Säminuorâi oholoppâleirâ 8.-10.5.2026 Vasatokkast

Sämitige De!2-haahâ já Nuorâirääđi sehe Tuodâr-Laapi Duodjibussi-haahâ (Sámi Duodji rs) uárnejeh oholoppâleeirâ 13–20-ihásáid säminuoráid Aanaar Rivdulist, Vasatokkast, 8.–10.5.2026. Mij ornip nuoráid sáátuid oovtâstpargoost kieldâiguin. Ohjelm álgá vástuppeeivi s. tme 18 já nohá pasepeeivi iiđeedpeeivi. Leirâ lii nuuvtá. Uásálisteemeeri lii räijejum, te amahân almottâđah jotelávt fáárun! 

Lávurduv iiđeedpeeivi láá kyehti sierâ pargopáájá, main tun puávtáh valjiđ: ”Hutkâp puáris kietâtyejeest uuđâs”-uđđâsistanneempáájá tâi moottorkiälhá tivvoom. Uđđâsistanneempáájást tun peesah tuoijuđ mastnii jieijâd puáris tyejeest, mááccuh uásist jna maidnii uuđâs. Uđđâsistanneempáájá puátuseh uásálisteh kiišton pyeremuu uđđâsistanneemideast já vyeittee finnee palhâšume! Moottorkiälhái tivomân lohtâseijee pargopáájá siskáldâs tärhišuvá vala maŋeláá.  

Eehidpeeivi lii ohtsâš lihâdem Vasatokka maaŋgâpiälásijn soojijn. Tast maŋa tun puávtáh oppeet valjiđ kyevti pargopáájást: riävská kárdum máttááttâllâm tâi tárbuliih tyejitááiđuh já moodeern mááccuh vuávám. Ehidist lii suotâs kištottâllâm ”Suurmestari goes Sápmi”-teemain já tulâstâllâm. 

Tiervâpuáttim fáárun! Leeirâ ohjelm lii vuávájum tienuuvt, ete tun puávtáh uásálistiđ eidu tagarin, ko tun jieš lah! Uási mist sárnuh eenâb já uási čuávuh mielâstis sijvuht paaldâst. Nubeh sárnuh mielâstubbooht uccâ juávhuin. Uásán tehálâš lii uápásmuđ uđđâ ulmuid. Nubeh uásálisteh mielâsumosávt ohjelmân já vyelgih tuđâvâžžân pááikán uđđâ skipárijttáá. Jieškote-uvlágánijd nuoráid lii saje. Leeirâst mij kevttip sämikielâid já suomâkielâ uásálistei mield. Sämikielâ táiđu ij lah velttidmettum. 

Ijâstâllâm lii ohtsijn viistijn. Leirâ lii uáivádâsâittáá. Almottâttâm lii áávus 15.-23.4.2026. Almottât fáárun taa: https://link.webropolsurveys.com/S/C8BA91F8D7814B9A  

Lasetiäđuh leeirâin:

De!2-hahâpargee Irene Fofonoff

044 902 8615

irene.fofonoff@samediggi.fi.