Sääʹmǩiõllsaž joukkchatt

”Haaʹleep taʹrjjeed pukid sääʹmnuõrid, jälstempääiʹǩest huõlǩani, vueiʹttemvuõđ leeʹd õhttvuõđâst jeeʹres sääʹmnuõrivuiʹm”, mušttal nuõrisuåvtõõzz saaǥǥjååʹđteei Anni-Sofia Niittyvuopio joukkchaatt täävtõõzz pirr. Joukkchaatt riâššmõš lij-i ååʹn samai ääiʹjpoddsaž, ko koronaviruuzz diõtt nuõri fyyslaž šõddmõõžžid da kaaunõõttmõõžžid seʹrdde da jårrâʹstte. ”Joukkchatt vueiʹtlvâstt tän poodd sosiaalʼlaž kontaaktid jeeʹres nuõrid”, son juätkk.

Nuõrisuåvtõõzz ođđ teâtt- da vuäʹpstemseeidai nuor.fi teeman lij õhttsallašvuõtt. Joukkchaatt taʹrjjeet vuârai mieʹldd pukin Lääʹddjânnmest mainstum sääʹmǩiõlin da lääʹddǩiõlin pueʹttinalla:

se 8.4.2020 č 19-20 tâʹvvsääʹmǩiõll

se 15.4.2020 č 19-20 aanrõšǩiõll

se 22.4.2020 č 19-20 sääʹmǩiõll

se 29.4.2020 č 19-20 lääʹddǩiõll

Chattnoorõõttmõõžžin saǥstõõlât koon-ne teema pirr chattohjjeei ohjjummuž vueʹlnn. Ohjjeeʹjen tuäiʹmme nuõr da/leʹbe vuõrâs ämmatneǩ. Saǥstõõllmõš šâdd nõmm-miârkin šiõǥǥ jälstõõttâmnääʹl mieʹldd.

Joukkchatt käunnai www.nuor.fi -seeidai TUU ÕUTSTÕS -seeid vueʹlnn. Seeid peeiʹvtet ouddmiârkkân pueʹtti joukkchaatti äiʹǧǧtaauli da teemai vueʹzzeld.

”Tuäivvap, što mäŋggas piâzzče liinjid saǥstõõllâd da seuʹrrjed chaatt, väʹlddep še vuâstta ideaid da jurddjid joukkchaatt oouʹdummuž pirr”, Anni-Sofia ǩiõrǥat.

Lââʹssteâđ:

Anni-Sofia Niittyvuopio

nuõrisuåvtõõzz saaǥǥjååʹđteei

teʹl. 040 708 2072

anni-sofia.niittyvuopio(at)samediggi.fi

 


Tobdstõõđ še