Saana Aikio
Mun lam Saana Aikio, Kááijá Juusi Heeihâ Aanti Saana Ijjäävrist. Mun lam haldâttâhtiettui maisteruáppee, vuálgus Avelist, já tááláá mun aasâm Oulust. Rijjâääigi mun kuálástâm, miäcástâm, speelâm kirdempáálu já viätám uáppee-eellim.
Mun uuccim nuorâirááđán, tondiet ko lam movtijdum ohtsâškodálii vaaigutmist, politikist já almolávt sämiaašijn, sämmilij vuoigâdvuođâin já kulttuur ovdedempargoost.
Mun tuáivum eromâšávt, et nuorâirääđi luhostuuččij ovdediđ säminuorâi mielâtiervâsvuotâpalvâlusâi finnimvuođâ tâi juksâmvuođâ já lasettiđ oovtâstpargo jieškote-uv táhuiguin. Mun lam kuittâg ilolâš jo tááláá oovtâstpargoost já tehálijn eres pargoin maid nuorâirääđi parga. Mun lam movtijdum eromâšávt lahâ-, vuoigâdvuotâ- já šoŋŋâdâhaašijn.
Mun tuáivum, et 20 ive keččin mun čokkáám päikkijäävri riddoost luholâžžân iiđeedkäähvi juhâmin.
Muu motto: Jis ij iirât, te ij vyeiti
Muu ovdâkoveh láá eeči já ákku
Muu mielâiveäigi lii kiđđâ
Tuáimá nuorâirääđi jesânin toimâmpaje 2024-2025 ääigi.
Uáppáásm meid
Helmi Ljetoff
Mihku Andaras Näkkäläjärvi
Tiia-Káren Alakorva
Niiles Ánde Harlin
Rosa-Máren Juuso
Hans Ravna-Pieski
Uula Jouste
Marielle Näkkäläjärvi
Lilja Ljetoff
Heta Sieppi
Maria Mäkinen
Sárá-Márjá Keskitalo
Niila-Juhán Valkeapää
Leo Vilmunen