De!2-haavâ toimâ juátkoo
Sämitige já sämikuávlu kieldâi ohtsâš De!2-haahâ juátká tooimâs.
Haavâ uđđâ pargen lii väljejum Čevetjávrálâš sosionoom Irene Fofonoff. Pargee pargon lii sämikielâlii já sämikulttuurân vuáđuduvvee nuorâipargo ovdedem sämikuávlu kieldâin hahâvuávám mield oovtâst Sämitige nuorâirađđijn já haavâ stivrimjuávhoin.
-Must láá hárjánem nuorâiguin porgâmist já mun vuárdám-uv moovtâ, ete mun uážžum teivâđ jieškote-uv ahasijd nuorâid sämikuávlust. Nuorâin láá ennuv vijses jurduuh sehe haalu leđe uásálâžžân sierâ siärváduvâin. Mun tuáivum, ete haavâ ornim nuorâiehidij mield meid nuorâi identiteeteh nanosmuveh, muštâl Irene Fofonoff.
Haavâ toimâ uárnejuvvoo säminuorâi tuoivui mield. Haavâ vuossâmuu muddoost olášuttui koijâdâllâm, mast kärttejuvvojii nuorâi tuoivuuh sämikielâlii astoäigitooimâst. Tuoivuin tiäduttii ärbitiäđu sirdâšum, lihâdem já olgonlihâdem. Taah já ennuv eenâb láá puátimin pirrâ sämikuávlu. Lasseen pargee siärvá nuorâiehidáid säminuorâi káidusnuorâisaajeest Discordist. Káidusnuorâisaajeest tun puávtáh luuhâđ lase taa.
Haavâ tooimâ puáhtá čuávvuđ sosiaallii mediast haavâ Instagram-siijđoin, Snapchatist, TikTokist já Whatsapp-kanavast. Tieđettep tooimâst meid nuorâirääđi sosiaallijn mediain.
De!2-sämikielâlii nuorâipargo ovdedem sämikuávlu kieldâin -haavâst ovdeduvvoo sämikielâlâš já sämikulttuurân vuáđuduvvee nuorâipargo sämikuávlu kieldâin. Haavâ oovtâstpargokyeimin láá sämikuávlu kieldâi lasseen Säämi máttááttâskuávdáš já Nuorâikuávdáš Vasatokka. Sämitige nuorâirääđi lii finnim nuorâipargo ovdedemhaahân 55 000 € ruttâdem Laapi Kuávluhaldâttâhvirgáduvâst. Haahâ pištá ive 2026 loopâ räi.
Instagram: de_astoaiggedoaibma
Snapchat: de_astoaigge
Tiktok: de_astoaiggedoaibma
Whatsapp-kanava: de_astoaiggedoaibma
Lasetiäđuh:
Irene Fofonoff
De!2-haavâ proojeektpargee
irene.fofonoff(a)samediggi.fi
puh. 044 902 8615
Saana Aikio
vs. nuorâičällee
saana.aikio(a)samediggi.fi
puh. 044 494 6200
Uáppáásm meid
Nuorâirääđi jeessânuuccâm toimâpajan 2026-2027 lii álgám!
Kiäsut-uv säminuorâi aššijd vaikuttem tuu? Sämitige nuorâirääđi uđđâ toimâpaje álgá ive 2026 aalgâst já loppâive ääigi mij uuccâp uđđâ moovtâ nuorâid mieldi puáttee kyevti ive pajan.
Säminuorâi konferens almosciälkkámuš: “Mist lii vuoigâdvuotâ puátteevuotân já tot kalga leđe mii nálásâš”.
“Mist säminuorâin lii haalu já perustume oppâđ sämikielâ já sirdeđ tom čuávvoo suhâpuolváid sehe siäiluttiđ ärbivuáválii tiäđu. Návt sämikulttuur siäilu ellen. Ärbivuáválâš tiätu ij lah miinii, maid mij keččâp ulguubeln, tot kulá mijjân sämmilijd já lii luándulâš uási mist."
Säminuorâi konferens uárnejuvvoo Anarist 14.-15.8.2025
Konferens teeman lii ärbivuáválâš tiätu já tot kiäččoo siärváduv vyeimivääri uáinust.
