâi perustuumijn peerusthánnáá. Mij halijdep faallâđ siskáldâs puoh Suomâst sarnum sämikielân já návt lasettiđ nuorâi sämikielâ kevttim. Sosiaallii mediast sämikielâ maŋgii vájálduvá ko toos ij lah jieijâs vuálááš.

Ton suujâst nuorâirääđi lii lekkâm nuor.fi siijđo, tuu siärvâduv várás. Mun tuáivum, ete maaŋgah čäälih já vloggajeh Tuu jienâ-siijđon já uásálisteh juávkkuchatin. Jis tust láá ideah, ete maid tun halijdah siijđoin uáiniđ, te vääldi ohtâvuođâ! Vuossâmuš tavesämikielâlâš juávkkuchat lii onne 8.4. tme 19-20. Tuáivui mield tun uásálistáh!

Eres juávkkuchat peeivih:

ko 15.4.2020 tme 19-20 anarâškielâ

ko 22.4.2020 tme 19-20 nuorttâlâškielâ

ko 29.4.2020 tme 19-20 suomâkielâ

Sofe Hánsa Sampo Ánne-Sofe, nuorâirääđi saavâjođetteijee


Uáppáásm meid