Rähistâllâmmiäštár
Maid tun tiäđáh čäcivuáđulii snjagottemvuoidâsist?
Čäcivuáđulâš snjagottemvuoidâs keeppid liiškij kahemist šaddee máhđulii koosâ. Te tot syeijee šlijvease já tuálá kondom pyerebeht čavosin. Snjagottemvuoidâs meid lasseet seeksist navdâšem já tom puáhtá kevttiđ puohlágán seeksist. Eromâš tehálâš tom lii kevttiđ aanaalseeksist. Čäcivuáđulii snjagottemvuoidâs puáhtá pyereest kevttiđ kondomijn já seksisierâiguin.
Taarbâš-uv njälmiseeksist syeje?
Seksitaavdah njuámuh meid njälmiseeksist. Njälmiseeksist syeje addel kondom teikâ njälmiseksisyeji. Kesikumi-pakettist láá ravvuuh, ete maht njälmiseksisyeje puáhtá rähtiđ kondomist! Iänááš seksitaavdah iä oinuu ulguubel ijge paanij poossâm suoijii seksitaavdâi vuástá.
Mii čuávvoo nággusijn lii tuotâ, ko lii koččâmuš papilloomavirusijn (HPV)?
Iänááš HPV-infektioin láá tavdâmerhâttáá já puáráneh jiešmeidlist. HPV-tiijpah láá suulân muáddi čyeđe, main HPV16 já HPV18 láá tehálumoseh purâsviruseh. Toh sättih tovâttiđ kuáhtučiäppát puurrâs lasseen meid om. iämáduv, näävli, pottârääigi teikâ njiäluráávsái purâsijd. HPV tovâttem njälminjiälu purâsij tiettum lii lasanâm masa kuulmâkiärdásâžžân majemui aaigij Suomâst. Tondiet kondom kevttim meid njälmiseeksi ääigi ličij pyeri mušteđ!
Mane seksitavdâiskosijn lii tergâd muštâliđ, ete maggaar seeksi tun lah toohâm?
Ko iälá seksitavdâiskosijn, te lii pyeri muštâliđ, ete maggaar seeksi lii toohâm, vâi sij mättih väldiđ iskosijd olmâ soojijn. Uási seksitaavdâin láá páiháliih, te njuámmum sáttá leđe kužžâuálist, njiälust teikâ pottârääigist.
Mii lii táválumos vyehi, moin hiv njuámu Suomâst?
Hiv puáhtá njuámmuđ suoijiihánnáá nävli-iämádâhoonâččmist já aanaaloonâččmist. Seksi lii táválumos hiv njuámmumtääpi já čielgee suulân 80% Suomâ puoh njuámumijn. Cirgánnarkotiikamnâsij kevttein aaimij sirdem njuámumeh láá taan ive kavnâttum tuše muáddi. Moonnâm ive Suomâst kavnâttii 158 hiv-njuámumid já váhá vuálá kuálmádâs päikkieennâmlijn tábáhtusâin láá kavnâttum 15-29-ihásijn.
Kondom väldim meddâl seeksi kooskâst nuuvt, ete nubbe ij tieđe
Estim meddâl kyeđđim kalga ain leđe ohtsâš miärádâs já tom kolgâččij rähtiđ puoh uásipeelij mietâmâššáin. Jis váldá kondom meddâl nube mietâmâšttáá, te hiärkásmit jieijâs já kyeimi seksitavdáid já máhđulávt meid párnáá vyerdimân. Jis kondom váldoo meddâl nuuvt, ete nubbe uásipeeli ij paste toos jieš vaiguttiđ, te puáhtá tulkkuđ ete taho tiävdá rikkoos tobdomeerhâid.