Sámedikki nuoraidráđđi ja ráđđehusbellodagaid nuorat: Ruvkkiide ii sadji sámiid ruovttuguovllus
Sámedikki nuoraidráđđi ja ráđđehusbellodagaid nuorat dubmejit ruvkedoaimma sámiid ruovttuguovllus. Ruvkedoaimmas livčče bissovaš váikkuhusat sámiid árbevirolaš ealáhusaide ja kultuvrii.
”Sámeguovllu eallinfámu ii buorrán, jos kultuvrras ja ealáhusas váldojuvvo vuođđu eret dahje juos eará eanangeavahanvugiiguin deddojuvvo vulos. Sámiid ruovttuguovlu lea earenoamážit boazodoalu várás dárkkuhuvvon guovlu, man geažil eanangeavaheami plánedettiin galgá áššáiosolaččaid, degomat bálgosiid ja Sámedikki gullat áššáigullevaččat. Áššáiosolaččain galgá leat maiddái vejolašvuohta biehttalit miehtamis eanangeavaheapmái”, muittuhit ráđđehusbellodagaid nuorat.
Varraseamos dáhpáhus sámiid ruovttuguvlui plánejuvvon ruvkedoaimmas, lea málbmaohcanfitnodat Akkerman Finland Os Eanodaga Jiehtáčerrui dahkan guovlovárren, mii gokčá sullii 70 % Ergona siidda geasse- ja čakčaguohtuneatnamiin. Ollašuvadettiinis ruvke áittášii guovllu birrajagáš árbevirolaš siidaortnega seailuma.
“Mii leat fuolas guovllu nuoraid vuoigatvuođas hárjehit iežaset kultuvrra, juos ruvkefidnu ovdána. Lea vejolaš, ahte nuorat eai bastte joatkit kultuvrraset ja ealáhusaideaset hárjeheami gilvaleaddji eanangeavahanhámiid dihte. Fuola dagaha maiddái dat, mot ruvkedoaimma lágan fitnuid dagahan eahpesihkkarvuohta boahttevuođa hárrái váikkuha sámenuoraid buresbirgejupmái, mielladearvvašvuhtii ja birgenláhkái”, fuomášuhttá nuoraidráđđi.
Nuoraidráđđi ja ráđđehusbellodagaid nuorat illudit searvvušvuođas, mii lea bohciidan fitnu vuostálastimis, ja sii čájehit doarjagiiddiset Eanodaga guovllu olbmuide. Nuoraidráđđi ja ráđđehusbellodagaid nuorat gáibidit eiseválddiid gudnejahttit sámiid vuođđolágas mearriduvvon vuoigatvuođa doalahit ja ovddidit iežaset kultuvrra ja hálddašit iežaset guovlluid.
Lassedieđut:
Anni-Sofia Niittyvuopio
Sámedikki nuoraidráđi sátnejođiheaddji
+358 40 7082 072
anni-sofia.niittyvuopio(at)samediggi.fi
Pinja Perholehto
Demarinuoret-organisašuvnna várresátnejođiheaddji
+358 40 0596 521
pinja.perholehto(at)demarinuoret.fi
Hanna Markkanen
Keskustanuoret-organisašuvnna sátnejođiheaddji
+358 50 3846 820
hanna.markkanen(at)keskustanuoret.fi
Amanda Pasanen & Brigita Krasniqi
Vihreät nuoret -organisašuvnna sátnejođiheaddjit
+358 40 9611 330, +358 45 1312 554
puheenjohtajat(at)vihreatnuoret.fi
Liban Sheikh
Vasemmistonuoret-organisašuvnna sátnejođiheaddji
+358 50 5019 721
liban(at)vasemmistonuoret.fi
Frida Sigfrids
RÁB-nuoraid sátnejođiheaddji
+358 40 5910 874
frida.sigfrids(at)su.fi
Oahpásmuva maiddái
Nuoraidráđi sátnejođiheaddjin Rosa-Máren Juuso ja várresátnejođiheaddjin Niila-Juhán Valkeapää
Nuoraidráđi sátnejođiheaddjin joatká Rosa-Máren Juuso ja várresátnejođiheaddjin válljejuvvui Niila-Juhán Valkeapää. Nuoraidráđi áššedovdin válljejuvvojedje Leo Vilmunen, Nuppu-Maaria Näkkäläjärvi, Nils-Matti Juuso, Niiles Harlin ja Heta Sieppi.
Sámenuorat sávvet servvoštallama ja sámegielat doaimmaid – De! 2 -prošeavtta gažademiin kártejuvvojedje nuoraid sávaldagat astoáiggedoaimma birra
De! 2 -prošeavttas kártejuvvojedje nuoraid sávaldagat sámegielat astoáiggedoaimma birra. Gažadeami vuođul nuorat sávvet eanemusat nuoraid sámegielat eahkediid ja servvoštallama eará sámenuoraiguin. Sámenuoraid miela miel áššit gažadeami vuođul ledje lihkadeapmi, árbevirolaš dáiddut ja olgun lihkadeapmi. Stuorámus oassi gažadeapmái vástidan olbmuin sávvá, ahte doaimmat livčče sin iežaset ruovttugiliin.
Sámedikki nuoraidráđđi ohcá áššedovdilahtuid!
Leatgo 15-17 jahkásaš sámenuorra? Hálidatgo beassat váikkuhit sámenuoraid áššiide ja oahpasmuvvat seammás eará sámenuoraide? Ohcat nuoraidráđi áššedovdilahttun aktiivvalaš sámeáššiin beroštuvan nuoraid miehtá Suoma.
Nuoraid sáhkavuorru Sámedikki ortniiduvvančoahkkimis ja nuoraidráđi nammadeapmi
De! 2-fitnu doaimmat johtui
Sámedikki ja sámeguovllu gielddaid oktasaš De! 2 -fidnu lea álgán.
Sámediggi ohcá mearreáigásaš prošeaktabargi nuoraidráđi De2! -fidnui
Prošeaktabargi bargun lea sámegielat ja kulturvuđot nuoraidbarggu ovddideapmi sámeguovllu gielddain prošeaktaplána mielde ovttas Sámedikki nuoraidráđiin ja fitnu stivrenjoavkkuin.
Nuoraidráđđi oassálasttii ON:id eamiálbmogiid bissovaš forumii
Sámedikki nuoraidráđi ságadoalli Rosa-Máren Juuso ja várreságadoalli Helmi Ljetoff oassálasttiiga ON:id eamiálbmogiid bissovaš forumii (UNPFII) New Yorkas. Foruma 23. čoahkkima temán lei eamiálbmogiid iešmearridanvuoigatvuođa nannen ON:id eamiálbmogiid vuoigatvuođaid guoski julggaštusa oktavuođas: eamiálbmogiid nuoraid jiena deattuheapmi.
Nuoraidráđi ságajođiheaddjit leat válljejuvvon
Sámedikki nuoraidráđi ságajođiheaddjin válljejuvvui Rosa-Máren Juuso Gárasavvonis ja várreságajođiheaddjin Helmi Ljetoff Helssegis.
Nuoraidráđđi doaibmabadjái 2024-2025 ásahuvvon
Sámedikki čoahkkin ásahii nuoraidráđi doaibmabadjái 2024-2025 čoahkkimisttis 30.1.2024.