Nuoraidráđi lávdespealut luoikamis!
Mielde leat oahpes klassihkkarat ja ođđaset lávdespealut, ee. Alias, Kimble, Rummiklub, Uno-speallankoarttat ja dieđusge sámegielat Alias.
Nuorat ja searvvit sáhttet luoikkahit lávdespealuid nuoraidráđis ja lágidit sámegielat speallandáhpáhusaid. Juos háliidat iežat gillái doaimmaid, luoikkat nuoraidráđi spealuid ja lágit skihpáriiddátguin iežat sámegielat speallandáhpáhusa! Sáhtát maiddái geažidastit speallandáhpáhusa lágideamis ovdamearkka dihte iežat guovllu nuoraidráđi lahttui.
Sámegielat nuoraid asttuáiggedoaimmat gávdnojit hui unnán, ja danin arvvosmahttit sámenuoraid maiddái lágidit ieža doaimmaid ja áigegolu. Lávdespealuid lea leamaš skáhppome Davimus Lappi Leadera ruhtadan De!-prošeakta.
Lassedieđuid oaččut nuoraidčállis.
Nuoraidráđi lávdespealut:
Menolippu Eurooppa
Rummikub
Bang!
Honeycombs
Battle Sheep
Uno
Pelikortit, Bridge plain
Exit Hylätty mökki
Kimble
Saboteur
Kingdomino
Jungle Speed
Dixit
Blokus
Muuttuva labyrintti
Ubongo
Alias (sámegielat)
Oahpásmuva maiddái
Sukellus saamelaiskulttuuriin -mobiilaspealus ođđa veršuvdna gáiddusoahpahusa várás
Nuoraidráđi ja Nuoraid Akatemia Sukellus saamelaiskulttuuriin –mobiilaspeallu lea beaiváduvvon ođđa veršuvdnii gáiddusoahpahusa várás. Árabut dán jagi almmustahtton spealuin geahččaluvvo lasihit diđolašvuođa sámekultuvrras sierra perspektiivvaid bokte.
Sámediggi almmuha ohcanláhkai nuoraidčálli virggi
Ságadoalli sáhkavuorru: Du searvvuš – du jietna
Bures! Mun lean Sofe Hánsa Sampo Ánne-Sofe, Gáregasnjárggas eret. Logan boazodoallin Sámi oahpahusguovddážis. Lean álggáhan Sámediggi nuoraidráđi ságadoallin ja lean lohpiđan čállit deikke njuolggaduslaččat. Dán vuosttas háve áiggun muitalit min nuor.fi siiddu birra.
Sámegielat joavkochat rahpasa
”Háliidat fállat buot sámenuoraide, orrunbáikkis fuolakeahttá, vejolašvuođa leat oktavuođas eará sámenuoraide”, muitala nuoraidráđi ságadoalli Anni-Sofia Niittyvuopio joavkochat ulbmilis. Joavkochat lágideapmi lea justa dál erenomáš áigeguovdilis, go koronavirus dihtii nuoraid konkrehtalaš dáhpáhusat ja deaivvadeamit sirdojit ja šluhttejuvvojit. ”Joavkochat dahká vejolažžan dáid áiggiin sosiálalaš kontávtta eará nuoraide”, son joatká.
Anni-Sofia Niittyvuopio nuoraidráđi ságadoallin
Sámedikki nuoraidráđi ságadoallin válljejuvvui Anni-Sofia Niittyvuopio Gáregasnjárggas ja várreságadoallin Maria Mäkinen Jyväskyläs. - Lean giitevaš luohttámušas. Vuordit iluin, ahte beassat joatkit nuoraidráđi barggu sámenuoraid sajádaga buorideami ovdii. Sámedikkis leat dán válgabajis gieđahallan láhkai stuorra ollisvuođat, degomat duohtavuohta- ja soabadanproseassa, sámekulturlága válmmaštallan ja sámiid buresveadjinbálvalusat. Nuoraidráđđi háliida aktiivvalaččat leat mielde dáid ollašuvvamis, muitala nuoraidráđi ságadoallin válljejuvvon Anni-Sofia Niittyvuopio.
