Sátnejođiheddjiid gažadandiibmu joavkochatas

Nuoraidráđđi lágida vuosttaš geardde historjjás sátnejođiheddjiid gažadandiimmu, mas nuorat ieža leat jearadeame. Sámedikki sátnejođiheaddjit Tuomas Aslak Juuso, Anni Koivisto ja Leo Aikio illosedje oaččodettiineaset bovdehusa. – Lea somá oažžut dákkár vejolašvuođa beassat ságastallat njuolga sámenuoraiguin ođđalágan kanála bokte, sii kommenterejit boahttevaš dáhpáhusa.

Joavkochat lágiduvvo 9.6.2020 dmu 18-19 golmma sámegillii. -Nuorat leat ovdagovat máŋggasámegielatvuođas ovdamearkka dihte sámenuoraid dáiddadáhpáhusa ja Sohkaršohka bokte. Lea buorre, ahte sámenuorat hástalit min ipmirdit ja doaibmat juohke sámegillii roahkkadit, sátnejođiheaddjit gávnnahit. Joavkochat gávdno siidduid DU SEARVVUŠ -oasis ja neahttasiidduid buot giellaveršuvnnain ovdasiidui boahtá liŋka, mii doalvu chatii.

Nuor.fi -siiddut leat gárgehuvvon oassin DigiÁrran-fitnus, man ulbmil lea ovddidit sámegielat, sámenuoraide oaivvilduvvon diehto- ja rávvenbálvalusa ja digitála nuoraidbarggu. Fitnu ruhtada Lappi guovlohálddahusvirgedoaimmahat, nuoraidráđđi ja Sámedikki skuvlen- ja oahppamateriáladoaimmahat.

 

Lassedieđut:

 

Tuomas Aslak Juuso

Sátnejođiheaddji

tel. 040 594 5060

tuomas.juuso(at)samediggi.fi

 

Anni Koivisto

I várresátnejođiheaddji

tel. 040 594 5060

anni.koivisto(at)samediggi.fi

 

Leo Aikio

II várresátnejođiheaddji

tel. 040 594 5060

leo.aikio(at)samediggi.fi

 

Elli-Marja Hetta

Vs. nuoraidčálli

tel. 050 382 5179

elli-marja.hetta(at)samediggi.fi


Oahpásmuva maiddái