SkammâČuõvv -kulttuurleiʹrr

23. – 25.10.2020 Kulttuurkõõskõs Valve, Oulu

SkammâČuõvv lij 13 – 17-ekksaid sääʹmnuõrid miârktum väʹlddkååddlaž da määusteʹmes neäʹttelloppleiʹrr, koʹst čiŋlmõõvât sääʹmkulttuuʹre tuâjjpääʹjjtuejjummuž veäkka.

Leeiʹr tuâjjpääʹjjen liâ ânnʼjõžtaʹnss, räiddkartt da sääʹmǩiõtt-tuâjj.

Juõʹǩǩʼkaž iʹlmmtââtt õʹhtte tuâjjpäjja. Vuässõõđi liâ ååsktummu čõõđ leeiʹr ääiʹj da tõn lââʹssen sij vuäǯǯa siõmmna mäʹtǩǩveäʹǩǩvuõđ. Instemkääzzkõspääiʹǩ kaunnmõõžžâst vieʹǩǩtet taarbšeen. Leeiʹrest taʹrjjeed pakkporrmõõžžid da uʹcc viâruid.

 

Sääʹtt Oulu-gåårda

Leirra peäss buss-säättain Uʹccjooǥǥ da Karigasnjâârǥ pääiʹǩ Oulu-gåårda, da jeeʹres årstempääiʹǩ lie Aanar Âʹvvel, Vuâčč, Suäʹđjel, Ruäʹvnjârgg da Ǩeeʹmm. Määʹtǩ ääʹij ââʹnnep õõut 45 min poorâmkõõut. Säʹtt lij däära.

Nuõr, ǩeäk puäʹtte Oulu saujjbeäʹlnn vuäǯǯa 60 euʹrred maatkčemtieʹǧǧ õlmmlaž jååʹttemneävvaid. Seeiltak tâma mäʹtǩǩliipääd. Lââʹzzen Oulu-gåårad seʹst sääʹtt tuåimmje aazztempaaiʹǩin kulttuurpõrtt Valveeʹje da mååust.

Iʹlmmtõõttmõš

Čõõnni iʹlmmtõõttmõõžžid leirra mââimõsân vu 12.10.2020 väʹldde vuâstta lääʹnčeäʹppneǩ Milja Guttorm, milja.guttorm(at)taike.fi/ 0295 330 865 leʹbe nuõripiisar Elli-Marja Hetta, elli-marja.hetta(at)samediggi.fi/ 050 382 5179. Iʹlmmat seämmast ko iʹlmmtõõđak, jõs tuʹst lie spesiaalpoorrâmvueʹjj, jõs vuässõõđak õhttsažsattu da tuâjjpääʹjj, kooʹzz ääiǥak vuässõõttâd.

Aazztem

Juõʹǩǩaž haʹŋǩǩad jiõccses aazztempääiʹǩ, leâša jõs nåkkam ij kaunnu, lääʹnčeäʹppneǩ Milja Guttorm da nuõripiisar Elli-Marja Hetta vieʹǩǩte aazztempääiʹǩ kaunnmõõžžâst.

Korona-vuäppõõzz

Ââʹnnep leeiʹrest huõl ǩiõtthygieniast. Leeiʹrest lie ǩiõttdesinfiâʹsttempottâl da muâttmaask taarbi mieʹldd. Jiõk tâma puäʹđ puõccjen leirra. Jiõk tâma puäʹđ leirra ni teʹl, jõs leäk puättam ålggjânnmin mõõnni kueiʹt neäʹttel ääiʹj. Ǩiõđid desinfiââʹstet kääʹrdest puäʹđeen da vueʹljeest da pâi ouddâl poorrâmpooddid. Mõõnnâp čõõʹđ korona-vuäʹppõõzzid leeiʹr aalǥâst.

Staan

Vuässõõđi lie ååsktum ǩeeʹjjmieʹldd leeiʹr riâšši tuåimast.

 

Ohjelm:

 

Muita tapahtumia