Nuoraidráđi gulahallanskuvlejupmi ja 4/2020 čoahkkin
Nuoraidráđi lahtuide lágiduvvui some-váikkuheami ja gulahallama skuvlenbeaivi 19.9.2020 Roavvenjárggas.
Skuvlejumi ulbmil lei veahkehit nuoraidráđi lahtuid gávdnat iežaset jiena ja oažžut bagadallama some-váikkuheapmái. Lassin mihttomearri lea ovddidit ja dahkat oktilažžan nuoraidráđi gulahallama ja oažžut bargoreaidduid dan plánemii. Skuvlejeaddji lei Emmi Emmi Nuorgam, guhte lea sosiála media ja gulahallama áššedovdi ja lassin Yle Kioski prošeaktahoavda.
– Anán sakka árvvus dan, man rehálaččat ja rahpasit nuoraidráđi lahtut ledje gergosat ságastallat. Nuoraidráđđi ii leat mii beare hálddahuslaš orgánaid, muhto baicca dat lea hui dehálaš sihke sámenuoraid identitehta ovdáneamis ja searvvušlašvuođa ja kultuvrra hápmašuvvamis. Koronadilli heađušta nuoraid, geat leat juo muđuige hástaleaddji sajádagas, goas maiddái gulahallama mearkkašupmi stuorru. Mot juohkehaš sámenuorra sáhtášii dovdat oktiigullevašvuođa dovddu dilis, mas johtin lea ain váddásut? Ovddošan Nuoraidráđi lahtuid sin ovdagáttohis doaladumis, mainna sii hástalusa burgigohtet, muitala skuvlejeaddjin doaibman Emmi Nuorgam.
Nuoraidráđđi lea árabut čoahkkimisttis vuođđudan gulahallanbargojoavkku. Nuoraidráđi gulahallanbargojoavkku bargu lea plánet nuoraidráđi gulahallama, dieđiheami ja sosiála media geavaheami ja áigeguovdilis gulahallankampánjjaid ja ovttasbargat DigiÁrran-fitnuin. Nuoraidráđi gulahallanjoavku válmmaštallagoahtá nuoraidráđđái gulahallanstrategiija.
– Diginatiivan ja sosiála media viššalis geavaheaddjin ledjen álggus binnáš eahpádusas dan ektui, ahte oahpašingo skuvlejumis olusge ođđasa, muhto praktihkalaš skuvlenollisvuohta, man Emmi lei heivehan nuoraidráđđái lei hui movttiidahtti ja ávkkálaš. Oaččuimet olu jurdagiid das, mot mii ovddidišgoahtit min gulahallama. Lassin Emmi vehkiin ságastalaimet maiddái gaskaneamet albma láhkai das, maid mii gulahallamis vuordit ja mat mihttomearit mis leat, muitala nuoraidráđi gulahallanbargojoavkku sátnejođiheaddji Mira Pohjanrinne.
Nuoraidráđi čoahkkin 4/2020
Nuoraidráđi čoahkkin 4/2020 dollojuvvui Roavvenjárggas 20.9.2020. Čoahkkima áššelisttus ledje ee. Dihtosis-fidnui laktáseaddji áššit, sámegielaid vahku plánen ja nuoraidpolitihkalaš prográmma válmmaštallama álggaheapmi. Lassin nuoraidráđđi ságastalai koronaepidemiija váikkuhusain sámemánáide ja -nuoraide ja nuoraidráđi politihkalaš váikkuheamis doaibmabajis 2020-2021. Koronapandemiija lea ráddjen nuoraidráđi doaimmaid ja ovdamearkka dihte jahkái 2020 plánejuvvon sámenuoraid konferánsa lea sirdojuvvon lágiduvvot maŋŋeleappos.
– Ráđđejeaddji koronadili dihte Nuoraidráđđi lea beassan čoahkkimastit váldoáššis dušše gáiddusin. Dát lea leamaš váivi, dasgo baji álggaheapmi gáiddusoktavuođaiguin lea dahkan nuoraidráđi searvadeami hástaleaddjin. Leige hui somá beassat viimmat čoahkkimastit áibbas báikki alde ja oaidnit čoahkkima eará oassálastiid, joatká nuoraidráđi várrelahttu Mira Pohjanrinne.
Nuoraidráđđi lea čoahkkimastán váldoáššis gáiddusoktavuođaiguin ja plánejuvvon bargobájit, deaivvadeamit ja dáhpáhusat leat sirdojuvvon boahttevuhtii. Nuoraidráđi čuovvovaš čoahkkin dollojuvvo golggotmánu bealde.
Lassedieđut:
Sámediggi:
Nuoraidráđi sátnejođiheaddji
Anni-Sofia Niittyvuopio
tlf. 040 7082 072, anni-sofia.niittyvuopio(at)samediggi.fi
Oahpásmuva maiddái
Dihtosis-fidnu ohcá skuvlagalledeaddjiid
Sámedikki nuoraidráđi ja Nuoraid Akatemiija Dihtosis-fidnu olis fállojuvvojit skuvllaide sámetemát skuvlagalledeamit. Ohcatge dál movttegis badjel 18-jahkásaš sámenuoraid miehtá Suoma skuvlagalledeaddjin lb. 2020-2021 áigge ollašuhtton guossástallamiidda.
Sámeguovllu lihkadeapmi ja lihkadeami hárjeheapmi -čielggadanbargu almmustahttojuvvon
Sámenuorat buktet ovdan, ahte sámekultuvrii gullevaš lihkadanárbevieruid sávvet lágiduvvot dáhpáhusaid oktavuođas. Sámeguovllu lihkadandáhpáhusaid galggašii doallat ealasin ovttas iešguđet doibmiiguin. Jearahallojuvvon olbmot čalmmustahtte, ahte galggašii ovddidit dan, ahte beasašedje iežaset eatnigillii bagadallojuvvon lihkadeami ollái. Dehálažžan atnet maiddái, ahte návccat biddojuvvojit joavkolihkadeapmái ja dasa, ahte buohkat movttiidahttojuvvojit mielde.
