Seksuaaltiõrvâsvuõtt

Seksuaalʼlažvuõtt lij mij juõʹǩǩka äʹšš. Nuõrisuåvtõõzz teeʹmmen tuåimmji eeʹjjest 2018 seksuaaltiõrvâsvuõtt. Õhttsažtuejjtaaurõššân tuåimmji väʹlddkååddlânji vaikkteei Narodlett, kooi pääiʹǩ vuäitt ouddm. staanâld vuäǯǯad vuäʹppõõzzid seksuaalʼlažvuõʹtte kuõskki aaʹššin.

Lij samai noʹrmaal, što nuõrr smeâtt jiijjâsnalla murkkââʹjj šõddmõõžž, vaard šõddmõõžž, seksuaalʼlažvuõđ, seeʹks leʹbe jeeʹres seksuaalʼlažvuõđ pueʹrrjieʹllma õhttneei teeʹmaid.

Pukid nuõrid, pirr maaiʹlm, sooǥǥbeäʹlest, leeʹšǩeeuʹnest, seksuaalʼlaž kärŋŋummšest leʹbe tiõrvâsvuõđâst šoorčǩani kuõskki seksuaalvuõiggâdvuõđ. Juõʹǩǩkast lij jeäʹrbi mieʹldd vuõiggâdvuõtt naaudšed jiijjâs seksuaalʼlažvuõđâst, vuäǯǯad teâđ di ääʹššmeâldlaž seksuaaltiõrvâsvuõttkääzzkõõzzid.

Kuäʹss-ne jiijjâs jurddjin da huõlin vuäitt leeʹd vaiggâd mainsted ni ǩeäzz. Da kuäʹss-ne miõl teäʹddi kõõččmõõžžid lij vaiggâd kõõččâd vueiʹnnlõõđeeʹl õʹhttečõõʹlmi vuõrâsoummuin. Tõn diõtt lij fiin äʹšš, što Lääʹddjânnmest liâ jiânnai nuõrid tuejjuum, däära da nõõmteʹmes teʹlfon- da neʹttkääzzkõõzz.

Narodlett taʹrjjad vuâlla 20-âkksaid tuejjuum säiʹmmkääzzkõõzzid da teâttsiiskõõzzid seksuaalʼlažvuõđâst. Narodleett seksuaalvuäʹpstemchatti beäʹlnn vuäitt kõõččâd nõõmteʹmmen seksuaalʼlažvuõʹtte kuõskki miõl teäʹddi aaʹššin äʹšštobddjin. Narodleett nuõrid täävtõsjoukkân jurddum teâttartikkeel käunnʼje addrõõzzâst www.hyvakysymys.fi/nuortenvaestoliitto

Narodlett taʹrjjad nuõri vuõrâsoummu paarrkõskkvuõđ vaiggâdvuõttvueʹjjid dääras neʹttvuäʹpstõõzz chatti beäʹlnn, koʹst psykoterapeuʹtt vaʹsttad paarrkõskkvuõđ vaiggâdvuõđid kuõskki kõõččmõõžžid. Äävai åårrai ääiʹjpoodd käunnʼje: https://www.hyvakysymys.fi/ajanvarauschat/?target-groups=parit

Nuõrid täävtõsjoukkân jurddum, däära da nõõmteʹmes chatkääzzkõõžz käunnʼje addrõõzzâst https://www.netari.fi/avoimet-chatit/

Narodleett Paaʹrni Teʹlfoon lij vieʹǩǩteei teʹlfon- da säiʹmmkääzzkõs vuâlla 20-âkksaid paaʹrnid da nuõr åummaid. Teʹlfoonid vaʹsttad vuõrâsååumaž, ämmatnalla paaʹrni maailma härjjnam ååum. Paaʹrni Teʹlfoonest nuõrid vieʹǩǩted pukin jieʹllma kuõskki vaiggâdvuõđin. Tuåimmjemvuâđđjurddjen lij uʹvdded vuõiʹǧǧes vasttõõzzid vuõiʹǧǧes kõõččmõõžžid. Teʹlfonsaakk lij såittja määusteʹm da såittad vuäitt nõõmteʹmmen. Teʹlfon kääzzkâstt vuõssaarǥâst piâtnca čiâss 13–18 nââmrest 0800 94884. Paaʹrni Teʹlfoon käunnai säiʹmmaddrõõzzâst www.poikienpuhelin.fi

Sporttstaarjõõzzâst vuäǯǯ pueʹrmõsân räämm, oʹnnstummšid da šiõǥǥ taaurõõzzid. Narodleett da lääʹd spoort õhttsažhaʹŋǩǩõõzzâst viiǥǥât ooudâs juõʹǩǩka vuõiggâdvuõđ naaudšed spoortâst staanâld di šõddâd õnnum takainalla tääʹssärvvseʹld da ciʹsttjeeʹl. Jõs spoort õhttvuõđâst vuäinn pannvueʹǩǩeš ciʹsttjummuž leʹbe heâmmeem, tâʹl (Et ole yksin–) Jiõk leäkku õhttu–haʹŋǩǩõõzzâst vuäǯǯ tuärjjõõžz. Õhttvuõđ vueiʹtte väʹldded sporttneeʹǩǩ, sporttneeʹǩǩ puärraz, vuõiǥstõõʹtti, di sporttsieʹbri leʹbe šlaajjleetti tuejjla da jiõččtäättla. Jiõk leäkku õhttu-kääzzkõʹsse vuäitt såittad dääras vuõssaarǥâst mââibaʹrǧǧe čiâss 14–17:30, haʹŋǩǩõõzzâst lââʹzz: https://etoleyksin.fi/

 

Miʹjjid kaaunak še some beäʹlnn! Seuʹrre (Nuõri Narodleett) Nuorten Väestöliittoa da (Paaʹrni Teʹlfoon) Poikien Puhelinta YouTube- da Instagraam beäʹlnn.

Puõʹtte-a kõõččmõõžž miõʹlle?

Smiõttak-a seksuaaltiõrvâsvuõʹtte kuõskki aaʹššid? Vuäitak kueʹđđed nõõmtää kõõččâmnalla-ǩeeʹrjtemsâjja kõõččmõõžžid. Vaʹstteep Tuʹnne!

Ota yhteyttä


Teeʹmest lââʹzz