Nuõrisuåvtõõzz õhtt väʹlddtäävtõõzzin lij viikkâd ooudâs sääʹmǩiõllsa da -kulttuur meâldla nuõri- da âsttääiʹj tåimmʼmõõžž. Täävtõssân lij raaveed sääʹmnuõri identiteeʹtt, vuässadvuõđ da õõutverddsažvuõđ di viikkâd ooudâs tääʹssäärv. Tän seeidast čiõlǥtet nuõrisuåvtõõzz tåimmam-maallid, koin tõt raavad sääʹmǩiõllsaž nuõritåimmʼmõõžž. Ǩiiʹccest še pueʹttiääiʹj šõddmõškalenteera / puõʹtti šõddmõõžž!

  • Jåttjam haʹŋǩǩõs: De!2

    De! 2-sääʹmǩiõllsa nuõrituâj ooudâsviikkmõš sääʹmvuuʹd kooʹddin -haʹŋǩǩõõzzâst viiǥǥât ooudâs sääʹmǩiõllsa da -kulttuur meâldlaž nuõrituâj da âsttääiʹj tåimmʼmõõžž sääʹmvuuʹd kooʹddin 13-29- âkksaid sääʹmnuõrid. Tåimmʼmõš vuâđđââvv sij tuõivvjid da taarbid, mâid kaartʼtet haʹŋǩǩõõzz poodd.

    Õhttsažtuâjjkueiʹmmen haʹŋǩǩõõzzâst liâ sääʹmvuuʹd kååʹdd, Sääʹmvuuʹd škooultõskõõskõs da Nuõrikõõskõs Vasatokka da haʹŋǩǩõõzz projeʹktt-tuâjjliʹžžen lij Anni Saara Aikio. Haʹŋǩǩõõzz teäggat Lappi vuʹvddvaaldâšmkoontâr da haʹŋǩǩõõzz viiǥǥât čõõđ ääiʹjest 1.1.2024-31.12.2025.

    Tobdstõõđ De2!-haʹŋǩǩõʹsse täʹst

    Tobdstõõđ Nuõrisuåvtõõzz oouʹdab haʹŋǩǩõõzzid täʹst

Šõddmõõžž

Čiõlǥât täʹst, mâid tuäivak sääʹmǩiõllsaž nuõrituâjast leʹbe jõs tuʹst liâ jurddi tåimmʼmõʹšše kuõskeeʹl.

Nuõrilääʹǩǩ

Nuõrilääʹjj vueʹlǧǧemsââʹjjen lij jeäʹrbi mieʹldd kulttuur määŋgnallšemvuõtt da meeraikõskkvuõtt.

Nuõrilääʹǩǩ 21.12.2016/1285 2 § mieʹldd lääʹjj täävtõssân lij:

  1. Viikkâd ooudâs nuõri vuässadvuõđ da vaaiktemvueiʹtlvažvuõđid di oodd da õudldõõzzid tåimmad õhttsažkååʹddest;
  2. Staanâd nuõri šõddmõõžž, jiõččsmõõvvmõõžž, õhttsallašvuõđ di tõid õhttneei teâđai da tääidai mättjummuž;
  3. Staanâd nuõri staarjõõttmõõžž da tåimmʼmõõžž meerlažõhttsažkååʹddest;
  4. Viikkâd ooudâs nuõri õõutverddsažvuõđ da tääʹssäärv di vuõiggâdvuõđi teâuddjummuž; di
  5. Pueʹreed nuõri šõddâm- da jieʹllemvuõʹjjid.

Täävtõõzz čõõđ viikkmõõžžâst vueʹlǧǧemsââʹjjen liâ:

1) õhttsažvasttõs, kulttuuri määŋgnallšemvuõtt da meeraikõskkvuõtt;

 

2) ǩeâllʼjeei ouddnummuš, tiõrvvâz jieʹllemnääʹl di pirrõõzz da jieʹllem ciʹsttjummuš;

 

3) määŋgvaaldšem õhttsažtuâjj.

 

Teâttkäivv: Finlex. Nuõrilääʹǩǩ 1285/2016 – Ääiʹjtäässʼsaž lääʹjjšiõttummuš – FINLEX ®

Sääʹm ǩiõll-lääʹǩǩ

Nuõrilääʹjj lââʹssen še sääʹm ǩiõll-lääʹǩǩ kuâskk nuõrituâj. Sääʹm ǩiõll-lääʹjj miârktõs lij tuõrvvâd vuâđđlääʹjjest šiõttuum säʹmmlai vuõiggâdvuõđ tuõʹllʼjed da viikkâd ooudâs jiijjâs ǩiõl da kulttuur. Nuõrituâjj kooll kooʹddi lääʹjjmeâldlaž kääzzkõõzzid da ǩiõll-lääʹǩǩ õõlǥat veʹrǧǧniiʹǩǩid sääʹmǩiõllsaž kääzzkõõzzi staanummšest. Nääiʹt ååreen sääʹmǩiõllsaž nuõrituâjj kooll sääʹm ǩiõll-lääʹjj meâldlânji kooʹddi (Aanar, Uccjokk, Jeänõk da Suäʹđjel) lääʹjjmeâldlaž kääzzkõõzzid.

 Looǥǥ lââʹzz

 

 

Teâttkäivv: Finlex. Sääʹm ǩiõll-lääʹǩǩ 1086/2003 – Ääiʹjtääsʼssaž lääʹjjšiõttummuš – FINLEX ®