Oahpahus- ja kulturministeriijas ruhtadeapmi Dihtosis
Sámedikki Nuoraidráđi ja Nuoraid Akademiija Dihtosis-fitnu doaibma viiddiduvvo maiddái vuolleskuvllaide.
Geasseságat -joavkochat
Mii gullo? Boađe muitalit geasseságaid ja humadit nuoraidráđi joavkochatii 29.7.2020 dmu. 18-19. Chat ordnejuvvo golmma sámegillii.
Lappi Nuoraidfooruma ja nuoraid korona lexit plánen
Sámedikki nuoraidráđđi bovdejuvvui miessemánu álggus mielde Lappi guovllu korona exit plána gárvvisteapmái ja ollašuhttimii. Lappi guovllu exit plána gárvvisteamis leat mielde guovllu guktot buohccedikšunbiiret, Lapin liitto, sihke eaiseválddiid lassin viidát eará doaibmit nu eanangoddedásis go báikkálaččat ee. mátkkoštansuorggis, ealáhusdoaimmas, guovllumet oahppolágádusain ja servviin.
Sámedikki nuoraidčállin Elli-Marja Hetta
Pedagogihka magisttar Elli-Marja Hetta nammaduvvui Sámedikki nuoraidčálli virgái. Sámedikki stivra mearridii namahusas čoahkkimisttis 11. geassemánu 2020.
Sámedikki nuoraidráđđi ja ráđđehusbellodagaid nuorat: Ruvkkiide ii sadji sámiid ruovttuguovllus
Sámedikki nuoraidráđđi ja ráđđehusbellodagaid nuorat: Ruvkkiide ii sadji sámiid ruovttuguovllus
Sámenuorra - boađe váikkuhit dálkkádatpolitihkkii!
Liekkusit buresboahtin birasministeriija ságastallandilálašvuhtii ságastallat dálkkádatlága ođastusa birra. Dilálašvuohta lágiduvvo 11.6.2020 dmu 17.00-19.00 web-semináran.
Sátnejođiheddjiid gažadandiibmu joavkochatas
Nuoraidráđđi lágida vuosttaš geardde historjjás sátnejođiheddjiid gažadandiimmu, mas nuorat ieža leat jearadeame. Sámedikki sátnejođiheaddjit Tuomas Aslak Juuso, Anni Koivisto ja Leo Aikio illosedje oaččodettiineaset bovdehusa. – Lea somá oažžut dákkár vejolašvuođa beassat ságastallat njuolga sámenuoraiguin ođđalágan kanála bokte, sii kommenterejit boahttevaš dáhpáhusa.
Sukellus saamelaiskulttuuriin -mobiilaspealus ođđa veršuvdna gáiddusoahpahusa várás
Nuoraidráđi ja Nuoraid Akatemia Sukellus saamelaiskulttuuriin –mobiilaspeallu lea beaiváduvvon ođđa veršuvdnii gáiddusoahpahusa várás. Árabut dán jagi almmustahtton spealuin geahččaluvvo lasihit diđolašvuođa sámekultuvrras sierra perspektiivvaid bokte.
Sámediggi almmuha ohcanláhkai nuoraidčálli virggi
Ságadoalli sáhkavuorru: Du searvvuš – du jietna
Bures! Mun lean Sofe Hánsa Sampo Ánne-Sofe, Gáregasnjárggas eret. Logan boazodoallin Sámi oahpahusguovddážis. Lean álggáhan Sámediggi nuoraidráđi ságadoallin ja lean lohpiđan čállit deikke njuolggaduslaččat. Dán vuosttas háve áiggun muitalit min nuor.fi siiddu birra.
Anni-Sofia Niittyvuopio nuoraidráđi ságadoallin
Sámedikki nuoraidráđi ságadoallin válljejuvvui Anni-Sofia Niittyvuopio Gáregasnjárggas ja várreságadoallin Maria Mäkinen Jyväskyläs. - Lean giitevaš luohttámušas. Vuordit iluin, ahte beassat joatkit nuoraidráđi barggu sámenuoraid sajádaga buorideami ovdii. Sámedikkis leat dán válgabajis gieđahallan láhkai stuorra ollisvuođat, degomat duohtavuohta- ja soabadanproseassa, sámekulturlága válmmaštallan ja sámiid buresveadjinbálvalusat. Nuoraidráđđi háliida aktiivvalaččat leat mielde dáid ollašuvvamis, muitala nuoraidráđi ságadoallin válljejuvvon Anni-Sofia Niittyvuopio.
Sámegielat joavkochat rahpasa
”Háliidat fállat buot sámenuoraide, orrunbáikkis fuolakeahttá, vejolašvuođa leat oktavuođas eará sámenuoraide”, muitala nuoraidráđi ságadoalli Anni-Sofia Niittyvuopio joavkochat ulbmilis. Joavkochat lágideapmi lea justa dál erenomáš áigeguovdilis, go koronavirus dihtii nuoraid konkrehtalaš dáhpáhusat ja deaivvadeamit sirdojit ja šluhttejuvvojit. ”Joavkochat dahká vejolažžan dáid áiggiin sosiálalaš kontávtta eará nuoraide”, son joatká.
Nuoraidráđđi lea ásahuvvon
Sámedikki čoahkkin ásahii nuoraidráđi doaibmaáigodahkii 2020-2021 čoahkkimisttis Anáris 27-28.2.2020.