Sääʹmnuõri neäʹttel-loppleirr 8.-10.5.2026 Vasatokkast

Sääʹmteeʹǧǧ De!2-haʹŋǩǩõs da Nuõrisuåvtõs di Tuõddâr-Lappi Ǩiõtt-tuâjjbuss-haʹŋǩǩõs (Sámi Duodji rõ) jäʹrjste neäʹttel-loppleeir 13–20-âkksaid sääʹmnuõrid Aanar Riutulast, Vasatokkast, 8.–10.5.2026. Jäʹrjstep nuõrid jååʹđtõõzz õhttsažtuâjast kooʹddivuiʹm. Programm älgg piâtnâc n. čiâss 18 da põõtt pâʹsspeeiʹv tueʹlespeivva. Leirr lij määustem. Vuässõõttimieʹrr lij rääʹjtum, muuʹšt iʹlmmtõõttâd jåʹttlânji mieʹldd! 

Sueʹvet tueʹlespeeiʹvest liâ kueʹhtt tuâjjpääʹj, koin vuäitak vaʹlljed: ”Ǩeʹkssjet vuäʹmm ǩiõtt-tuâjast ođđ”-kââʹrvtempääʹjj leʹbe motorǩeâlk teevvmõš. Kââʹrvtempääʹjest piâzzak tuejjeed mõõn-ne jiijjad vuäʹmm ǩiõtt-tuâjast, pihttâz kuuʹsǩest dno. mõõn-ne oođâs. Kââʹrvtempääʹj puuʹtʼtõõzz vuässâʹtte ǩiõlbbu pueʹrmõs kââʹrvtemjurddjest da vuõiʹtti vuäǯǯ ciist! Motorǩeâlkai teevvmõʹšše õhttneei tuâjjpääʹj siiskõs täʹrǩsmââvv veâl mâʹŋŋlubân.  

Jeäʹǩǩespeeiʹvest lij õhttsaž liikkeem-aktiviteeʹtt Vasatokka määŋgpeällsaž sõõʹjin. Tän mâŋŋa vuäitak âʹpet vaʹlljeet kuõiʹtest tuâjjpääʹjest: reepp ǩiõlin šeellmõõžž mättʼtõõttmõõžž leʹbe taarblaž ǩiõtt-tuâjjtääid da modeeʹrn pihttâz plaanummuš. Jeäʹǩǩää liâ hääʹsǩes ǩeâlb ”Suurmestari goes Sápmi”-teemain di tolstõõllmõš. 

Tiõrv pueʹttem mieʹldd! Leeir programm lij plaanuum nuʹt, što vuäitak vuässõõttâd samai nåkkmen, ǥu ton leäk. Pieʹǩǩ meeʹst maainast jäänab da pieʹǩǩ tuʹǩǩad seuʹrrjed jõskksânji paaldâst. Nuuʹbb mainste jäänab uuʹcces jooukin. Pieʹǩǩ oummuin lij vääžnai tobdstõõttâd ođđ oummuid. Nuuʹbb vuässâʹtte jäänab prograʹmme da vueʹlǧǧe tååđviʹžžen mååusat domoi ođđ taaurõõžžtaa. Juõʹǩǩ ekksaž nuõrid lij sââʹjj. Leeir poodd ââʹnet sääʹm- da lääʹddǩiõl vuässõõđji mieʹldd. Sääʹmǩiõl täidd ij leäkku vieʹlttʼtem. 

Innsââʹjj lij juõkkum lõõnnjin. Leirr lij peäʹnectem. Iʹlmmtõõttmõš lij äävai 15.-23.4.2026. Iʹlmmtõõđ mieʹldd täʹst: https://link.webropolsurveys.com/S/BDAD8BEB3038FF6C   

Lââʹssteâđaid leeirest:

De!2-haʹŋǩǩõstuâjjlaž Irene Fofonooff

044 902 8615

irene.fofonoff@samediggi.fi