Sääʹmvuuʹd sportt da spoort staarjõõttmõš -čiõlǥtõstuâjj

Čiõlǥtõstuâi mieʹrren leäi kaartʼted sääʹmvuuʹd kooʹddi spoʹrtte kuulli resuursid, taarbid da vueiʹttemvuõđid di sääʹmnuõri vuäinlmid sporttkulttuurâst da spoort vueiʹttemvuõđin. Ǥujo čiõlǥtõstuâjj leäi vuõssmõs šlaajâs tõt taʹrjjad še äukkai teâđ tuʹtǩǩummušnallšem da fiʹttjõõzz lââʹzzteei ǩiõččâmvueʹjjest. Čiõlǥtõstuâi puʹhttõõzzid vueiʹtet õõudâs äuʹǩǩeed ouddmiârkkân vuuʹd spoort ooudâsviikkmõʹšše tääʹssärvvsânji õhttsažtuâjast jeeʹres tuåimmjivuiʹm. Kooʹddi ǩiõččâmvueʹjj kaartʼtõõzzin di sääʹmnuõri mainstâttmõõžžin lij vuåǯǯum noorrâd kaallâš teâđ spoort sââʹjest da vueiʹttemvuõđin sääʹmvuuʹdest.

Poodd aalǥâst taʹrjjeemnalla lij kååʹff. Mättʼtõs- da kulttuurministeria pâʹjjtaʹrǩǩeei Sari Virta maainast saakkvuârstes ǩiõččâmvueʹjjid sääʹmvuuʹd spoʹrtte da spoort staarjõõttmõʹšše. Jeeʹres saakkvuârid kuulât Lapin Liikunta-rõ:st, Sääʹmteeʹǧǧin da Sääʹmteeʹǧǧ Nuõrisuåvtõõzzâst, Sportt da meertiõrvâsvuõđ ooudâsviikkâmfoond LIKES:st (Liikunnan ja kansanterveyden edistämissäätiö) da pääikla sporttsieʹbrin da organisaatioin.

Iʹlmmtõõttmõš:

Podd lij äävai da määusteʹmes pukid ääʹššest peersteeʹjid. Iʹlmmtõõttmõš 23.9.2020 mõõneeʹst, https://link.webropolsurveys.com/S/1FFFF46F078E09C1

Poʹdde vuäitt vuässõõttâd še ougglõsõhttvuõđin. Koronasââʹjj diõtt podd vueiʹtet vueiʹtlvânji riâššâd še obbnes ougglõsõhttvuõđin (zoom).

Mij kåittap taʹrjjeed nuʹtt staani jäällmõõžžid poʹdde, ko vueiʹtlvaž. Sajoozzâst raajât epidemia diõtt tuâsttamtuåimid veʹrǧǧneǩmieʹrrõõzzin: Čiistummuš tueʹjjeet viõkkšubun, ǩiõttdesinfiâʹsttemaunnâz lie vuäǯǯamnalla da sååbbarsââʹjj lij sâllai. Raukkâp hoʹhssjed staankõõskid di ââʹnned huõl ǩiõtt- da koossâmhygieniast. Jiõk tâma puäʹđ šõddmõʹšše jõs leäk puõcci. Šõddmõõžž vuässõõttji mieʹrr lij rajjuum da tiuddeep paaiʹǩid iʹlmmtõõttâmjiârǥ mieʹldd.

Lââʹzzteâđ:

Sääʹmteʹǧǧ, nuõripiisar, Elli-Marja Hetta, teʹl. 050 382 5179

elli-marja.hetta(at)samediggi.fi

Lapin Liikunta rõ, seäʹbrrõõudâsviiǥǥi Suvi Karusaari, teʹl. 040 847 1321

suvi.karusaari(at)lapinliikunta.fi

KUTSU _ KÅČČ _KS

Bures boahtin! Pueʹtted tiõrvân! Pyeri puáttim! Tervetuloa!