Maid oaivvilda miehtan seksas?

Seksuála iešmearridanvuoigatvuohta lea okta seksuálavuoigatvuođain, mat gusket min buohkaid. Dasa laktása nannosit miehtan: dus lea lohpi biehttalit daguin, maidda it hálit oassálastit. Seksuála daguide dárbbašuvvo álo miehtan.

Miehtan oaivvilda dan, ahte čájehat ruoná čuovgga guoimmát dahkui. Miehtama addin gáibida jotkkolaš kommunikašuvnna guimmiin (dahje guimmiiguin). Makkárge skoviid ii dárbbaš vuolláičállit – buorre vuohki bivdit miehtama guoimmis lea jearrat ovdamearkka dihte “Oaččongo guoskat?” ja “Orrugo dát buorre?” Dalle dus lea vuoigatvuohta vástidit juo dahje ii dahje vaikkoba kánske iežat dovdamuša mielde.

Jos it leat áibba sihkkar liikotgo das, mii aiddo dáhpáhuvvá, lea sivva bisánit ságastallat ja suokkardit. Nuppe dáfus miehtama sáhttá dili mielde addit maiddái láhtaiguin, nugo guoimmi gihtii dollemiin dahje nivkalemiin.

Dehálamos lea, ahte vuorrováikkuhus dudno gaskkas doaibmá ja dudnos leat čielga jurdagat daguid ektui. Jos giinu sirdá gieđaidat eret dahje bárdá oaivvi, son ii atte dutnje miehtama. Dalle lea sivva geassádit.

Miehtan laktása sihke vuoigatvuođaide ja geatnegasvuođaide. Baicce ahte dus lea vuoigatvuohta biehttalit seksuála daguin, dus lea maiddái geatnegasvuohta bivdit guoimmát miehtama ja gudnejahttit su iešmearridanvuoigatvuođa. Miehtama oažžun oktii ii oaivvil, ahte das ovddos álo dakkár seammalágan dahku livččii okei, baicce miehtama galgá oažžut juohke geardde ođđasit. Olmmoš, gii oađđá, lea juhkaluvvan dahje muđui dieđuheapme, ii sáhte addit miehtama!

Teavstta leaba čállán Álbmotlihtu (Väestöliitto) nuoraidbargojoavkkus Vilja Luomala ja Iida Yliannala. Dat gávdno Álbmotlihtu bloggas: Lupa koskea – mikä on suostumus.

Miehtan-video lea tekstejuvvon buot golmma Suomas hállojuvvon sámegillii.

anárašgilliii

nuortalašgillii

suomagillii