Tiettih-uv, et rávásmemavveest nuorâ taarbâš iijâst naharijd suullân 9-10 tijmed, veikkâ naharij tárbu lii-uv kiddâ ulmust. Liijkás uccáá nahareh sättih tovâttiđ ovdâmerkkân liävuttemesvuođâ, uáivipohčâs já vuáijumnaavcâ vänivuođâ.

Puhelimest šaddee čuovjis čuovâ iästá melatonin, sevŋishormon vuáčuttem vuoiŋâšijn, mii mon keežild lii vaigâdub nohádiđ. Ko tun laađah puhelin, te jieh meid veltihánnáá hoksáá et lah vaibâm. Tondiet puhelin kannat pieijâđ meddâl tijme ovdil uáđđám. Olgon jotteem já muásudâttâm ehidist, ovdâmerkkân luhâmáin kirje, sättih išediđ nohháádmist.

Motomin nohádem sáttá leđe vaigâd. Koskâpuddâsiih hemâdâsah uáđimist láá viehâ táváliih. Nohádem iššeen láá maaŋgâlágán išeniävuh, maid kannat keččâliđ. Luuvâ oonâid Nuorâineeti Apua nukahtamiseen (Iše nohádem várás) -siijđoin.

Puohâin láá jieijâs iiđeedrutineh. Motomeh pajaneh tállân já algâtteh iiđeedhommáid, ko vist motomeh halijdiččii vala viälláđ seeŋgâst váhá ääigi. Hoppuus iiđeed sáttá išediđ, jis paijaan tállân já kuáđá viestâi luuhâm veikkâ bussimääđhi ááigán.

Meid nuorah pyehtih uáđđiđ peivinaharijd. Uánihis peivinahareh pyehtiđ virkosmittiđ já išediđ vaijeeđ pyerebeht. Liijkás kuhes peivinahareh sättih kuittâg äjittiđ nohádem ehidist ađai mušte toollâđ peivinaharijd tuárvi uánihâžžân.

Tuárvi nahareh láá velttimettumeh ulmuu tiervâsvuotân. Uáđidijn vuoiŋâšeh kieđâvušeh oovdeb peeivi tábáhtusâid já vuoiŋâsteh čuávuváá peeivi várás. Ko tun laađah puhelin, te tun jieh veltihánnáá huámmáš et lah vaibâm já sáátáh huámmášuuhánnáá laađđâđ some maŋgâ tiijme. Ehidist videoi keččâm saajeest kannat ovdâmerkkân luuhâđ kirje.