Jussa Seurujärvi

Jussa Seurujärvi lea bárttetlaš nuorra, guhte lea leamaš nuoraidráđis gitta jagi 2016 rájes.

Jussa lea 23-jahkásaš bárttetlaš nuorra. Bárttet lea Anárjávrri davvioasis. Jussa bearraša eatnigiella lea anárašgiella. Dákkár bearrašat gávdnojit dálá áigge dušše moattis. Vuođđoskuvlla maŋŋel Jussa vulggii boazodoallolinnjái ja bargá dál ollesáigásaččat boazodoallin Muttošjávrri bálgosis. Go váldobargguin báhcá friddjaáigi, Jussa dolle guolle- dahje meahccebivdui.

“Lean nuoraidráđis danin, ahte háliidan váikkuhit. Áššit, mat guoskkahit munnje, laktásit váldoáššis mu ealáhussii ja eará sápmelaš ealáhusaide. Daid seailluheapmái ja ovddideapmái. Nuoraidráđđi lea lasihan sámenuoraid oidnoma iešguđetlágan dáhpáhusain ja sihkkarastán dan, ahte sámenuoraid jietna gullo maiddái eará báikkiin go dušše beare árbevirolaš orrunguovlluin”, suokkarda Jussa, go sus jerrojuvvo, mii lea ožžon su leat nuoraidráđis mielde golmma baji áigge. Jussa álggahii bajis 2014-2015 áššedovdilahttun, dan maŋŋel son lei ovtta baji várrelahttun ja lea dál aitosaš lahttu.

Jussa dearvvuođat nuoraide, geat leat beroštuvvan nuoraidráđi doaimmain: ”Nuoraidráđđi heive bures sámenurrii, geas lea miella váikkuhit sámenuoraid áššiide. Nuoraidráđis oažžu maiddái buori vuođu iešguđetlágan luohttámušbargguide.”