Boahttevaš eanangoddelávas váldojuvvojit eret Jiekŋameara ruovdemáđidjii guoski merkejumit

Nuoraidráđđi illuda Lappi lihtu váldostivrra mearrádusas máhcahit Davvi-Lappi eanangoddeláva 2040 ođđasit válmmaštallamii. Boahttevaš eanangoddelávas váldojuvvojit eret Jiekŋameara ruovdemáđidjii guoski merkejumit.

Nuoraidráđđi lea buktán máŋggain oktavuođain ovdan Jiekŋameara ruovddemáđija vahágahtti váikkuhusaid sámekultuvrii, árbevirolaš ealáhusaide ja lundui. Nuoraidráđđi gávnnahii 10.5.2019, ahte Jiekŋamearamáđidja áitá sámenuoraid boahttevuođa.

 

– Min miella lea geahppánan, go gulaimet, ahte Jiekŋameara ruovdemáđidjii guoski merkejumit sihkkojuvvojit eret eanangoddelávas. Mearrádus nanne sámenuoraid vejolašvuođaid doaibmat árbevirolaš ealáhusaiguin ja doalahit iežaset giela ja kultuvrra, gávnnaha nuoraidráđi lahttu Jussa Seurujärvi.

Lappi lihtu váldostivra mearridii miessemánu 17. beaivve máhcahit Davvi-Lappi eanangoddeláva válmmaštallamii. Váldostivra mearridii áššis jienaiguin 43-3. Mearrádusa mielde Jiekŋameara ruovdemáđidjii guoski merkejumit sihkkojuvvojit eret boahttevaš eanangoddelávas.  Mearrádusa vuođul sámenuorat dustet geahččat boahttevuhtii ja ealáhusaid, gielaid ja kultuvrra joatkašuvvan orru čuovgadeabbo.

 

 

Lassedieđut: 

Anni-Sofia Niittyvuopio

Nuoraidráđi sátnejođiheaddji

tlf. 040 7082 072

anni-sofia.niittyvuopio(at)samediggi.fi

 


Oahpásmuva maiddái