Sukellus saamelaiskulttuuriin -mobiilaspealus ođđa veršuvdna gáiddusoahpahusa várás

Nuoraidráđi ja Nuoraid Akatemia Sukellus saamelaiskulttuuriin –mobiilaspeallu lea beaiváduvvon ođđa veršuvdnii gáiddusoahpahusa várás. Árabut dán jagi almmustahtton spealuin geahččaluvvo lasihit diđolašvuođa sámekultuvrras sierra perspektiivvaid bokte.

Sámefáttát mobiilaspeallu, mii spello Seppo-speallovuložis, lea dárkkuhuvvon badjeskuvlla lassin nuppi dási studeanttaide. Speallu veahkeha studeanttaid miehtá Suoma oahppat ja fuobmát sápmelašvuođa ja sámekultuvrra ja speallu gieđahallá ee. sámiid historjjá, dálá ihtagiid ja olbmuid, sámegávtti, kultuvrra alccesis váldima sihke árbevirolaš ealáhusaid.  Spealu bokte nuorat movttiidahttojit doaibmat ieža ja buktit ovdan fáttá birra iežaset oaiviliid sihke ságastit dain ovttas eará nuoraiguin.

Vaikko speallu lea doaibman maid gáiddusoahpahusas dakkáražžan, lea speallu dál rievdaduvvon nu, ahte dat heive ain buorebut gáiddusoahpahussii. Speallu lea oahppolágádusaide áibba nuvttá, nappo oahppolágádusas ii dárbbaš leat Seppo-liseansa gárvvisin. Oahppit sáhttet speallat spealu telefovnnaiguin, tableahtaiguin dahje dihtoriiguin. Spealus gávdnojit máŋggalágan ja iešguđet dási bargobihtát. Bargobihtáin lea maid vejolašvuohta geavahit hutkáivuođa, nappo vástádus bivdojuvvo vejolaččat gova, jietna- dahje videofiilla hámis. Spealliide lea maid vejolaš válljet fáddásuorggis dan, masa lea eanemus beroštupmi.

Diŋgo SUKELLUS SAAMELAISKULTTUURIIN -gáiddusspealu dán diŋgonskovis.

Dihtosis – projeakta lea Sámedikki nuoraidráđi ja Nuoraid Akademiija oktasašprojeakta, man ulbmilin lea lasihit váldoálbmoga nuoraid diđolašvuođa sámiid birra. Dieđuid lasiheami ja projeavtta materiálaid vehkiin geahččalit bajidit sámiid ja sámekultuvrra nuoraid árgadieđu oassin. Fáttá movttiidahtti gieđahallan eastada nu sámemánáide ja –nuoraide čuohcci vealaheami, go maiddái nanne sámenuoraid identitehta, geat ásset sámeguovllu olggobealde. Projeavtta ruhtada Oahpahus- ja kulturministeriija.

Lasi Dihtosis – projeavtta birra.

 

Lassidieđut:

Vs. nuoraidčálli, Sámediggi, Elli-Marja Hetta, 050 382 5179, elli-marja.hetta(a)samediggi.fi

Projeaktajođiheaddji, Nuoraid Akademiija, Ulla Saalasti. 040 567 4203, ulla.saalasti(a)nuortenakatemia.fi