Sämitige nuorâirääđi já haldâttâspiäláduvâi nuorah tyemmejeh kuáivuttâhtooimâ sämikuávlust. Kuáivuttâhtoimâ vaiguttičij mietimái sämmilij ärbivuáváláid iäláttâssáid já kulttuurân.

”Sämikuávlu eellimvuáimálâšvuotâ ij puárrán nuuvt, ete kulttuurist já iäláttuvâin váldoo vuáđu tâi eres eennâmkevttimhäämih väldih tain tile. Sämikuávlu lii eromâšávt puásuituálun uáivildum kuávlu, kuás eennâmkevttim vuáváádijn äššiomâháid, tego palgâsijd já Sämitige kalga kuullâđ ääšimiäldásávt. Äššiomâháin kalga leđe meid máhđulâšvuotâ piettâliđ miettâđ eennâmkevttimân”, muštotteh haldâttâspiäláduvâi nuorah.

Uđđâsumos tábáhtus sämikuávlun vuávámnáál kuáivuttâhtooimâst lii malmâuuccâmfinnoduv Akkerman Finland Oy Iänuduv Hietakeron toohâm kuávluväridem, mii luávdá suulân 70 prosenttid Erkuna siijdâ kesi- já čohčâkuátumijn. Olášuudijn kuáivuttâh uhkedičij kuávlu ärbivuáválii pirrâivvááš sijdâvuáháduv siäilum.

“Mij lep huolâstum kuávlu nuorâi vuoigâdvuođâst jieijâs kulttuurân, jis kuáivuttâhhaahâ ovdán. Lii uhke, ete nuorah iä paste juátkiđ jieijâs kulttuur já iäláttuv miäldásii eellim kištottellee eennâmkevttimhaamij tiet. Huolâ toovât meid tot, ete maht kuáivuttâhtooimâ nálásij haavâi tovâttem epivisesvuotâ puátteevuođâst vaaigut säminuorâi pyereestvajemân já mielâtiervâsvuotân sehe áigápuátun“, paahud nuorâiräääđi.

Nuorâirääđi já haldâttâspiäláduvâi nuorah ilodeh siärvuslâšvuođâst, maid haahâ vuástálistem lii ravkkâm já čäittih torjuus Iänuduv kuávlu ulmuid. Nuorâirääđi já haldâttâspiäláduvâi nuorah väätih, ete virgeomâhááh kunnijâteh sämmilij vuáđulavâlii vuoigâdvuođâ paijeentoollâđ já ovdediđ jieijâs kulttuur sehe haldâšiđ jieijâs kuávluid.

Lasetiäđuh:

Anni-Sofia Niittyvuopio

Sämitige nuorâirääđi saavâjođetteijee

+358 40 7082 072

anni-sofia.niittyvuopio(at)samediggi.fi

Pinja Perholehto

Demarinuorâi värisaavâjođetteijee

+358 40 0596 521

pinja.perholehto(at)demarinuoret.fi

Hanna Markkanen

Kuávdášnuorâi saavâjođetteijee

+358 50 3846 820

hanna.markkanen(at)keskustanuoret.fi

Amanda Pasanen & Brigita Krasniqi

Ruánáá nuorâi saavâjođetteijeeh

+358 40 9611 330, +358 45 1312 554

puheenjohtajat(at)vihreatnuoret.fi

Liban Sheikh

Čižetnuorâi saavâjođetteijee

+358 50 5019 721

liban(at)vasemmistonuoret.fi

Frida Sigfrids

RKP-nuorâi saavâjođetteijee

+358 40 5910 874

frida.sigfrids(at)su.fi