Nuorâirääđi parga oovtâstpargo sierâ nuorâiservijguin já -ornijdumijguin aalmuglávt já aalmugijkoskâsávt. Sämitige pargo-oornig mield nuorâirääđi pargoid kulá säminuorâi aalmuglii já aalmugijkoskâsii oovtâstpargo ovdedem sehe oovtâstpargo aalmugijkoskâsij ornijdumijguin já toimâorgaanijguin, moh hoittájeh nuorâi aašijd. Nuorâirääđi ulmen lii uásálistiđ čovgâdubbooht oovtâstpaargon eres algâaalmugijguin aalmugijkoskâsijn ohtâvuođâin sehe viggâđ ovdediđ oovtâstpargo Taažâ já Ruotâ sämitiigij nuorâirađijguin.
Säämi parlamentaarlii rääđi vuálásâš nuorâirääđi
Säämi parlamentaarlâš rääđi (SPR) lii Suomâ, Taažâ já Ruotâ Sämitige koskâsâš parlamentaarlâš oovtâstpargo-orgaan. Ruošâ sämiseervih uásálisteh oovtâstpaargon tárkkojeijen. SPR naanood já lasseet säminuorâi uásálistem já vaikuttemmáhđulâšvuođâid sehe nuorâi kuullâm sämisiärvádâhân.
- Vuáđudum ive 2000
- Saavâjođettem 16 mánuppaje poojijn
- Čäällimkodden tuáimá sämitigge, mii tuáimá saavâjođetteijen
- Tooimâ stivree 1997 soppum oovtâstpargosopâmuš já ive 2003 tuhhiittum pargonjuolgâdus
Luuvâ lase Sämitige siijđost
SPR vuálásâžžân tuáimá nuorâirääđi, mast láá jesâneh Taažâ Sämitige nuorâilävdikoddeest já Ruotâ já Suomâ Sämitiigij nuorâiraađijn. Nuorâirääđi parga meid oovtâstpargo Ruošâ säminuorâiguin.
Nuorâirääđi oovded säminuorâi kuáskulâšvuođâ já vaiguttemvääldi sehe lasseet aalmugijkoskâsii oovtâstpargo. Nuorâi lävdikode saavâjođettem mulsâšuvá Suomâ, Taažâ já Ruotâ kooskâ SPR saavâjođettem mield. Suomâ Sämitige nuorâirääđi tooimâi saavâjođetteijen čohčâmáánust 2019 uđđâivemáánu 2021 räi. Nuorâirääđi saavâjođetteijee puávdoo SPR stiivrâ čuákkimáid já tievâsčuákkimáid nuorâi aašij äššitobdee roolist.
SPR vuálásâš nuorâirääđi uárnee ohtsâštave-eennâmlii säminuorâi konferens kyevti ive kooskâi. Suomâ Sämitige nuorâirääđist lâi válduovdâsvástádâs majemuu konferens orniimist porgemáánust 2021. Konferens norá oohtân säminuorâid Suomâst, Taažâst, Ruotâst já Ruošâst já tot puáhtá adeliđ jieijâs noomáin julgáštâsâid.
Nuorâirääđi oovded säminuorâi aalmugijkoskâsii oovtâstpargo já oohtânkulluuvâšvuođâ sehe lasseet säminuorâi kuáskulâšvuođâ.
- Vuáđudum ive 2011
- Čällen tuáimá saavâjođetteijen orroo sämitige nuorâičällee
- Tooimâ stivree SPR pargo-oornig, nuorâi ohtsiih julgáštusah já SPR toimâvuávám
- Uárnee jyehi nube ive ohtsâštave-eennâmlii säminuorâi konferens
- Nuorâirääđi saavâjođetteijen lii mieldiorroom- já sárnumvuoigâdvuotâ SPR stiivrâ čuákkimijn
SPR saavâjođettem lii lamaš Taažâ Sämitiggeest 24.1.2021 rääjist.
Aalmugijkoskâsâš algâaalmugij oovtâstpargo
Säminuorah uásálisteh aktiivlávt algâaalmugij koskâsii oovtâstpaargon aalmugijkoskâsávt.
Nuorâirääđi jesâneh uásálisteh tehâláid algâaalmugáid lohtâseijee tábáhtussáid, tego OA algâaalmugij pisováá foorumân New Yorkist sehe algâaalmugij maailmkonferensân. Nuorâirääđi uásálist meid Arctic Council Permanent Participants Youth (Arctic Youth Leaders, AYL) ornim tooimân. Nuorâirääđi uáppáásm toimâstis maailm algâaalmugij sajattâhân já huksee koskâvuođâid eres algâaalmugnuoráid. Tábáhtussáid uásálistem mield nuoráid lekkâseh máhđulâšvuođah kulttuur já feerimij molsomân jieškote-uv algâaalmugijguin.
OA algâaalmugij pisováá foorumân uásálistem lii nuorâirääđi pisovâš toimâ.
Šoddii-uv koččâmâšah?
Lah-uv perustum ohtsâšpargoost nuorâirađđijn? Lah-uv perustum servâđ tooimân?
SPR nuorâirääđi jesâneh ive 2020-2021
Saavâjođetteijee: Maja Fjellstrøm
Värijeessân: Sajane Olsen
Jeessân: Grete Julianne Skun
värijeessân Andine Knudtson
Jeessân: Maria Unnes
värijeessân: Julia Omma
Jeessân: Naadja Östergren
värijeessân : Johanne Rimpi Heinonen
Jeessân: Anni-Sofia Niittyvuopio
värijeessân Reetta Tornesis
Jeessân: Lassi-Olavi Mäkinen
värijeessân Jussa Seurujärvi
Ohtsâštave-eennâmlâš säminuorâi konferens puáhtá čuákán säminuorâid neelji sierâ enâmist. Suomâ nuorâirääđi lâi válduovdâsvástádâsâst ive 2021 konferens orniimist.
Säminuorâi konferens julgáštusah