Uusâ mieldi!

Lah-uv tun perustum servâđ nuorâirääđi tooimân? Čuávuvâš nuorâirääđi aalgât tooimâs ive 2024 aalgâst. Čoovčâ ääigi mij uuccâp uđđâ moovtâ nuorâirääđi jesânijd čuávuváá kyevti ihán!

Riemâ mieldi tooimân!

Nuorâirääđist láá čiččâm eidudâš jesânid, sii värijesâneh já lasseen máhđulâšvuođâi mield nuorâirääđi puáhtá nomâttiđ olssis enâmustáá vittâ äššitobdeejeessân. Nuorâirääđi toimâpaje pištá kyehti ive.

Nuorâirääđi jesâneh iä taarbâš leđe sämitige jesâneh, ige sij taarbâš aassâđ sämikuávlust. Nuorâirääđi valjiimist väldih huámášumán meiddei tom, ete jesâneh ovdâsteh nuuvt pyereest ko máhđulâš ubâ sämikuávlu já jieškote-uv kielâjuávhuid. Valjiimist nuávdittep meid suhâpeelij koskâsii täsiáárvu. Nuorâirääđi

Uusâ mieldi, jis tun lah:
  • Aktiivlâš säminuorâ já perustum ovdediđ säminuorâi aašijd
  • Eidusâš jesânin, jis tun lah nuorâirääđi asâttemääigi 18–28-ihásâš,
  • Äššitobdeejesânin, jis tun lah nuorâirääđi asâttemääigi 15–17-ihásâš

Tun puávtáh meiddei iävtuttiđ kiämnii nuorâirááđán, jis sun addel toos love. Nuorâirääđi iävtut čuávuváá nuorâirääđi já sämitige olesčuákkim nannee miärádâs.

 

Nuorâirááđán puávtáh uuccâđ vuolgâtmáin ucâmušreeivâ nuorâirááđán 1.12.2023 räi jo-uv

šleđgâhäämist:

info(at)samediggi.fi

poostâ mield:

Nuorâirääđi
Saamelaiskulttuurikeskus Sajos
FIN-99870 Inari

 

tâi puávtáh tevdiđ meiddei uuccâmluámáttuv.

Šoddii-uv koččâmâšah?

Lah-uv tun perustum toimâđ nuorâirääđist? Lii-uv tust mielâst mottoom äšši mon nuorâirääđi puávtáččij ovdediđ?

Nuorâirááđán puávtáh uuccâđ  tevdiđ UUCCÂMLUÁMÂTTUV

 


Taan fáádást lase