Jääʹǩǩtep mij tuåimmjummšest Lääʹdd lääʹǩǩ da Nuõrid årra pijjum säiʹmmtuâi foorum vuäʹpstõõzzid tõʹst, mäʹhtt sääiʹmest tueʹjjeemnalla leʹddi nuõrituâjast šadd eettlaž.
Õhttvuõttvaʹlddi vuõiggâdvuõđ da õõlǥtummuž
- Õhttvuõttvaʹlddjest lij vuõiggâdvuõtt tieʹtted, mõõn âkksiʹžže kääzzkõõzz lij meinnum.
- Õhttvuõttvaʹlddjest lij vuõiggâdvuõtt tieʹtted, vuäitt-a son väʹldded õhttvuõđ nõmmteʹmmen.
- Õhttvuõttvaʹlddjest lij vuõiggâdvuõtt tieʹtted, mõõn mieʹrin saaǥǥstõõllmõš lij naʹddjemnallšem.
- Õhttvuõttvaʹlddjest lij vuõiggâdvuõtt snäätnai, staani da vuõiggmiõllsaž kääzzkõʹsse.
- Õhttvuõttvaʹlddi ohjjeet taarb mieʹldd jeeʹres kääzzkõõzzi voudda.
- Õhttvuõttvaʹlddjest lij vuõiggâdvuõtt vuäǯǯad teâđ kääzzkõõzzâst da tõn riâššjest, teâttstaanâst da teâđai ǩiõttʼtõõllmõõžžâst da uʹvdded maacctõõzz kääzzkõõzzâst.
- Õhttvuõttvaʹlddjest lij õõlǥtummuž jääʹǩǩted kääzzkõõzzi meärrõõzzid.
Sääiʹmest tuåimmai oʹhjjeei vuõiggâdvuõđ da õõlǥtummuž
- Oʹhjjeei lij jiõččtäättlaž leʹbe päʹlǩǩuum tuâjjlaž.
- Oʹhjjeeʹjest lij vuõiggâdvuõtt vuäǯǯad suu tuõjju škooultõõzz da mieʹrrkõskksaž vuäʹpstõõzz.
- Oʹhjjeeʹjest lij vuõiggâdvuõtt tieʹtted, vuäitt-a son põõššâd kääzzkõõzzâst nõmmtemmsen.
- Oʹhjjeeʹjest lij vuõiggâdvuõtt leeʹd tuõđǩâni pannvueʹǩǩeš ciʹsttjummša.
- Oʹhjjeeʹjest lij õõlǥtummuš kässjõõttâd meärrõõzzi vuâsttsaž tuåimmjummša.
- Oʹhjjeei lij kääzzkõõzzâst čõnnõõttâm tuåimmad suu tuâǥǥažorganisaatio tuåimmjamprinsiippi da äärvai meâldlânji.
- Oʹhjjeeʹjest lij vuõiggâdvuõtt luõppâd jiântta åårramõõlǥtummšest, jos puätt õlmmsa plaaneemnalla leʹddi leʹbe juʹn šõddâm tuõđâš reäʹǩǩõsäʹšš leʹbe päärnaisuõʹjjeemnallšem huõll. Luõveen jiântta åårramõõlǥtummšest oʹhjjeeʹjest âlgg iʹlmmted tõʹst õhttvuõttvaʹlddja vueiʹtlvažvuõđi mieʹldd.
- Oʹhjjeei lij saaǥǥstõõllmõõžžâst õhttvuõttvaʹlddi vääras.
- Oʹhjjeei ij ǩiõttʼtââll saaǥǥstõõllmõõžžâst jiiʹjjes proʹbleeʹm.
- Oʹhjjeei ouddam vuäʹpstõs lij ääʹššmeâldlaž da ååsklaž. Õhttvuõttvaʹlddi vuäʹpstet taaʹrbi mieʹldd jeeʹres kääzzkõõzzi voudda.
