Sámenuoraid vahkkoloahppaleaira 8.-10.5.2026 Vasatokkas

Sámedikki De!2-prošeakta ja Nuoraidráđđi ja maid Duottar-Lappi Duodjebusse-prošeakta (Sámi Duodji ry) lágidit vahkkoloahppaleairra 13–20-jahkásaš sámenuoraide Anára Rivdolis, Vasatokkas, 8.–10.5.2026. Mii ordnet Nuoraide sáhtuid ovttasráđiid gielddaiguin. Prográmma álgá bearjadaga sullii dii. 18 ja nohká sotnabeaivve iđitbeaivve. Leaira lea nuvttá. Oassálastiidmearri lea rájálaš, de dieđit iežat johtilit mielde! 

Lávvordaga iđitbeaivve leat guokte sierra bargobáji, main sáhttá válljet: ”Hutkat boares duojis ođđalágana” -ođđasit ávkkástallama bádji dahje mohtorgielkká divvun. Ođđasit ávkkástallama bájis beasat bargat iežat muhtun boares duojis, gávtti oasis jna juoidá ođđalágana. Ođđasit ávkkástallama báji buvttadeamit oassálastet gilvui buoremus ođđasit ávkkástallama ideas ja vuoiti oažžu bálkkašumi! Mohtorgielkkáid divvuma bargobáji sisdoallu dárkkálmuvvá vel maŋŋelabbos.  

Eahketbeaivve lea oktasaš lihkadanaktivitehta Vasatokka máŋggabealat sajiin. Dán maŋŋá sáhtát fas válljet guovtti bargobájis: rievssaha gárduma oahpahallan dahje dárbbašlaš duodjedáiddut ja modeartna gávtti plánen. Eahkes leat somás gilvvut ”Stuorrameašttir goes Sápmi” -temáin ja dolastallan. 

Buresboahtin mielde! Leairra prográmma lea plánejuvvon dan láhkai, ahte sáhtát oassálastit aiddo dakkárin, go don leat. Oassi mis hállá eanet ja oassi liiko čuovvut jaska bálddas. Nuppit háleštallet millosabbot smávva joavkkuin. Oassái lea dehálaš oahpásmuvvat ođđa olbmuide. Nuppit oassálastet millosepmosit prográmmii ja vulget duđavažžan ruovttoluotta ruoktot ođđa skihpáriid haga. Buotlágan nuoraide lea sadji. Leairras geavahuvvojit sámegielat ja suomagiella oassálastiid mielde. Sámegiela máhttu ii leat vealtameahttun. 

Idjadeapmi lea juhkkojuvvon lanjain. Leairras eai geavahuvvo gárrenávdnasat. Dieđiheapmi lea rabas 15.-23.4.2026. Dieđit iežat mielde dás: https://link.webropolsurveys.com/S/53486C5EF6C90C0A  

Lassedieđut leairras:

De!2-prošeaktabargi

Irene Fofonoff

044 902 8615

irene.fofonoff@samediggi.fi.