De!2-prošeavtta doaibma joatkašuvvá
Sámedikki ja sámeguovllu gielddaid oktasaš De!2-prošeakta joatká iežas doaimma.
Prošeavtta ođđa bargin lea válljejuvvon Čeavetjávrilaš sosionoma Irene Fofonoff. Prošeaktabargi bargun lea sámegielat ja sámekultuvrii heivehuvvon nuoraidbarggu ovddideapmi sámeguovllu gielddain prošeaktaplána mielde ovttas Sámedikki nuoraidráđiin ja prošeavtta stivrenjoavkkuin.
-Munnje lea čoagganan hárjánupmi nuoraiguin bargamis ja vuorddánge iluin, ahte beasan deaivvadit sámeguovllu buot ahkásaš nuoraiguin. Nuorain leat ollu viisses jurdagat ja sii háliidit leat mielde iešguđet servošiin. Sávan, ahte prošeavttain ordnejuvvon nuoraid eahkediid ánssus maiddái nuoraid identiteahtat šaddet nannosabbon, muitala Irene Fofonoff.
Prošeavtta doaibma ordnejuvvo sámenuoraid sávaldagaid vuođul. Prošeavtta vuosttas muttus ollašuhttui jearahallan, mainna kártejuvvojedje nuoraid sávaldagat sámegielat astoáiggedoaimmas. Sávaldagain deattuhuvvojedje árbedieđu sirdáseapmi, lihkadeapmi ja olgolihkadeapmi. Dát ja ollu eará doaimmat leat dieđus miehtá sámeguovllu. Dasa lassin bargi oassálastá nuoraid eahkediidda sámenuoraid gáiddusnuoraidlanjadagas Discordis. Gáiddusnuoraidlanjadaga birra sáhttá lohkat lasi dáppe.
Prošeavtta doaimma sáhttá čuovvut sosiála medias prošeavtta Instagram-siidduin, Snapchatas, TikTokas ja Whatsapp-kanálas. Doaimmas addit dieđu maiddái nuoraidráđi sosiála mediain.
De!2-sámegielat nuoraidbarggu ovddideapmi sámeguovllu gielddain-prošeavttas ovddidit sámegielat ja -kultuvrii heivehuvvon nuoraidbarggu sámeguovllu gielddain. Prošeavtta ovttasbargoguoibmin leat sámeguovllu gielddaid lassin Sámi oahpahusguovddáš ja Nuoraidguovddáš Vasatokka. Sámedikki nuoraidráđđi lea ožžon nuoraidbarggu ovddidanprošektii 55 000 € ruhtadeami Lappi Guovlohálddahusdoaimmahagas. Prošeaktaáigodat lea jagi 2026 lohppii.
Instagram: de_astoaiggedoaibma
Snapchat: de_astoaigge
Tiktok: de_astoaiggedoaibma
Whatsapp-kanála: de_astoaiggedoaibma
Lassedieđut:
Irene Fofonoff
De!2-prošeavtta prošeaktabargi
irene.fofonoff(a)samediggi.fi
tel. 044 902 8615
Saana Aikio
vs. nuoraidčálli
saana.aikio(a)samediggi.fi
tel. 044 494 6200
Oahpásmuva maiddái
Nuoraidráđi lahtuid ohcan doaibmabadjái 2026-2027 lea álgán!
Leatgo beroštuvvan váikkuhit sámenuoraid áššiide? Sámedikki nuoraidráđi ođđa doaibmabadji álgá jagi 2026 álggus ja loahppa jagi áigge ohcat mii ođđa movttáskan nuoraid mielde čuovvovaš guovttejagášbadjái.
Sámenuoraid konferánssa resolušuvdna: “ Mis lea riekti boahtteáigái ja dat galgá leat min lágan”.
“Mii sámenuorat háliidit ja leat beroštuvvan oahppat sámegiela ja sirdit dan čuovvovaš sohkabuolvvaide ja doalahit árbedieđu. Ná sámekultuvra seailu ealli kultuvran. Árbediehtu ii leat juoga maid mii geahččat olggobealde, dat gullá midjiide sámiide ja lea lunddolaš oassi mis."
Sámenuoraid konferánsa ordnejuvvo Anáris 14.-15.8.2025
Konferánssa fáddán lea árbevirolaš diehtu ja dan lahkonit servoša resurssa geahččanguovllus.
