Rievttes vástádus: a. Seksuálavuohta lea lunddolaš oassi buotahkásaš olbmuin njuoratmánás boares olbmuide. Dat dihtto ja dat ollašuhttojuvvo iešguđet agis sierra vuogi mielde, muhto dat lea oba eallima áigge olmmošvuođa mávssolaš oassi.

Rievttes vástádus: b. Juohkeovttas lea vuoigatvuohta mearridit iežas seksuálavuođas ja das, mot dan ollašuhttá, goitge nu, ahte oktage ii oaččo loavkidit nuppi olbmuid seksuála ja rumašlaš guoskameahttunvuođa ja lága.

Rievttes vástádus: d. Juohkeokta ahtanuššá rávásnuvvanagis iežas leahtu mielde iige dan sáhte jođálnuhttit dehe njoazidit. Juohkeovtta gorut lea iežaslágán ja buorre dakkáražžan eaige ovdamearkka dihte goruda dehe goruda osiid sturrodat, hápmi dehe olgguldas hápmi váikkut návccaide návddašit iežas seksuálavuođas.

Rievttes vástádus: b. Servvoštallat sáhttá juohkeokta iežas vuogi mielde, muhto nu, ahte ovttasorrun orru goappašiid mielas buorre. Servvoštallamii ii álot gula seaksa – ovdamearkka dihte dalle, juos juobbágoabbá ii dan hálit. Maiddái gáiddusgaskavuođas sáhttá servvoštallat. Servvoštallangaskavuođa heaitima gánnáha árvvoštallat, juos dat ii buvtte buori miela, muhto áŧestusa dehe balu iežas dorvvolašvuođas.

Rievttes vástádus: c. Juohkeokta sáhttá oahppat hupmat dovdduinis. Dovdduin hupman lea dehálaš ustitvuohta- go ráhkisvuohtagaskavuođain. Dat unnida boasttoipmárdusaid ja veahkeha olbmuid oahppat dovdat guhtet guimmiideaset ja iežas buorebut.

Rievttes vástádus: c. Seksuála orientašuvdna lea olbmo iešvuohta, masa olmmoš ii sáhte ieš váikkuhit ja mii sáhttá earáhuvvat eallináigge. Visot olbmot leat gaskaneaset dásseárvosaččat fuolakeahttá seksuála orientašuvnnas.

Rievttes vástádus: b. Seaksadávddat sáhttet leat guhkánai dávdamearkkaheamit eaige vealttakeahttá oidno bajil. Go dain leat dávdamearkkat, de dat sáhttet oidnot goruda sierra sajiin, eai dušše heahpadiin. Dat sáhttet njoammut njálbmeseaksas, cinneanašeamis sihke análaanašeamis. Duššefal kondoma ja njálbmeseaksasuodji cagget daid njoammuma olbmos nubbái. Seaksadávddat gáibidit álot doaktáris fitnama.

Rievttes vástádus: c. Áhpeheapmin sáhttá šaddat dušše, juos varas siepmangolggus beassá nissona cinnái. Dat lea vejolaš juohke cinneanašeamis, mas ii geavahuvvo prevenšuvdna.

Rievttes vástádus: a. Iešduhtadeami sáhttet bargat buotahkásaččat, sihke oktonas olbmot ja dat, geat leat bárragaskavuođas, ja dat lea buorre vuohki oahpásnuvvat iežas gorudii ja seksuálavuhtii. Das ii šatta mihkkege áruid, juos atná fuola hygieniijas iige vaháguhte heahpadiid bastilis dehe duolva biergasiiguin. iešduhtadeamis sáhttá leat lotkkodahtti váikkuhus dehe nuppe dáfus sáhttá addit energiija. Dan ferte goitge dahkat álohii iežas ráfis nu ahte das ii šatta árru eará olbmuide.

Rievttes vástádus: c. Seaksas ii leat dehálaš hálddašit iešguđetlágán stellelmasaid, muhto dehálaš lea dat, mot seaksa orru. Eai leat leame rievttes dehe boasttostellelmasat. Somás stellelmasaid sáhttá geahččalit ovttas iežas guimmiin ja geahččaladdat, mii buriid dehe heittogiid mange stellelmasas lea. Iešguđetlágán buozalmasat dehe váttut sáhttet váikkuhit dasa, mat stellelmasaid leat vejolaččat dehe orrot leame buorit.