Sámeguovllu lihkadeapmi ja lihkadeami hárjeheapmi -čielggadanbargu

Čielggadanbarggu mihttomearri lei kártet sámeguovllu gielddaid lihkadeapmái laktáseaddji resurssaid, dárbbuid ja vejolašvuođaid ja lassin kártet sámenuoraid oainnuid lihkadankultuvrras ja lihkadeami vejolašvuođain. Dát lea vuosttaš dánlágan čielggadanbargu, ja danin dat fállá maid ávkkálaš dieđu dutkojuvvon ja ipmárdusa lasiheaddji geahččanguovllus. Čielggadanbarggu bohtosiid sáhttá ain atnit ávkin ovdamearkka dihte guovllu lihkadeami ovddideamis ovttasbarggus iešguđet doibmiiguin dásseárvosaččat. Gielddaid geahččanguovllu kártemiin ja sámenuoraid jearahallamiin leat ožžon mávssolaš dieđu lihkadeami dilis ja vejolašvuođain sámeguovllus.

Dilálašvuohta álggahuvvo gáfestallamiin. Oahpahus- ja kulturministeriija bajimuš dárkkisteaddji Sari Virta muitala sáhkavuorustis oaidninčiegaid sámeguovllu lihkadeapmái ja lihkadeami hárjeheapmái. Eará sáhkavuoruid gullat Lapin liikuntas (Lappi lihkadeapmi), Sámedikkis ja Sámedikki nuoraidráđis, Liikunnan ja kansanterveyden edistämissäätiöltä LIKES:is (Lihkadeami ja álbmotdearvvašvuođa ovddidanvuođđudus) ja báikkálaš valáštallanservviin ja organisašuvnnain.

Almmuheapmi:

Dilálašvuohta lea rabas ja nuvttá buohkaide, geat leat beroštuvvan áššis. Almmuheapmi 23.9.2020 rádjái, https://link.webropolsurveys.com/S/1FFFF46F078E09C1

Dilálašvuhtii sáhttá oassálastit maiddái gáiddusoktavuođaiguin. Koronadili dihte dilálašvuohta sáhttá lágiduvvot vejolaččat maiddái ollásit gáiddusin (Zoom).

Viggat lágidit dilálašvuođa dorvvolaččamus lági mielde. Sajosis ollašuhttojuvvojit epidemiijai laktáseaddji eastindoaimmat eiseváldemearrádusaiguin: čorgen lea beavttálmahttojuvvon, giehtadesinfekšuvdna lea oažžun láhkai ja čoahkkinbáikkis lea sadji. Bivdit váldit vuhtii dorvogaskkaid ja atnit fuola giehta- ja gossanhygieniijas. Amma it boađe dáhpáhussii, juos leat buohcci. Dilálašvuođa oassálastimearri lea ráddjejuvvon ja deavdit báikkiid almmuhanortnega mielde.

Lassedieđut:

Sámedikki, nuoraidčálli, Elli-Marja Hetta, tlf. 050 382 5179

elli-marja.hetta(at)samediggi.fi

Lapin Liikunta rs, searveovddideaddji Suvi Karusaari, tlf. 040 847 1321

suvi.karusaari(at)lapinliikunta.fi

KUTSU _ BOVDEHUS PS

Bures boahtin! Pueʹtted tiõrvân! Pyeri puáttim! Tervetuloa!