Sukellus saamelaiskulttuuriin -mobiilspeâlast ođđ versio ougglõsmättʼtõõzz vääras

Nuõrisuåvtõõzz da Nuõri Akatemia Sukellus saamelaiskulttuuriin -mobiilspeâl lie peeiʹvtam ođđ versiooʹje ougglõsmättʼtõõzz vääras. Ääiʹjben taʹnni õlmstõttum speâl veäkka põõrǥât lââʹzzted tieʹttemvuõđ sääʹmkulttuurâst jeeʹres ǩiõččâmkuuʹlmi pääiʹǩ.

Seppo-siõrrvuâlast siõrrâm sääʹmmteemlaž mobiilsiõrr lij tillʼlõvvum pââibužškooul lââʹssen nuuʹbb tääʹzz mättʼtõõđjid. Siõrr vieʹǩǩat mättʼtõõđjid pirr Lääʹddjânnam mättjed da toʹlǩǩeed säʹmmlažvuõđâst da sääʹmkulttuurâst da tõt ǩiõttʼtââll odm. saaʹmi historia, ânnʼjõžpeeiʹv eettmõõžžid da oummuid, sääʹmmpihttâz, kulttuursa puästtad âânnmõõžž di äʹrbbvuõđlaid jieʹllemvueʹjjid. Siõr pääiʹǩ nuõrid smeʹllkââʹttet tuåimmjed jiõčč da raajjâd teeʹmest jiijjâs miõlljurddjid di saaǥǥstõõllâd tõin õõutsââʹjest nuuʹbbi nuõrivuiʹm.

Håʹt speâll lij tuåimmjam še ougglõsmättʼtõõzzâst nåkkmen, lie speâl ååʹn pueʹrõõllâm suåppâd õinn pueʹrben ougglõsmättʼtõʹsse. Speâll lij mättstroiʹttlid obbnes määusteʹm leʹbe mättstroiʹttlest ij taarbâž leeʹd Seppo-liseʹnss ni vooʹps. Škooulneeʹǩǩ vuäiʹtte speâllad speâl teʹlfooni-, tableeʹtti- leʹbe teâttmašinaivuiʹm. Speâlast käunnʼje määŋgnallšem da jeeʹres tässʼsa tuejjõõzz. Speâlltuejjõõzzin lij še vueiʹttemvuõtt ââʹnned kreevsõsvuõđ, leʹbe vasttõõzz vueiʹtet raukkâd snimldõk-, jiõnn- leʹbe videoteâttõshääʹmest. Speâllai vuäiʹtte še vaʹlljeed teemain tõn, mii sij miõlid jäänmõsân ǩeäss.

Tiʹlle Sukellus saamelaiskulttuuriin -ougglõs-speâl täin tiʹllʼjemlomaakkin.

 Dihtosis-haʹŋǩǩõs lij Sääʹmteeʹǧǧ nuõrisuåvtõõzz da Nuõri Akatemia õhttsažhaʹŋǩǩõs, koon täävtõssân lij lââʹzzted väʹlddmeera kuulli nuõri tieʹttemvuõđ saaʹmin. Teâđ da haʹŋǩǩõõzz materiaal veäkka ǩiččlõõđât kaggâd sääʹm da sääʹmkulttuur bieʹǩǩen nuõri arggteâđ. Teeʹm älšmõʹtti ǩiõttʼtõõllmõš câgg seämmavuâra sääʹmpäärnaid da –nuõrid tillʼlõõvvi čårstummuž, da raavad sääʹmvuuʹd åålǥbeäʹlnn jälsteei sääʹmnuõri identiteeʹtt. Haʹŋǩǩõõzz teäggat Mättʼtõs- Da kulttuurministeria.

Lââʹzz Dihtosis-haʹŋǩǩõõzzâst.

 

Lââʹssteâđ:

Vs. nuõripiisar, Sääʹmteʹǧǧ, Elli-Marja Hetta, 050 382 5179, elli-marja.hetta(a)samediggi.fi

Projeʹkttkoordinaattor, Nuõri Akatemia, Ulla Saalasti. 040 567 4203, ulla.saalasti(a)samediggi.fi