Šadda-uv tust seksitiettee?

0%

1. Seksuallâšvuotâ lii luándulâš

Olmânáál! Puástud!

Olmâ vástádâs: a. Seksuallâšvuotâ lii luándulâš uási puohahasij ulmui elimist váávást puárásáid. Tot tiättoo já ulmuuh olášuteh tom sierânáál jieškođe-uv avveest, mut tot lii ubâ eellim ääigi kuávdáš uási ulmuu elimist.

2. Juáhhást lii vuoigâdvuotâ meridiđ jieijâs seksuallâšvuođâst já tast, maht tom olášut

Olmânáál! Puástud!

Olmâ vástádâs: b. Juáhhást lii vuoigâdvuotâ meridiđ jieijâs seksuallâšvuođâst já tast, maht tom olášut, mut kuittâg nuuvt, et kihheen ij uážu luávkkáđ eres ulmui seksuallii já rumâšlii kuoskâmettumvuođâ já laavâ.

3. Tot magarin roppâ rávásmemavveest ovdán

Olmânáál! Puástud!

Olmâ vástádâs: d. Juáháš ovdán rávásmemavveest jieijâs liävttoin ige tom pyevti jođálmittiđ tâi hitodiđ. Juáhháá roppâ lii jieijâslágán já pyeri tagarin ige ovdâmerkkân roopâ tâi roopâ osij stuárudâh, häämi tâi olgohäämi vaaigut toos, maht olmooš puáhtá navdâšiđ seksuallâšvuođâst.

4. Šiev siärvástâllâmkoskâvuotân kulá

Olmânáál! Puástud!

Olmâ vástádâs: b. Siärvástâllâđ pyehtih puohah maht halijdeh, mut nuuvt, et oovtâst orroom lii vuovâs kuábážân-uv. Siärvástâlmân ij ain kuulâ seksi – ovdâmerkkân talle, jis kuábáš peri ij haalijd tom. Meid káiduskoskâvuođâst puáhtá siärvástâllâđ. Kannat jurdâččiđ siärvástâllâmkoskâvuođâ lopâttem, jis tast ij šoodâ pyeri mielâ, mut atâštem tâi palo jieijâs torvolâšvuođâ peeleest.

5. Tobdoin sárnum

Olmânáál! Puástud!

Olmâ vástádâs: c. Juáháš puáhtá oppâđ sárnuđ jieijâs tobdoin. Tobdoin sárnum lii tehálâš nuuvt ustevij ko rähistum ulmui kooskâ. Tot keeppid puástuibárdâsâid já iššeed ulmuid oppâđ tubdâđ nubijdis já jieijâs jurduid pyerebeht.

6. Seksuallâš sundâšume

Olmânáál! Puástud!

Olmâ vástádâs: c. Seksuallâš sundâšume lii ulmuu jiešvuotâ, moos olmooš ij pyevti jieš vaiguttiđ já mii sáttá muttuđ eellim ääigi. Puoh ulmuuh láá koskânis täsiárvusiih tast huolâhánnáá, mii seksuallâš sundâšume lii.

7. Seksitaavdah

Olmânáál! Puástud!

Olmâ vástádâs: b. Seksitaavdah pyehtih leđe kuhháá-uv merhâittáá iäge veltihánnáá oinuu čolmijguin. Ko tavdâmeerhah iteh, te toh sättih tiettuđ jieškođe-uv saajeest roopâst, iä tuše suhâpeliorgaanij kuávlust. Toh sättih njuámmuđ njälmiseeksi, iämádâhonâččem tâi aanaalonâččem ääigi. Kondom já njälmiseksisyeji láá áinooh vyevih, moh estih toi njuámmum ulmust nuubán. Seksitaavdah väätih ain tuáhtárist eellim.

8. Čuávjum lii ain máhđulâš

Olmânáál! Puástud!

Olmâ vástádâs: c. Čuávjuđ puáhtá tuše, jis vorâs siemâkolgos piäsá nissoon iämádâhân. Tot lii máhđulâš jyehi iämádâhonâččem ääigi, jis estim ij kevttuu.

9. Jieštuđâttem

Olmânáál! Puástud!

Olmâ vástádâs: a. Puohahasiih pyehtih tuđâttiđ jieijâs, sehe ohtuu orroo já parâkoskâvuođâst orroo ulmuuh, já tot lii šiev vyehi uápásmuđ jieijâs roopân já seksuallâšvuotân. Tast iä šoodâ magarehkin hemâdâsah, jis ana huolâ hygieniast ige vahâgit suhâpeliorgaanijd pastelis tâi tuolvâ tiŋgâiguin. Jieštuuđâtmist sáttá leđe muásudittee tâi nube tááhust virkosmittee vaiguttâs. Tom kalga kuittâg porgâđ ain jieijâs ráávhust nuuvt et tot ij heemâd eres ulmuid.

10. Seksistiäluh

Olmânáál! Puástud!

Olmâ vástádâs: c. Seeksist ij lah tehálâš haldâšiđ jieškote-uvlágán stiäluid, pic tehálâš lii tot, magarin seksi tobdoo. Iä lah olmâ teikkâ puástu stiäluh. Vuovâs stiäluid puáhtá keččâliđ jieijâs kuoimijn já viekkiistâllâđ, magareh šiev tâi hyenes peleh mon-uv stiälust láá. Jieškote-uvlágán puácuvuođah tâi vaveh sättih vaiguttiđ toos, magareh stiäluh láá máhđuliih tâi oroh vuohâsin.

Šadda-uv tust seksitiettee?
IRÂTTIH KUITTÂG!
Tun tiäđáh jo maidnii seksuallâšvuođâst, mut kannat luuhâđ tast vala lase. Tot lii kuávdáš uási mii puohâi elimist, já seksualtiervâsvuotâ lii stuorrâ uási mii pyereestvajemist.
PYERI!
Pyereest porgum! Jis halijdah, te tun puávtáh tevdiđ teestâ uđđâsist já keččâliđ finniđ vala aaleeb čuággáid. Seksuallâšvuotâ lii uáli maaŋgâpiäláág äšši já toos lohtâseh ennuv olmooškoskâvuotân, tiervâsvuotân, roopân já etiikan kyeskee ääših. Láá ennuv ääših, maid máttááttâllâđ já hundâruššâđ ubâ eellimave ääigi!
WAU!
Tunba tiettih ennuv! Seksuallâšvuotâ lii fáárust mii ubâ eellim ääigi já nubástut ohtânmaanoost häämis. Nuuvtpa kannat-uv moovtâ tutkâđ ääši, luuhâđ lase já smiettâđ seksuallâšvuođâ oovtâst ustevijguin ubâ eellim čoođâ.