Nuoraidráđđi almmustahttá neahttateasttaid sámegielain
“Leago seksualitehta oahpis? Maid dieđát seaksadávddaid birra? Teste dieđuidat gárrenávdnasiid birra!”
Nuoraidráđđi almmustahttá nuoraide dárkkuhuvvon MLL:a neahttateasttaid sámegielain. Teasttaid fáttát ja sisdoallu laktásit seksualitehtii, millii ja gorudii ja maiddái gárrenávdnasiidda. Teasttat almmustahttojit davvisáme-, anáraš- ja nuortalašgillii ja suomagillii. Teasttat leat jorgalusat MLL:a nuoraidneahta teavsttain.
Nuoraidráđđi figgá buktit seksualitehtasániid nuoraid árgagiela oassin. Veahkadatlihtu olggosaddán seksualitehtasátnegirji almmustahttui čakčat 2019 davvisáme-, anáraš- ja nuortalašgillii. Neahttateasttaid bokte mat dál almmustahttojit, seksualitehtasánit bohtet ain oahppásabbon. Teasttat leat dárkkuhuvvon nuoraide asttuáigge bargama várás, muhto teasttat heivejit maiddái bures sámegielat oahpahussii.
Teasttat leat jorgaluvvon ja almmustahtton DigiÁrran – prošeavtta oassin, man dárkkuhussan lea ovddidit sámegielat, sámenuoraide dárkkuhuvvon diehto- ja rávvenbálvalusa ja digitálalaš nuoraidbarggu. Prošeavtta ruhtada Lappi guovlluhálddahusvirgebáiki, nuoraidráđđi ja Sámedikki skuvlen- ja oahppamateriáladoaimmahat.
Lassidieđut
Nuoraidráđi ságajođiheaddji
Anni-Sofia Niittyvuopio,
tel. 040 7082 072, anni-sofia.niittyvuopio(at)samediggi.fi
Nuoraidčálli
Elli-Marja Hetta
tel. 010 8393134, elli-marja.hetta(at)samediggi.fi
Oahpásmuva maiddái
Mo nuoraidbarggus ovddiduvvojit olmmošvuoigatvuođat?
Mo nuoraidbarggus ovddiduvvojit olmmošvuoigatvuođat?
Dihtosis-mobiilaspeallu davvisámegillii
Sámedikki nuoraidráđi ja Nuoraid Akademiija oktasaš Dihtosis – prošeavttas almmustahtto davvisámegielat Buokčal Sámekultuvrii -mobiilaspeallu.
Sámenuoraid gullandilálašvuohta
Hei sámenuorra – muital midjiide, maid sávat luondduriggodatplánemis! Meahciráđđehus ovttasbarggus Sámedikki nuoraidráđiin bovde buot Suoma sámenuoraid 23.2. gáiddusoktavuođa bokte ordnejuvvon gullandilálašvuhtii. Loga lasi:
Dihtosis-doaibma viidána vuolleskuvllaide
Sámedikki nuoraidráđi ja Nuoraid Akademiija Dihtosis – prošeakta lea juohkán sámedieđuid ja fállan doaibmanbargobájiid badjeskuvllaide ja maiddái nuppi dási oahppolágádusaide juo guovtte jagi áigge. Dál prošeakta viidána maiddái vuolleskuvllaide!
Nuoraidráđđi almmustahttá dorvvolaš saji rávvagiid
Sámedikki nuoraidráđđi almmustahttá Suomas hállojuvvon sámegielaide ja suomagillii dorvvolaš saji rávvagiid. Rávvagat leat oaivvilduvvon earret eará skuvllaid, servviid, bargobáikkiid ja dáhpáhusaid geavahussii ja daid bokte duddjojuvvo dásseárvosaš doaibma. Nuoraidráđđi vásiha, ahte maiddái sámeservoša siste lea dehálaš duddjot dorvvolaš ja suohtas saji.
Dihtosis – prošeakta ohcá skuvlagalledeaddjiid
Sámedikki nuoraidráđi ja Nuoraid Akademiija Dihtosis - prošeavttas fállojit sámetemát skuvlagalledeamit vuolle- ja badjeskuvllaide ja maiddái nuppi dási oahppolágádusaide. Ohcat movttegis badjel 18-jahkásaš sámenuoraid miehtá Suoma skuvlagalledeaddjin bargobájiide, mat ollašuhttojit giđđalohkanbaji 2021 áigge.
Skuvlagalledemiid sáhttá dál diŋgot skuvlajahkái 2020–2021
Sámedikki nuoraidráđi ja Nuoraid Akatemia oktasašprošeakta Dihtosis lea skuvlen oktiibuot čieža skuvlagalledeaddji, geaid sáhttá diŋgot skuvllaide muitalit áššáigullevaš dieđuid sápmelašvuođa birra. Galledemiid sáhttá diŋgot 20.10.2020-31.05.2021 gaskasaš áigái.
Gullándilálášvuohta sámenuoraide duohtavuođa- ja soabadankomissáraid válljemiin
Sámedikki nuoraidráđđi ordne sámenuoraide gullandilálašvuođa duohtavuođa- ja soabadankomissáraid válljemiin duo 12.11.2020 dmu 18.00-20.30
Nuoraidráđi gulahallanskuvlejupmi ja čoahkkin
Nuoraidráđi lahtuide lágiduvvui some-váikkuheami ja gulahallama skuvlenbeaivi 19.9.2020 Roavvenjárggas.
Dihtosis-fidnu ohcá skuvlagalledeaddjiid
Sámedikki nuoraidráđi ja Nuoraid Akatemiija Dihtosis-fidnu olis fállojuvvojit skuvllaide sámetemát skuvlagalledeamit. Ohcatge dál movttegis badjel 18-jahkásaš sámenuoraid miehtá Suoma skuvlagalledeaddjin lb. 2020-2021 áigge ollašuhtton guossástallamiidda.
Sámeguovllu lihkadeapmi ja lihkadeami hárjeheapmi -čielggadanbargu almmustahttojuvvon
Sámenuorat buktet ovdan, ahte sámekultuvrii gullevaš lihkadanárbevieruid sávvet lágiduvvot dáhpáhusaid oktavuođas. Sámeguovllu lihkadandáhpáhusaid galggašii doallat ealasin ovttas iešguđet doibmiiguin. Jearahallojuvvon olbmot čalmmustahtte, ahte galggašii ovddidit dan, ahte beasašedje iežaset eatnigillii bagadallojuvvon lihkadeami ollái. Dehálažžan atnet maiddái, ahte návccat biddojuvvojit joavkolihkadeapmái ja dasa, ahte buohkat movttiidahttojuvvojit mielde.