Sääʹmteeʹǧǧ nuõrisuåvtõs da halltõspaaʹrtji nuõr: Kuåivvsid ij leäkku sââʹjj saaʹmi dommvuuʹdest
Sääʹmteeʹǧǧ nuõrisuåvtõs da halltõspaaʹrtji nuõr viârte kuåivâstuåimmjummuž saaʹmi dommvuuʹdest. Kuåivâstuåimmjummšin leʹčči jårrâʹstteeʹm vaaiktõõzz saaʹmi äʹrbbvuõđlaid jieʹllemvueʹjjid da kulttuuʹre.
”Sääʹmvuuʹd jieʹllemviõkksažvuõđ jeät vuäǯǯ pueʹruum viiǥǥeeʹl kulttuurâst da jieʹllemvueʹjjin vuâđ leʹbe tueʹjjeeʹl loopp tõid jeeʹres mäddââʹnnemnaaʹlin. Saaʹmi dommvuʹvdd lij jeäʹrben puäʒʒhoiddu miârktum vuʹvdd, kuäʹss mäddâânnmõõžž plaaneen äʹššvuäʹmsteeʹjid, mâʹte paalǥâskooʹddid da Sääʹmteeʹǧǧ šâdd kuullâd ääʹššmeâlddsânji. Äʹššvuäʹmsteeʹjin âlgg leeʹd še vueiʹtlvažvuõtt leeʹd uuʹdǩani miâsttmõõžž mäddâânnmõʹšše”, mušttʼte halltõspaaʹrtji nuõr.
Õiʹdde šõddmõššân saaʹmi dommvõudda plaanuum kuåivâstuåimmjummšest lij maalmooccâmõhttõs Võ Akkerman Finland Võ Jeänõõǥǥ Hietakerooʹje tuejjeem vuʹvddvaʹrrjummuš, kååʹtt kätt nuʹt 70 proseeʹnt Erkunansiida ǩieʹss- da čõhččviistsââʹjjpalggsin. Teâuddjeen kuåivâs vaarrteʹči palggâz äʹrbbvuõđla pirrekksa siidariâššmõõžž seillmõõžž.
“Leäʹp piâkkõõttâm vuuʹd nuõri vuõiggâdvuõđâst vueʹǩǩâʹtted jiijjâz kulttuuʹres, jõs kuåivâshaʹŋǩǩõs ouddan. Lij vaarrân, što nuõr jiâ pââʹst juäʹtǩǩed kulttuuʹres da jieʹllemvueʹjjeez vueʹǩǩâttmõõžž ǩeâštʼtõõli mäddââʹnnemååʹblǩi diõtt. Huõl tuejjad še tõt, mäʹhtt kuåivâstuåimmjummuž nallšmin haʹŋǩǩõõzzin šõddi pannsnäätnasvuõtt pueʹttiääiʹjest vaaikat sääʹmnuõri pueʹrrjieʹllma da miõltiõrvâsvuõʹtte di piʹrǧǧummša“, mušttʼtat nuõrisuåvtõs.
Nuõrisuåvtõs da halltõspaaʹrtji nuõr rämmše haʹŋǩǩõõzz vuâsttlâsttmõõžž counnmõõžž õhttsallašvuõđâst da čuäʹjte tuärjjõõzzâs Jeänõõǥǥ vuuʹd oummuid. Nuõrisuåvtõs da halltõspaaʹrtji nuõr õõlǥte veʹrǧǧniiʹǩǩid ciʹsttjed saaʹmi vuâđđlääǥǥla vuõiggâdvuõđ juäʹtǩǩed ooudâs da viikkâd ooudâs jiijjâz kulttuuʹres di vaaldšmed jiijjâz vuuʹdeez.
