Lilja Ljetoff

Mun lam Lilja Ljetoff, Meed Kaurrâl Niilo Kauko Lilja, já aasâm sehe lam vuálgus Čevetjäävrist.

Mun halijdim fáárun nuorâirááđán, vâi addiiččim pyerebeht já puávtáččim vaiguttiđ sämmilijd kyeskee aššijd. Muu uábbi lâi jesânin jo ovdil ko jieš uuccim já toimâ oroi mielâkiddiivâžžân.

Mun tuáivuččim, et nuorâirääđi puávtáččij ain ovddiist eenâb pyehtiđ säminuorâid oohtân já vaiguttiđ positivlávt haalun pissoođ Säämist já maccâđ tohon. Nuorâirääđi luhostui om. Dihtosis-haavâ peht tuálvuđ lase sämitiäđu väldiaalmug koskâvuotân ovdâmerkkân škovlâkolliimijguin já meetoodpaakâ vievâst. Tiäđulâšvuođâ peht mun tuáivum, et luhostup kepidiđ sämmilij kuáhtám raasism já kivsedem.

Mun lam movtijdum já halijdiččim vaiguttiđ enâmustáá luándu maaŋgâhámásâšvuođâ turviimân nuuvt luándu ko meid sämikulttuur já iäláttâsâi suojâlem tiet. Muu kiäsut meid sämitiäđu lasettem já ton peht raasism já vajesaavâ kepidem.

Jiem määti ollágin ettâđ, et kost uáinám jieččân 20 ive keččin, mut mun tuáivum, et ääših ovdâmerkkân sämisiärváduv tâi šoŋŋâduv tááhust iä liččii innig siämmáá hyeneeht ko tääl, já tot ij tovâttiččii siämmáálágán vädisvuođâid. Halijdiččim vissâ meid jurdâččiđ, et porgâččim monnii náál nuorttâlâškieláin.

Muu ovdâkoveh láá oovdeb máttáátteijeeh, sehe enâmustáá jieččân uábih.

Muu mielâiveääigih láá toh puoh, já fiettejim tom kieskâd ko ožžum oppeet uáiniđ Säämist orodijnân ubâ ive kiärdu.

Ohtâ muu mielâkiirjijn lii Pienen hauen pyydystys.

Tuáimá nuorâirääđi  värijesânin toimâmpaje 2024-2025 ääigi.