Seksuálavuohta lea min buohkaid ášši. Nuoraidráđi temán jagis 2018 lei seksuáladearvvašvuohta. Ovttasbargoguoibmámet lei riikkaviidosaččat doaibmi Álbmotlihttu (Väestöliitto), man bokte sáhttá ovdamearkka dihte dorvvolaččat ohcat rávvagiid seksuálavuhtii laktáseaddji áššiin.
Lea áibbas dábálaš, ahte iežas rávásmanagi čálgan, goruha šaddan, seksuálavuohta, seaksa dahje eará seksuála buresbirgejupmái laktáseaddji temát smiehtahit nuora.
Buot nuoraid miehtá máilmmi gusket seksuálavuoigatvuođat beroškeahttá sohkabealis, liikeivnnis, seksuála sojus dahje dearvvašvuođa dilis. Buohkain lea earret eará vuoigatvuohta návddašit iežas seksuálavuođas, oažžut dieđu ja áššáigullevaš seksuáladearvvašvuođabálvalusaid.
Muhtumin iežas jurdagiid ja fuolaid sáhttá leat váttis muitalit geasage. Ja muhtumin lea váttis jearrat njunnálagaid rávesolbmuin daid jearaldagaid, mat smiehtahit. Danin leage buorre, ahte Suomas leat olu nuoraide oaivvilduvvon, nuvttá ja namahis telefovdna- ja neahttabálvalusat.
Álbmotlihttu (Väestöliitto) fállá 13-28-jahkásaččaide oaivvilduvvon neahttabálvalusaid ja diehtosisdoaluid seaksuálavuođas. Álbmotlihtu seksuálarávvenchatas sáhttá jearrat áššedovdiin namaheapmen seksuálavuhtii laktáseaddji áššiid, mat smiehtahit. Álbmotlihtu nuoraide oaivvilduvvon diehtoartihkkalat gávdnojit čujuhusas: www.hyvakysymys.fi/nuortenvaestoliitto
Álbmotlihttu fállá nuorra rávesolbmuid čuolbmadiliide nuvttá neahttarávvema chatas, gos psykoterapevta vástida párragaskavuođa čuolmmaide guoski jearaldagaide. Rabasáiggit gávdnojit: https://www.hyvakysymys.fi/ajanvarauschat/?target-groups=parit
Nuoraide oaivvilduvvon, nuvttá ja namahis chat-bálvalusat gávdnojit maiddái čujuhusas: https://www.netari.fi/avoimet-chatit/
Álbmotlihtu Bártniid Telefovdna (Poikien Puhelin) lea veahkeheaddji telefovdna- ja neahttabálvalus vuollil 20-jahkásaš bártniide ja albmáide. Telefovdnii vástida rávesolmmoš, guhte lea ámmátlaš dásis čikŋon bártniid máilbmái. Bártniid Telefovnnas nuorat ožžot veahki buot eallimii laktáseaddji čuolmmain. Doaibma viggá addit njulges vástádusaid njulges jearaldagaide. Riŋgen lea riŋgejeaddjái nuvttá ja dohko sáhttá riŋget namaheapmen. Telefovdna bálvala mánnodagas gitta duorastadahkii dmu 13-18 ja bearjadagaid dmu 13-16 nummiris 0800 94884. Chat lea rabas mánnodagaid ja gaskavahkuid dmu 15-18 sihke disdagaid ja duorastagaid dmu 13-16.
Bártniid telefovdna gávdno interneahtas čujuhusas: www.poikienpuhelin.fi
Valáštallan addá buoremus dilis ilu, lihkostuvvamiid ja buriid skihpáriid. Álbmotlihtu ja suopmelaš valáštallama oktasaš fitnus ovddidit juohkehačča vuoigatvuođa návddašit valáštallamis dorvvolaččat ja dan, ahte buohkat ožžot dásseárvosaš ja gutnejahtti láhttema iežas vuostá. Juos valáštallama olis deaivá eahpeáššálaš láhttema dahje heađušteami, de It leat okto -fitnus (Et ole yksin ) oažžu doarjaga. Oktavuođa sáhttet váldit valáštallit, valáštalli vánhemat, hárjeheaddjit, valáštallanservviid dahje šládjalihtuid bargit ja eaktodáhtolaččat. It leat okto -bálvalussii sáhttá riŋget nuvttá mánnodagaid dmu 12-14, nummirii +358 503 025 942. Chat lea rabas disdagaid ja gaskavahkuid dmu 15.00-17.30, sihke duorastagaid dmu 14-16.
Eambbo dieđut fitnus: https://etoleyksin.fi/
Álbmotlihtu lea maiddái somes! Čuovo Nuoraid Álbmotlihtu (Nuorten Väestöliitto) ja Bártniid telefovnna ( Poikien puhelin) YouTubes ja Instagramis.
Bohciidedjego jearaldagat?
Smiehtahitgo seksuáladearvvašvuhtii laktáseaddji áššit? Sáhtát guođđit namaheapmen Háliidatgo jearrat? -bálstái jearaldaga. Vástidit Dutnje!