Sámediggi ohcá mearreáigásaš prošeaktabargi nuoraidráđi De! 2 -fidnui
Sámediggi almmuha ohcan láhkai mearreáigásaš prošeaktabargi doaimma nuoraidráđi De! 2- sámegielat nuoraidbarggu ovddideapmi sámeguovllu gielddain -fidnui.
Sámediggi ohcá allaskuvlahárjehalli
Sámediggi almmuha ohcanláhkai allaskuvlahárjehalli báikki. Bargu álgá soahpamuša mielde geassemánus 2025. Hárjehallan bistá 3 mb. Barggus lea gáiddusbarganvejolašvuohta.
Nuoraidráđi sátnejođiheaddjin Rosa-Máren Juuso ja várresátnejođiheaddjin Niila-Juhán Valkeapää
Nuoraidráđi sátnejođiheaddjin joatká Rosa-Máren Juuso ja várresátnejođiheaddjin válljejuvvui Niila-Juhán Valkeapää. Nuoraidráđi áššedovdin válljejuvvojedje Leo Vilmunen, Nuppu-Maaria Näkkäläjärvi, Nils-Matti Juuso, Niiles Harlin ja Heta Sieppi.
Sámenuorat sávvet servvoštallama ja sámegielat doaimmaid – De! 2 -prošeavtta gažademiin kártejuvvojedje nuoraid sávaldagat astoáiggedoaimma birra
De! 2 -prošeavttas kártejuvvojedje nuoraid sávaldagat sámegielat astoáiggedoaimma birra. Gažadeami vuođul nuorat sávvet eanemusat nuoraid sámegielat eahkediid ja servvoštallama eará sámenuoraiguin. Sámenuoraid miela miel áššit gažadeami vuođul ledje lihkadeapmi, árbevirolaš dáiddut ja olgun lihkadeapmi. Stuorámus oassi gažadeapmái vástidan olbmuin sávvá, ahte doaimmat livčče sin iežaset ruovttugiliin.
Sámedikki nuoraidráđđi ohcá áššedovdilahtuid!
Leatgo 15-17 jahkásaš sámenuorra? Hálidatgo beassat váikkuhit sámenuoraid áššiide ja oahpasmuvvat seammás eará sámenuoraide? Ohcat nuoraidráđi áššedovdilahttun aktiivvalaš sámeáššiin beroštuvan nuoraid miehtá Suoma.
Nuoraid sáhkavuorru Sámedikki ortniiduvvančoahkkimis ja nuoraidráđi nammadeapmi
De! 2-fitnu doaimmat johtui
Sámedikki ja sámeguovllu gielddaid oktasaš De! 2 -fidnu lea álgán.
Sámediggi ohcá mearreáigásaš prošeaktabargi nuoraidráđi De2! -fidnui
Prošeaktabargi bargun lea sámegielat ja kulturvuđot nuoraidbarggu ovddideapmi sámeguovllu gielddain prošeaktaplána mielde ovttas Sámedikki nuoraidráđiin ja fitnu stivrenjoavkkuin.
Nuoraidráđđi oassálasttii ON:id eamiálbmogiid bissovaš forumii
Sámedikki nuoraidráđi ságadoalli Rosa-Máren Juuso ja várreságadoalli Helmi Ljetoff oassálasttiiga ON:id eamiálbmogiid bissovaš forumii (UNPFII) New Yorkas. Foruma 23. čoahkkima temán lei eamiálbmogiid iešmearridanvuoigatvuođa nannen ON:id eamiálbmogiid vuoigatvuođaid guoski julggaštusa oktavuođas: eamiálbmogiid nuoraid jiena deattuheapmi.
Nuoraidráđi ságajođiheaddjit leat válljejuvvon
Sámedikki nuoraidráđi ságajođiheaddjin válljejuvvui Rosa-Máren Juuso Gárasavvonis ja várreságajođiheaddjin Helmi Ljetoff Helssegis.
Nuoraidráđđi doaibmabadjái 2024-2025 ásahuvvon
Sámedikki čoahkkin ásahii nuoraidráđi doaibmabadjái 2024-2025 čoahkkimisttis 30.1.2024.