Oza mielde!

Leatgo beroštuvvan oassálastit nuoraidráđi doaimmaide? Čuovvovaš nuoraidráđđi álggaha doaimmaidis jagi 2024 álggus. Loahpajagi áigge ohcat ođđa movttegis nuoraidráđi lahtuid čuovvovaš guovtti jagi badjái.

Searvva mielde!

Nuoraidráđđi čohkiida čieža aitosaš lahtus, sin várrelahtuin ja vejolašvuođaid mielde nuoraidráđđi sáhttá nammadit alcces eanemustá vihtta áššedovdilahtu. Nuoraidráđi doaibmabadji bistá guokte jagi.

Nuoraidráđi lahtut eai dárbbaš leat Sámedikki lahtut, eaige sii dárbbaš orrut sámeguovllus. Nuoraidráđi válljemis váldojuvvo vuhtii, ahte lahtut ovddastit viidáseamos lági mielde olles sámeguovllu ja iešguđet giellajoavkkuid. Válljemis čuvvo maiddái sohkabeliid gaskasaš dásseárvu.

 

Oza mielde, juos leat:
  • Aktiivvalaš sámenuorra ja beroštuvvan ovddidit sámenuoraid áššiid,
  • Aitosaš lahttun, juos leat 18-28 -jahkásaš dalle, go nuoraidráđđi válljejuvvo
  • Áššedovdilahttun, juos leat 15-17 -jahkásaš dalle, go nuoraidráđđi válljejuvvo

Sáhtát maiddái evttohit muhtun eará olbmo nuoraidráđđái, juos son lea ieš miehtan dasa. Nuoraidráđđi dahká boahttevaš čohkkehusas evttohusa ja Sámedikki dievasčoahkkin nanne mearrádusa.

 

 

 

Nuoraidráđđái sáhtát ohcat sáddemiin ohcanreivve maŋimustá 1.12.2023 juogo

e-poasttain:

info(at)samediggi.fi

 

dahje

poasttain:

Nuoraidráđđi

Saamelaiskulttuurikeskus Sajos
FIN-99870 Inari

 

dahje sáhttát deavdit maid ohcanskovi.

Bohciidedjego jearaldagat?

Livččetgo beroštuvvan doaibmat nuoraidráđis? Leago dus mielas muhtun ášši, maid nuoraidráđđi sáhtášii ovddidit?

Váldde oktavuođa

 

Deavdde ohcanskovi:

OHCANSKOVI


Eambbo áššis