Sámedikki nuoraidráđđi ja Riikabellodagaid nuoraidorganisašuvnnat: Sámediggeláhka galgá ođasmahttot dál
Sámedikki nuoraidráđđi, Demarinuoret, Kokoomusnuoret, Ruoná nuorat, Vasemmistonuoret, RÁB-nuorat, KD Nuoret ja Liike Nyt Nuoret gáibidit sámediggelága ođasmahttima ON:id olmmošriektekomitea geatnegahttima mielde.
Evttohus ođđa sámediggelágas ovdánišgoahtá oalle sihkkarit riikabeivviid gieđahallamii skábmamánus. Riikabellodagaid nuoraidorganisašuvnnat ja Sámedikki nuoraidráđđi gáibidit, ahte sámediggeláhka ođasmahtto dál, vai Suopma sáhttá divvut ON:id olmmošriektekomitea jagis 2019 gávnnahan olmmošriekteloavkideami. Olmmošriektekomitea lea gávnnahan, ahte Suopma lea loavkidan siviila- ja politihkalaš soahpamuša. Dasa lassin Suopma lea ožžon eará ávžžuhusaid mat gusket sámiid vuoigatvuođaide.
Olmmošriektekomitea lea váldán 1. cuoŋománu 2021 jođálmahtton čuovvuma vuollái ávžžuhusaid, mat gusket sámiid rivttiide. Komitea giddii fuomášumi erenomážit dasa, ahte sámediggelága jienastanmeroštallan ja ráđđádallangeatnegasvuohta eai leat rievdaduvvon dakkár vugiin, mii dorvvastivččii sámiid iešmearridanvuoigatvuođa.
“ON:id olmmošriektekomitea lea čielgasit geatnegahttán ođasmahttit Sámediggelága. Lea dehálaš, ahte gieskat ON:id olmmošriektekomiteai válljejuvvon Suopma čatnasa dorvvastit olmmošvuoigatvuođaid ollašuvvama maiddái iežas riikkas. Sámediggelága ođasmahttin dagašii viimmát vejolažžan sámiid rivttiid ovddideami servodaga máŋggain dásiin, dego sode-bálvalusaid, ealáhusaid sihke sámegielat ja sámegiela oahpahusa ovddideami”, riikabellodagaid nuoraidorganisašuvnnat fuomášuhttet.
Riikabellodagaid nuoraidorganisašuvnnat ja Sámedikki nuoraidráđđi deattuhit, ahte lága ođasmahttimis lea baicce stuorra mearkkašupmi ovttaskas olbmui ja sámiid olmmošrivttiid ollašuvvamii, maiddái sámiid luohttámuššii suopmelaš riektevuogádahkii ja mearrideapmái.
“Dálá láhka ii vástit dánáigásaš áddejumi eamiálbmogiid vuoigatvuođain. Lea viimmát áigi ođasmahttit lága, vai eavttut sámiid iešmearrideapmái ja giela ja kultuvrra seailumii ja ovdáneapmái ollašuvvet”, lohká Sámedikki nuoraidráđi ságajođiheaddji Anni-Sofia Niittyvuopio.
Láhkarievdadusa válmmaštallan doaibmagoddi evttoha láhkii máŋggaid dakkár rievdadusaid, mat ovddidit sápmelaččaid rivttiid. Evttohusas earret eará jienasteapmi álkiduvvošii, Sámedikki doaibmaeavttut nanusmahttošedje ja duođalaš váikkuhanvejolašvuohta doaibmabijuide, mat váikkuhit gillii ja kultuvrii, sihkkarastojuvvošedje. Sámediggeláhka nappo galgá ođasmahttot dál.
Anni-Sofia Niittyvuopio
Sámedikki nuoraidráđi ságajođiheaddji
+358 40 7082 072
anni-sofia.niittyvuopio(at)samediggi.fi
Pinja Perholehto
Demarinuoret -organisašuvnna ságajođiheaddji
+358 40 0596521
pinja.perholehto(at)demarinuoret.fi
Matias Pajula
Kokoomusnuoret -organisašuvnna ságajođiheaddji
+358 505 753 347
matias.pajula(at)kokoomusnuoret.fi
Brigita Krasniqi ja Peppi Seppälä
Ruoná nuoraid ságajođiheaddjit
+358 40 961 1330, +358 040 721 7912
puheenjohtajat(at)vihreatnuoret.fi
Liban Sheikh
Vasemmistonuoret-organisašuvnna ságajođiheaddji
+358 50 5019 721
Liban(at)vasemmistonuoret.fi
Frida Sigfrids
RÁB-nuoraid ságajođiheaddji
+358 40 5910 874
frida.sigfrids(at)su.fi
Annika Lyytikäinen
KD Nuoret-organisašuvnna ságajođiheaddji
+358 50 3123 037
annika.lyytikainen(at)kdnuoret.fi
Joel Kettula
Liike Nyt Nuoret -organisašuvnna ságajođiheaddji
+358 45 6337 843
joel.kettula(at)liikenyt.fi
Oahpásmuva maiddái
De!2-prošeavtta doaibma joatkašuvvá
Sámedikki ja sámeguovllu gielddaid oktasaš De!2-prošeakta joatká iežas doaimma.