- Oʹhjjeei vuäitt taʹrjjeed nuʹbbnallšem määin, leša ij mieʹrred õhttvuõttvaʹlddi peäʹlest.
- Oʹhjjeei ij ââʹn õhttvuõđ õhttvuõttvaʹlddjid tuâjjääiʹj åålǥbeäʹlnn.
Naʹddjemnallsemvuõtt da teâđai noorrmõš
Nuor.fi -kääzzkõõzzâst õhttvuõđ vaʹlddi IP -addrõs kuâsttai mij tuâjjlaid, leša jeäʹp vueiʹt IP –addrõõzz vuâđald vueiʹnned õhttvuõttvaʹlddi teâđaid leʹbe õhttvuõtt-teâđaid. Jõs Nuor.fi –chatsaaǥǥstõõllmõõžž äiʹǧǧen leʹbe Kõõččâmnalla- pääiʹǩ saaǥǥi vuâđald puätt õlmmsa päärnaisuõʹjjeemnallšem huõll, nuõr jiõʹǧǧe leʹbe tiõrvâsvuõʹtte tillʼlõõvvi reäʹǩǩõs, seksuaalreäʹǩǩõs leʹbe jieʹttvueʹǩǩ, mij õlggâp saaǥǥstõõllâmteâđai leʹbe nuõr saaǥǥi vuâđald väʹldded õhttvuõđ jieʹttkõõskõʹsse, päärnaisuõjjeemveʹrǧǧneeʹǩǩid leʹbe pååʹlsa. Vääʹltep pååʹlsa taaʹrbi mieʹldd nuõr IP –addrõõzz, što vueiʹttep praavâd, što nuõrr vuäǯǯ aainâs vieʹǩǩ. Näkam vueʹjjin põrggâp leeʹd äävai da põrggâp õhttsažtuõjju nuõrin.
Nuor.fi – joukkchat
Saaǥǥstõõllmõõžž lie joukkchat seʹst äävai da pukid lookkâmnalla. Mij jeäʹp noor nuor.fi –chat õõʹnnʼjin ni mõõn-ne nallšem personteâđaid. Saaǥǥstõõllmõõžžid ruõkkât, seeʹrdet PDF-teâttõʹssen da piijât seiddõʹsse mâʹŋŋlakast lookkâmnalla.
Kõõččâmnalla-päiʹǩǩ
Kõõččâmnalla-pääiʹǩest lij mååžna kõõččâd privatt leʹbe õlmmlaž kõõččmõõžžid. Õlmmlaž kõõččmõõžž da vasttõõzz lie pukid lookkâmnalla. Privatt saaǥǥ jie kuõsttu tän pääiʹǩest. Saaǥǥ vuõltteen feʹrttai uʹvdded nõmm-miârk da pâʹjjǩeʹrjjtõõzz da vaʹlljeed ââʹǩǩjoukk, sooǥǥbeäʹl, päiʹǩǩkååʹdd da teeʹmmvuuʹd. Päiʹǩǩkåʹdd da sooǥǥbieʹll kuâsttje pâi âʹlnnõõʹnnʼja. Tuâǥǥažteâđai mieʹrren lij vieʹǩǩted tuâjjla vaʹstteed pääiʹǩ kõõččmõõžžid nuʹtt puârast ko pâi lij mååžna. Jõs kõõččmõš vuõltteet privattân, âlgg kõõčči uʹvdded liâdggpååʹštaddrõõzz, koozz son haaʹlad vasttõõzz kõõččmõššʼses. Liâdggpååʹštaddrõs lij vueiʹnnemnalla pâi âʹlnnõõʹnnʼja. Liâdggpååʹštaddrõõzz ââʹnet pâi vaʹsttõõzzi vuõlttummša.
Puõʹtte-a kõõččmõõžž?
Haaʹleʹčiǩ-a viikkâd čõõđ nuõrisuåvtõõzzin õhttsažtuejast nuõri pueʹrrjieʹllma kuõskki kamppanja?