Nuoraidráđi okta váldomihttomeriin lea ovddidit nuoraid astoáigge doaimmaid sámegillii ja sámekultuvrra vuođul. Mihttomearrin lea nannet sámenuoraid identitehta, searvevuođa ja ovttaveardásašvuođa ja maiddái ovddidit dásseárvvu. Dán siiddus ovdanbuktit nuoraidráđi doaibmavugiid, maiguin dat nanne sámegielat nuoraiddoaimma. Guovllas seammás min dáhpáhuskaleandarii / boahttevaš dáhpáhusaid!

  • Jođus dál: De! 2

    De! 2 -sámegielat nuoraidbarggu ovddideapmi sámeguovllu gielddain -fitnus ovddidit nuoraidbarggu ja astoáiggi doaimmaid sámegillii ja sámekultuvrra vuođul sámeguovllu gielddain 13–29-jahkásaš sámenuoraide. Doaibma vuođđuduvvá sin sávaldagaide ja dárbbuide, mat kártejuvvojit fitnu áigge.

    Fitnu ovttasbargoguoimmit leat sámeguovllu gielddat, Sámi oahpahusguovddáš ja Nuoraidguovddáš Vasatokka. Fitnu prošeaktabargi lea Anni Saara Aikio. Fitnu ruhtada Lappi guovlohálddahusvirgedoaimmahat ja dat ollašuhtto gaskal 1.2024-31.12.2025.

    Oahpásmuva De! 2 -fitnui dáppe

    Oahpásmuva nuoraidráđi ovddit fitnuide dáppe

Dáhpáhusat

Nuoraidláhka

Nuoraidlága vuolggasadjin leat earret eará kultuvrraid girjáivuohta ja
riikkaidgaskasašvuohta.

  1. Nuoraidlága 21.12.2016/1285 2 § mielde dan mihttomearrin lea:
    Ovddidit nuoraid searvevuođa ja váikkuhanvejolašvuođaid ja maiddái cuokkaid ja eavttuid
    doaibmat servodagas;
  2. Doarjut nuoraid bajásšaddama, soajáiduvvama, searvvušlašvuođa ja daidda laktáseaddji
    dieđuid ja dáidduid oahppama;
  3. Doarjut nuoraid áiggeájiid hárjeheami ja doaibmama siviilaservodagas;
  4. Ovddidit nuoraid ovttaveardásašvuođa ja dásseárvvu ja maiddái vuoigatvuođaid
    ollašuvvama; ja
  5. Buoridit nuoraid bajásšaddan- ja eallindiliid.

Mihttomeari ollašuhttima vuođđun leat:

 

1) oktasaš ovddasvástádus, kultuvrraid girjáivuohta ja riikkaidgaskasašvuohta;

2) suvdilis ovdánupmi, dearvvašlaš eallinvuogit ja birrasa ja eallima gudnejahttin;

3) máŋggafágalaš ovttasbargu.

Gáldu: Finlex. Nuorisolaki 1285/2016 – Ajantasainen lainsäädäntö – FINLEX ®

 

Sámi giellaláhka

Nuoraidlága lassin maiddái sámi giellaláhka guoská nuoraidbargui. Sámi giellalága ulbmil lea dorvvastit vuođđolágas ásahuvvon sámiid rievtti doalahit ja ovddidit iežaset giela ja kultuvrra. Nuoraidbargu gullá gielddaid láhkageatnegahtton bálvalusaide ja giellaláhka geatnegahttá virgeoapmahaččaid sámegielat bálvalusaid dáhkideamis. Dákko bokte sámegielat nuoraidbargu gullá sámi giellalága mielde gielddaid (Anár, Ohcajohka, Eanodat ja Soađegilli) láhkageatnegahtton bálvalusaide.

Loga eambbo

 

 

Gáldu: Finlex.  Saamen kielilaki 1086/2003 – Ajantasainen lainsäädäntö – FINLEX ®