Ougglõsnuõripäiʹǩǩ
Tiõrv tuʹnne! Leäk-a 13-29-ekksaž sääʹmnuõrr da haaʹleʹčiǩ tobdstõõttâd di säimmõõttâd jeeʹres sääʹmnuõrivuiʹm?
Mij leäp altteʹmen ougglõsnuõripääiʹǩ 13-29-ekksaž sääʹmnuõrid Discord-vuâlast
2.9.2025 č. 18-20 ääʹljeeʹl. Vuäitak pueʹtted mieʹldd koon åʹrnn täättas, da leeʹd mieʹldd samai tõn ääiʹj, ko jiõčč haaʹlääk! Tuâjjla lie lääʹdd- da/leʹbe sääʹmǩiõllsa, nuõri ǩiõllsilttõõzzâst jeäʹla õõlǥtõõzz.
Nuõrijeäʹǩǩääi jååʹđteeʹjen toiʹmmje nuõrituâjjla Lappi vuuʹd kååʹddin di seäʹbrrkååʹddin. Jeäʹǩǩääin lie mieʹldd kõʹllʼjeei še ouddmiârkkân kååʹddin, organisaatioin da Lappi pueʹrrvââjjamvuuʹdest.
Nuõrijeäʹǩǩääid riâžžât juõʹǩǩ nuuʹbb neäʹttel vaajtõõlli neäʹttelpeeiʹvin, što vuäitak pueʹtted mieʹldd teʹl, ko tuʹnne suäpp. Jeäʹǩǩääid vuässõõttmõš ij õõlǥât tuʹst ouddiʹlmmtõõttmõõžž, taarbšak tåʹlǩ Discord- õõʹnnitobdldõõǥǥ.
Vuäitak õhttõõttâd mij Discord-vuâlže juʹn valmmšen! Õhttõõđ Discordist juʹn-a ǩeittaz QR-kood pääiʹǩ leʹbe tän koodin: PSd5MfHz5s
Puäʹđ tiõrvân mieʹldd!