Sámenuoraid dáiddadáhpáhus 2021
Dán jagáš dáhpáhus ordnejuvvo live streama bokte maŋŋebárgga miessemánu 18. beaivve.
Dáhpáhussii sáhttá oassálastit ohppiid iežaset filbmen oanehisfilmmaiguin. Filmmaid temán lea ”Mun lean čeahppi…”, ”Moai letne čeahpit…” dahje ”Mii leat čeahpit…”. Oassálastit fertejit joatkit bajilčállaga unnimustá ovttain sániin, ovdamearkka dihte ’Moai letne čeahpit dánsut’. Tema ii leat ráddjejuvvon dárkilabbot, muhto videot galget leat sámegillii ja muitalit sámemánáid- ja nuoraid eallimis. Skuvllat oassálastet ja čuvvot dáhpáhusa streama bokte.
Dáhpáhusas válljejuvvojit sámenuoraid ovddasteaddjit riikaviidosaš Nuorra Kultuvra -festiválii, mii lágiduvvo gáiddusin miessemánu loahpas. Oassálastiin lea maid vejolašvuohta oažžut iežaset filmmaid oassin Skábmagovat -festivála mánáid ja nuoraid beaivve. Nuori Kulttuuri –festivála: https://nuorikulttuuri.fi/festival/
Lassedieđut:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132
Dáhpáhusa fáddágilgorat: #dáiddadáhpahus, #taaiđâtábáhtus, #čeaäppvuõđpeeiv ja #sntaidetapahtuma.