Risten Mustonen

Risten Mustonen lea nuoraidráđi ságadoalli doaibmabajis 2018-2019.

Ristena ruohttasat leat Vuohčus ja Soađegilis, muhto dál son orru Helssegis. Son lea mielde nuoraidráđis, daningo lea beroštuvvan nuoraid áššiin ja háliida váikkuhit iežas návccaidisguin sámenuoraid boahttevuhtii. Giellaáššiid Risten namuha alcces deháleamos áššin, maid ovdii son háliida bargat.

Risten illuda das, man máŋggabealat doaimmat nuoraidráđis leat: ”Sáhttá oassálastit politihkalaš mearrádusdahkamii, sáhttá leahkit mielde lágideame dáhpáhusaid ja dasa lassin nuoraidráđis leat dál jođus golbma fitnu (De!, Dihtosis ja DigiÁrran), mat addet barggu sámenuoraide.”

Dearvvuođat nuoraidráđi doaimmain beroštuvvan nuoraide:
”Mu mielas nuoraidráđis lea buoremus dat, ahte beassá oahpásmuvvat eará sápmelaččaiguin miehtá Sámi ja ovttasbargat čeahpes olbmuiguin.”