Lââʹssteâđ:
Anni-Sofia Niittyvuopio
Sääʹmteeʹǧǧ nuõrisuåvtõõzz saaǥǥjååʹđteei
+358 40 7082 072
anni-sofia.niittyvuopio(at)samediggi.fi
Pinja Perholehto
Demarnuõri vääʹrrsaaǥǥjååʹđteei
+358 40 0596 521
pinja.perholehto(at)demarinuoret.fi
Hanna Markkanen
Kõõskõsnuõri saaǥǥjååʹđteei
+358 50 3846 820
hanna.markkanen(at)keskustanuoret.fi
Amanda Pasanen & BrigitaKrasniqi
Ruânn nuõri saaǥǥjååʹđteei
+358 40 9611 330, +358 45 1312 554
puheenjohtajat(at)vihreatnuoret.fi
LibanSheikh
Čiǯǯbieʹllnuõri saaǥǥjååʹđteei
+358 50 5019 721
liban(at)vasemmistonuoret.fi
Frida Sigfrids
RKP-nuõri saaǥǥjååʹđteei
+358 40 5910 874
frida.sigfrids(at)su.fi
Tobdstõõđ še
Ǩieʹss-saaǥǥ-joukkchat
Mâiʹd-ba teâđak? Puäʹđ särnnad ǩieʹss-saaǥǥääd da mainstõõllâd nuõrisuåvtõõzz joukkchaʹtte 29.7.2020 čiâss 18.00-19.00. Chat riâžžât koolmin sääʹmǩiõlin.
Lappi nuõrifoorum da nuõri korona lexit plaanummuš
Sääʹmtiiʹǧǧi nuõrisuåvtõõzz koččuš vueʹssmannu aalǥâst mieʹldd Lappi vuuʹd korona exit plaan raajjmõʹšše da čõõđ viikkmõʹšše. Lappi vuuʹd exit plaan raajjmõõžžâst liâ mieʹldd vuuʹd kuhttu puõccihåiddamvuuʹd, Lappi lett, di veʹrǧǧniiʹǩǩi lââʹssen vaiddsânji jeeʹres tuåimmjeei nuʹt mäddkåʹddtääʹzzest ǥu pääiklânji odm. turiismâst, jieʹllemvueʹǩǩtuåimmjummšest, vuuʹd mättjemstroiʹttlin da organisaatioin.
Sääʹmteeʹǧǧ nuõripiisren Elli-Marja Hetta
Pedagogikktiõtti maister Elli-Marja Hetta nõõmteš Sääʹmteeʹǧǧ nuõripiisar vergga. Sääʹmteeʹǧǧ halltõs tuʹmmii nõõmtummšest såbbreʹstes ǩieʹssmannu 11. peeiʹv 2020.
Sää’mnuõrr - puáđi vaiguttiđ šoŋŋâdâhpolitikân!
Ǩeʹnnvânji tiõrv pueʹttem pirrõsministeria saǥstõõllâmpoʹdde äimmõslääʹjj oođummšest. Podd riâžžât 11.6.2020 čiâss 17.00-19.00 webinaarân.
Saaǥǥjååʹđteeikååʹdd kõõjjõsčiâss joukkchaatâst
Nuõrisuåvtõs reäšš vuõssmõs vuâra historiast saaǥǥjååʹđteeikååʹdd kõõjjõsčiâss, koʹst nuõr jiijj toiʹmmje tentteeʹjen. Sääʹmteeʹǧǧ saaǥǥjååʹđteei Tuomas Aslak Juuso, Anni Koivisto da Leo Aikio rämmšõʹvve vuäǯǯeen kååčč. -Lij fiinâs vuäǯǯad näkam vueiʹtlvažvuõtt piâssâd saǥstõõllâd vuõiʹǧǧest sääʹmnuõrivuiʹm ođđnallšeeʹm kanaal äuʹǩǩeeʹl, sij kommentõʹstte puõʹtti šõddmõõžž.
Sukellus saamelaiskulttuuriin -mobiilspeâlast ođđ versio ougglõsmätttõõzz vääras
Nuõrisuåvtõõzz da Nuõri Akatemia Sukellus saamelaiskulttuuriin -mobiilspeâl lie peeiʹvtam ođđ versiooʹje ougglõsmättʼtõõzz vääras. Ääiʹjben taʹnni õlmstõttum speâl veäkka põõrǥât lââʹzzted tieʹttemvuõđ sääʹmkulttuurâst jeeʹres ǩiõččâmkuuʹlmi pääiʹǩ.