Nuoraidráđi lahtuid ohcan doaibmabadjái 2026-2027 lea álgán!
Leatgo beroštuvvan váikkuhit sámenuoraid áššiide? Sámedikki nuoraidráđi ođđa doaibmabadji álgá jagi 2026 álggus ja loahppa jagi áigge ohcat mii ođđa movttáskan nuoraid mielde čuovvovaš guovttejagášbadjái.
Sámenuoraid konferánssa resolušuvdna: “ Mis lea riekti boahtteáigái ja dat galgá leat min lágan”.
“Mii sámenuorat háliidit ja leat beroštuvvan oahppat sámegiela ja sirdit dan čuovvovaš sohkabuolvvaide ja doalahit árbedieđu. Ná sámekultuvra seailu ealli kultuvran. Árbediehtu ii leat juoga maid mii geahččat olggobealde, dat gullá midjiide sámiide ja lea lunddolaš oassi mis."
Sámenuoraid konferánsa ordnejuvvo Anáris 14.-15.8.2025
Konferánssa fáddán lea árbevirolaš diehtu ja dan lahkonit servoša resurssa geahččanguovllus.
Sámediggi ohcá mearreáigásaš prošeaktabargi nuoraidráđi De! 2 -fidnui
Sámediggi almmuha ohcan láhkai mearreáigásaš prošeaktabargi doaimma nuoraidráđi De! 2- sámegielat nuoraidbarggu ovddideapmi sámeguovllu gielddain -fidnui.
Sámediggi ohcá allaskuvlahárjehalli
Sámediggi almmuha ohcanláhkai allaskuvlahárjehalli báikki. Bargu álgá soahpamuša mielde geassemánus 2025. Hárjehallan bistá 3 mb. Barggus lea gáiddusbarganvejolašvuohta.
Nuoraidráđi sátnejođiheaddjin Rosa-Máren Juuso ja várresátnejođiheaddjin Niila-Juhán Valkeapää
Nuoraidráđi sátnejođiheaddjin joatká Rosa-Máren Juuso ja várresátnejođiheaddjin válljejuvvui Niila-Juhán Valkeapää. Nuoraidráđi áššedovdin válljejuvvojedje Leo Vilmunen, Nuppu-Maaria Näkkäläjärvi, Nils-Matti Juuso, Niiles Harlin ja Heta Sieppi.
Sámenuorat sávvet servvoštallama ja sámegielat doaimmaid – De! 2 -prošeavtta gažademiin kártejuvvojedje nuoraid sávaldagat astoáiggedoaimma birra
De! 2 -prošeavttas kártejuvvojedje nuoraid sávaldagat sámegielat astoáiggedoaimma birra. Gažadeami vuođul nuorat sávvet eanemusat nuoraid sámegielat eahkediid ja servvoštallama eará sámenuoraiguin. Sámenuoraid miela miel áššit gažadeami vuođul ledje lihkadeapmi, árbevirolaš dáiddut ja olgun lihkadeapmi. Stuorámus oassi gažadeapmái vástidan olbmuin sávvá, ahte doaimmat livčče sin iežaset ruovttugiliin.
Sámedikki nuoraidráđđi ohcá áššedovdilahtuid!
Leatgo 15-17 jahkásaš sámenuorra? Hálidatgo beassat váikkuhit sámenuoraid áššiide ja oahpasmuvvat seammás eará sámenuoraide? Ohcat nuoraidráđi áššedovdilahttun aktiivvalaš sámeáššiin beroštuvan nuoraid miehtá Suoma.
Nuoraid sáhkavuorru Sámedikki ortniiduvvančoahkkimis ja nuoraidráđi nammadeapmi
De! 2-fitnu doaimmat johtui
Sámedikki ja sámeguovllu gielddaid oktasaš De! 2 -fidnu lea álgán.
Sámediggi ohcá mearreáigásaš prošeaktabargi nuoraidráđi De2! -fidnui
Prošeaktabargi bargun lea sámegielat ja kulturvuđot nuoraidbarggu ovddideapmi sámeguovllu gielddain prošeaktaplána mielde ovttas Sámedikki nuoraidráđiin ja fitnu stivrenjoavkkuin.
Nuoraidráđđi oassálasttii ON:id eamiálbmogiid bissovaš forumii
Sámedikki nuoraidráđi ságadoalli Rosa-Máren Juuso ja várreságadoalli Helmi Ljetoff oassálasttiiga ON:id eamiálbmogiid bissovaš forumii (UNPFII) New Yorkas. Foruma 23. čoahkkima temán lei eamiálbmogiid iešmearridanvuoigatvuođa nannen ON:id eamiálbmogiid vuoigatvuođaid guoski julggaštusa oktavuođas: eamiálbmogiid nuoraid jiena deattuheapmi.
Nuoraidráđi ságajođiheaddjit leat válljejuvvon
Sámedikki nuoraidráđi ságajođiheaddjin válljejuvvui Rosa-Máren Juuso Gárasavvonis ja várreságajođiheaddjin Helmi Ljetoff Helssegis.
Nuoraidráđđi doaibmabadjái 2024-2025 ásahuvvon
Sámedikki čoahkkin ásahii nuoraidráđi doaibmabadjái 2024-2025 čoahkkimisttis 30.1.2024.