Sämikielâlâš juávkkuchat lekkâs

”Mij halijdep faallâđ puoh säminuoráid, aassâmsaajeest peerusthánnáá, máhđulâšvuođâ leđe ohtâvuođâst nube säminuoráid”, muštâl nuorâirääđi saavâjođetteijee Anni-Sofia Niittyvuopio juávkkuchat ulmest. Juávkkuchat ornim lii eidu tääl eromâš äigikyevdilis, ko koronavirus mield nuorâi fyysiliih tábáhtumeh já teivâdmeh sirdâšuveh já jaskeh. ”Juávkkuchat taha máhđulâžžân taan ääigi sosiaallijd ohtâvuođâid eres nuoráid”, sun juátká.

Nuorâirääđi uđđâ tiätu- já ravvimsiijđo nuor.fi teeman lii siärvuslâšvuotâ. Juávkkuchat lii vuáruluvâi puoh Suomâst sarnum sämikielân já suomâkielân čuávuvávt:

ko 8.4.2020 tme 19-20 tavesämikielâ

ko 15.4.2020 tme 19-20 anarâškielâ

ko 22.4.2020 tme 19-20 nuorttâlâškielâ

ko 29.4.2020 tme 19-20 suomâkielâ

 

Chatist savâstâlloo tiätuteemast chat-stirvrejeijee stivrim mield. Stivrejeijen tuáimih nuorah já/tâi rävis áámmátolmooš. Savâstâllâp nommâmerháin šiev taavij miäldásávt.

Juávkkuchat lii www.nuor.fi -siijđoi TUU SIÄRVUS -uásist. Siijđo peividuvvoo ovdâmerkkân puáttee juávkkuchat äigitaavlui já teemai uásild.

”Mij tuáivup, ete nuuvt maaŋgah ko máhđulâš puátih savâstâllâđ já čuávvuđ chat, väldip meid vuástá ideaid já jurduid juávkkuchat oovdedmist”, Anni-Sofia jaska.

 

Lasetiäđuh:

Anni-Sofia Niittyvuopio

nuorâirääđi saavâjođetteijee

040 7082 072

anni-sofia.niittyvuopio(at)samediggi.fi 


Uáppáásm meid