Säämteǧǧ čõõđat ooccâmnalla nuõripiisar veerj
Anni-Sofia Niittyvuopio nuõrisuåvtõõzz saaǥǥjååʹđteeʹjen
Sääʹmteeʹǧǧ nuõrisuåvtõõzz saaǥǥjååʹđteeʹjen vaʹlljeeš Anni-Sofia Niittyvuopio Karigasnjaarǥâst da väärrsaaǥǥjååʹđteeʹjen Maria Mäkinen Jyväskyläst. - Leäm späʹssballaš naʹddjõõzz ooudâst. Vueʹrddep tuõđi nuõrisuåvtõõzz tuâj juätkkmõõžž sääʹmnuõri sââʹj pueʹreem diõtt. Sääʹmteeʹǧǧest lie tän vaalpââʹjest ǩiõttʼtõõllâmnalla jõnn obbvuõđ, mâʹte tuõttvuõtt- da suåvâdvuõttproseʹss, sääʹmkultturlääʹjj valmštõõllâm da sääʹm puârastpiʹrǧǧeemkääzzkõõzz. Nuõrisuåvtõs haaʹlad leeʹd aktiivlânji mieʹldd täi čõõđtummšest, mušttal nuõrisuåvtõõzz saaǥǥjååʹđteeʹjen vaʹlljuum Anni-Sofia Niittyvuopio.
Saaǥǥjååʹđteei saakkvuârr: Tuu õõutstõs – tuu jiõnn
Tiõrv! Leäm Sofe Hánsa Sampo Ánne-Sofe, da puäđam Karigasnjaarǥâst. Mättʼtõõđam puäʒʒhoiʹddjeeʹjen Sääʹm škooultemkõõskõõzzâst. Leäm alttääm Sääʹmteeʹǧǧ nuõrisuåvtõõzz saaǥǥjååʹđteeʹjen da leäm låʹppääm ǩeeʹrjted tiiʹǩ mieʹrrkõõski. Tän muu vuõssmõs bloogâst joordam mušttled mij nuor.fi-seeidain.
Sääʹmǩiõllsaž joukkchatt
”Haaʹleep taʹrjjeed pukid sääʹmnuõrid, jälstempääiʹǩest huõlǩani, vueiʹttemvuõđ leeʹd õhttvuõđâst jeeʹres sääʹmnuõrivuiʹm”, mušttal nuõrisuåvtõõzz saaǥǥjååʹđteei Anni-Sofia Niittyvuopio joukkchaatt täävtõõzz pirr. Joukkchaatt riâššmõš lij-i ååʹn samai ääiʹjpoddsaž, ko koronaviruuzz diõtt nuõri fyyslaž šõddmõõžžid da kaaunõõttmõõžžid seʹrdde da jårrâʹstte. ”Joukkchatt vueiʹtlvâstt tän poodd sosiaalʼlaž kontaaktid jeeʹres nuõrid”, son juätkk.
Nuõrisuåvtõs lij nõõmtum
Sää´mtee´ǧǧ sååbbar nõõmti nuorisuåvtõõzz tuåimmpââi ee´jjid 2020–2021 Aanrest såbbrõššum såbbrest 27.-28.2.2020.
Nuörisuåvtõs šiõtteet Sääʹmteeʹǧǧ riâššõõttâmsåbbrest
Nuörisuåvtõs tuåimmjempâjja 2020-2021 šiõtteet Sääʹmteeʹǧǧ riâššõõttâmsåbbrest 27.-28.2.2020 Sajoozzâst Aanrest.
Čaaŋŋâl sääʹmkulttuuʹre mobiilsiõr ååʹblǩest
Nuõrisuåvtõs õlmstâtt õõutsââʹjest Nuõri Akatemiain Sukella saamelaiskulttuuriin–mobiilsiõr. Siõr veäkka ǩiččlõõđât lââʹzzted tieʹttemvuõđ sääʹmkulttuurâst jeeʹres vueiʹnnemkuuʹlmi pääiʹǩ.
Nuõrisuåvtõõzz sååbbar 6/2019
Nuõrisuåvtõs såbbrõõžži 12.12.2019 mââimõõzz vuâra tän tuåimmjempâjja. Äʹššliistâst såbbrest leäi odm. tuåimmjemplaan da täällarvvlõõzz priimmʼmõš da ehdtõs nuõrisuåvtõʹsse vaalšem vuäzzlain Sääʹmmtiiʹǧǧi halltõʹsse da õõudâs tiiʹǧǧi såbbra.
Sääʹmteeʹǧǧ sååbbar 5/2019
Nuõrisuåvtõõzz vuäzzlaš Maria Mäkinen eeʹttǩast nuõrisuåvtõõzz Sääʹmteeʹǧǧ såbbrest 17.-18.12.2019.