Nuoraidráđđi lea ásahuvvon
Sámedikki čoahkkin ásahii nuoraidráđi doaibmaáigodahkii 2020-2021 čoahkkimisttis Anáris 27-28.2.2020.
Nuoraidráđi ásaheapmi
Nuoraidráđđi doaibmaáigodahkii 2020-2021 ásahuvvo Sámedikki ortniiduvvančoahkkimis 27.-28.2.2020 Sajosis Anáris.
Oahpásmuva sámekultuvrii mobiilaspealu bokte
Nuoraidráđđi almmustahttá ovttas Nuoraid Akademiijain Sukellus saamelaiskulttuuriin –mobiilaspealu. Spealu vehkiin geahččalit lasihit diđolašvuođa sámekultuvrras sierra perspektiivvaid bokte.
Nuoraidráđi čoahkkin 6/2019
Nuoraidráđđi čoahkkimasttii 12.12.2019 maŋemuš geardde dán doaibmabajis. Čoahkkima áššelisttus ledje ee. doaibmaplána ja bušeahttaárvalusa dohkkeheapmi ja evttohusa válmmaštallan lahtuin, geat válljejuvvojit nuoraidráđđái. Evttohus manná sámedikki stivrii ja ain viidáset sámedikki čoahkkimii.
Sámedikki čoahkkin 5/2019
Nuoraidráđi lahtu Maria Mäkinen ovddasta nuoraidráđi Sámedikki čoahkkimis 17.-18.12.2019.
Oza mielde dahje evttot lahtu Sámedikki nuoraidráđđái 2020-2021
Ohcat nuoraidráđđái movttegis ja aktiivvalaš sámenuoraid miehtá Suoma ovddidit sámenuoraid áššiid. Nuoraidráđi válljemis váldojuvvo vuhtii, ahte lahtut ovddastit nu viidát go vejolaš olles sámeguovllu ja maiddái sierra giellajoavkkuid. Sámegiela dáidu lea sávahahtti. Válljemis čuvvo maiddái sohkabeliid gaskasaš dásseárvu. Nuoraidráđi lahtut eai dárbbaš leat sámedikki lahtut.
Nuoraide oaivvilduvvon seksuálavuođa sátnegirji jorgaluvvon golmma sámegillii
Sámedikki nuoraidráđđi lea jorgalahttán ja almmustahttán Álbmotlihtu nuoraide oaivvilduvvon seksuálavuođa sátnegirjii davvisáme-, anáraš- ja nuortalašgillii.
Nuoraid sámegielat asttuáiggedoibmii lea dárbu buot sámeguovllu gielddain
Sámedikki nuoraidráđi De! -prošeavttas ožžojuvvon vásáhusaid vuođul nuoraid sámegielat asttuáiggedoibmii lea dárbu buot sámeguovllu gielddain. Doaibma eaktuda ruohtasmahttima eandalii daid boaittobeale giliin, gos ii ovdal leamaš makkárge doaibma nuoraide. Nuoraidráđi prošeavtta doaibma nogai 30.8.2019.
Sámetemát skuvlagalledemiid sáhttá diŋgot skuvlajahkái 2019-2020
Sámedikki nuoraidráđi ja Nuoraid Akatemia oktasašprošeakta Dihtosis lea skuvlen ođđa skuvlagalledeaddjiid doibmii fárrui. Oktiibuot 14, boares ja ođđa, skuvlagalledeaddji johtet diŋgoma mielde Suoma skuvllaid. Skuvlajagi 2019-2020 skuvlagalledeamit leat dárkkuhuvvon badjeskuvllaide ja daid sáhttá diŋgot áigodahkii 17.9.2019-31.5.2020.
Sámediggi nammadan njealjje ”Sámásteaddji – Säämsteei – Sámásteijee”
Sámediggi hálida loktet sámegielaid oidnosii ja lea nammadan njealjje sámegielat giellaofelačča: Sámásteaddji – Säämsteei – Sámásteijee.