Helmi Ljetoff

Mun lean Njõlljook Miklai Kaurrâʹl Helmi, Helmi Ljetoff ja lean 19 jagi.  Lean álgoálggus eret Čeavetjávrris. Dán áigge ásan Vantaas bussáinan Sirkka-Liisain. Mun studeren dál goalmmát jagi Tikkurila logahagas IB-linnjás. Go gearggan skuvllas, háliidivččen lohkagoahtit Helssega universitehtas girjjálašvuođa dahje gielaid. Studeren maiddái nuortalašgiela Sámegielaid gáiddusoahpahusfidnus. Nuoraidráđđi lea lihkostuvvan bures ovdamearkka dihtii Dihtosis-fidnus ja lean das hui ilus. Fidnu bokte leat lihkostuvvan gilvit dieđuid sámiid ja sámekultuvrra birra eanetlogu siste. Lean maid ilolaš máŋggain ovttasbargguin iešguđetlágan politihkalaš ja ii-politihkalaš doaibmiiguin.

Boahttevuođas sávan eambbo rahčama dálkkádatrievdama vuostásaš doaimmain ja maiddái ođđa máŋggabealagis ovttasbargofidnuid. Nuoraidráđis oahppá ollu ja beassá vásihit máŋggalágan áššiid. Nuoraidráđis oahpásmuvvá eará sámenuoraiguin ja beassá dieđusge váikkuhit sihke báikkálaš ja našuvnnalaš dásis. Ávžžuhan nuoraidráđi lieggasit buohkaide. 

Jiellat jagiáigi: Álgočakča  

Doaibmá nuoraidráđi várreságadoalli.