Sämitigge ocá meriáigásii proojeektpargee nuorâirääđi De! 2 -haahân
Sämitigge almoot uuccâmnáál meriáigásii proojeektpargee tooimâ nuorâirääđi De! 2- sämikielâlii nuorâipargo ovdedem sämikuávlu kieldâin -haahân.
Sämitigge ocá ollâškovlâhárjuttellee
Sämitigge almoot uuccâmnáál ollâškovlâhárjuttellee saje. Pargo álgá sopâmuš mield kesimáánust 2025. Hárjuttâllâm pištá 3 mp. Pargoost lii máhđulâš porgâđ káidusin.
Nuorâirääđi saavâjođetteijen Rosa-Máren Juuso já värisaavâjođetteijen Niila-Juhán Valkeapää
Nuorâirääđi saavâjođetteijen juátká Rosa-Máren Juuso já värisaavâjođetteijen väljejui Niila-Juhán Valkeapää.Nuorâirääđi äššitobden väljejuvvojii Leo Vilmunen, Nuppu-Maaria Näkkäläjärvi, Nils-Matti Juuso, Niiles Harlin ja Heta Sieppi.
Säminuorah tuáivuh oovtâst orroom já sämikielâlii tooimâ – De2-haavâ koijâdâllâm vievâst kärttejuvvojii nuorâi tuoivuuh astoäigitooimâst
De2!-haavâst kärttejuvvojii nuorâi tuoivuuh sämikielâlii astoäigitooimâ háárán. Koijâdâllâm vuáđuld nuorah tuáivuh enâmustáá sämikielâlijd nuorâiehidijd já oovtâst orroom eres säminuorâiguin. Säminuorâid kiäsutteh koijâdâllâm vuáđuld lihâdem, ärbivuáváliih tááiđuh já olgonlihâdem. Iänááš uási koijâdâlmân västidâm nuorâin tuáivuh, ete toimâ uárnejuuččij sii jieijâs päikkikylást.
Sämitige nuorâirääđi ocá äššitobdeejesânijd!
Lah-uv 15-17 ihásâš säminuorâ? Halijdah-uv peessâđ vaiguttiđ säminuorâi aššijd já uápásmuđ já viärmádâttâđ eres säminuoráid? Mij uuccâp nuorâirääđi äššitobden aktiivlijd sämiaašijn perustum nuorâid pirrâ Suomâ.
Nuorâi sahâvuáru Sämitige ornijdemčuákkimist já nuorâirääđi nomâttem
Ornijdemčuákkimist nuorâi sahâvuáru tooláin nuorâirääđi valjim ovdâsteijeeh Rosa-Máren Juuso Iänuduvâst já Mihku Näkkäläjärvi Anarist.
De! 2-haavâ toimâ vuálgá joton
Sämitige já sämikuávlu kieldâi ohtsâš De! 2 -haavâ lii algâttâm tooimâs.
Sämitigge ocá meriáigásii proojeektpargee nuorâirääđi De!2 -haahân
Proojeektpargee pargon lii sämikielâlii- já kulttuurmiäldásii nuorâipargo ovdedem sämikuávlu kieldâin hahâvuávám mield oovtâst Sämitige nuorâiraađijn já haavâ stivrimjuávhoin.
Nuorâirääđi uásálistij OA algâaalmugij pisováá foorumân
Sämitige nuorâirääđi saavâjođetteijee Rosa-Máren Juuso já värisaavâjođetteijee Helmi Ljetoff uásálistijn OA algâaalmugij pisováá foorumân (UNPFII) New Yorkist. Foorum 23. čuákkim teeman lii algâaalmugij jiešmeridemvuoigâdvuođâ nanodem OA algâaalmugij vuoigâdvuođáid kyeskee julgáštus ohtâvuođâst: algâaalmugij nuorâi jienâ tiäduttem.
Nuorâirääđi saavâjođetteijeeh väljejum
Sämitige nuorâirääđi saavâjođetteijen väljejui Rosa-Máren Juuso Käresavonist já värisaavâjođetteijen Helmi Ljetoff Helsigist.
Nuorâirääđi toimâpajan 2024-2025 lii asâttum
Sämitige čuákkim asâttij nuorâirääđi toimâpajan 2024-2025 čuákkimistis 30.1.2024.