Sámenuoraid dáiddádáhpáhus
Sámenuoraid dáiddádáhpáhus Anáris Sámekulturguovddáš Sajosis 6.-7.5.2025
Sámenuoraid dáiddadáhpáhusa ovddit beaivve 6.5.2025 ordnejuvvojit sámenuoraide ja -mánáide bargobájit. Bargobájiide almmuheapmi lea jođus 10.-22.4.2025.
Nuoraidráđi bargobádji:
BOAHTTEVUOHTA SÁMEEATNAMIS
Nuoraidráđi válgabaji oktan ulbmilin lea Sámenuoraid eallindiliid ovddideapmi sámiid ruovttuguovllus, vai sámenuoraide livčče máŧolašvuohta báhcit ja máhcat sámeguvlui ja skáhppot áigáiboađu maiddái árbevirolaš ealáhusain. Dávjá sámenuorat gártet fárret eret oahpuid ja bargguid geažil sámeguovllus.
Nuoraidráđđi lea plánen iešguđetlágan doaibmabijuid sámenuoraid eallindiliid ovddideami várás ja dán bargobájis nuoraiguin ságastallo dán fáttás.
Ulbmiljoavku: badjeskuvla ja logahat